هل هذة اعراض الدبرياج ؟

**ahmed1981** · 21-11-2007 08:03 PM

غالبا الإسطوانة باظت ولكن سؤال :
وإنت ماشي على التاني أو التالت مثلا لو دست جامد فجأة هل صوت العربية بيعلى جامد على الفاضي بدون تأثير كبير في السحب ؟ ؟ ؟ ؟
لو الإجابة نعم يبقى الإسطوانة باظت
لو لا يبقى سليمة

**moudy2002** · 21-11-2007 08:44 PM

وإنت ماشي على التاني أو التالت مثلا لو دست جامد فجأة هل صوت العربية بيعلى جامد على الفاضي بدون تأثير كبير في السحب

نعم الصوت بيعلى جامد والسحب شوية ضعيف ..
اظن ان كمان ان الاسطوانة باظت خلاص لانة يوجد صوت ونة مصحوية بصوت خشن لو قرصت بسيط قوى على الغيار .
ممكن حد يقولى اية احسن نوع ممكن اشترية يكون فى المعقول وكمان مصنعية الكلام دة كام على حد علمى انه هينزل الفتيس كلة علشان يركب الديسك والاسطوانة والبلية ؟ كمان هى محتاجة التوكيل والا اشوف مكيانيكى ابن حلال وخلاص ؟
وشكرا مليون مرة على الرد والاهتمام . وربنا يدوم علينا المحبة والمساعدة لوجه الله الكريم .

**جندى مجند** · 22-11-2007 05:07 PM

أنا كان معايا فليشيا قبل كدة و غيرتلها اسطوانة دبرياج و الورشة اللى كنت بأتعامل معاها كان صاحبها مهندس و فاهم كويس خاصةً ان أخوه كان تاجر قطع غيار و قاللى ان الاسطوانة من نوع Valeo هى أفضل نوع فى السوق بس بصراحة مش فاكر السعر كان كام لأن الكلام دة من أكتر من سنتين ... يمكن 400 جنيه أو فى الحدود دى

**ماجد يوسف وهبه** · 23-11-2007 12:30 AM

كل الأعراض اللى أنت بتقولها معناها أن الأسطوانة فعلا عمرها أنتهى

أنصح بشدة انك تغيرها فى التوكيل لأن العربية لازم تترفع على حاجة عالية

الحاجة دى مش بتتعمل كل يوم علشان تعملها عند المكانيكى وكمان لازم تجيب قطع الغيار المضمونة لأن فعلا تغيير الأسطوانة شغلانة كبيرة بس مش بالنسبة للتوكيل لأنهم بيعملوها 50 مرة فى اليوم

**eng_mkhalaf** · 23-11-2007 09:25 AM

المشاركة الأصلية كتبت بواسطة ماجد يوسف وهبه

كل الأعراض اللى أنت بتقولها معناها أن الأسطوانة فعلا عمرها أنتهى

أنصح بشدة انك تغيرها فى التوكيل لأن العربية لازم تترفع على حاجة عالية

الحاجة دى مش بتتعمل كل يوم علشان تعملها عند المكانيكى وكمان لازم تجيب قطع الغيار المضمونة لأن فعلا تغيير الأسطوانة شغلانة كبيرة بس مش بالنسبة للتوكيل لأنهم بيعملوها 50 مرة فى اليوم

+1000000000000000 :lol: :lol: :lol:

**moudy2002** · 23-11-2007 01:58 PM

بس انا عايز اسأل سؤال لو الدبرياج فعلا ودع وانتهى موضوع السحب دة بيبان ازاى
انا ممكن على التانى اجيب لفاية 80 او 70 ك بس طبعا صوت الموتور بيبقى فظيع وبحس ان العربية مخنوقه و rbm بيبقى على 6 rbm طبعا انا مرة واحدة بس عملت كدة
هل فعلا لو الدبرياج انتهى ماقدرش اجيب 80 ك على التانى ولا اية
انا بس عايز اعرف هل دة الطريقة انى اعرف السحب كويس ولا لا
مع العلم انى بنقل على 2.5 rpm يعنى التانى اخرة معاية 40 ك