الموضوع: زيارتي الاخيرة للحاج عاشور بطنطا

السلام عليكم

[justify]
احبتي اعضاء المنتدى الاكثر من رائع والحمد لله ان كل من هو في النتدى بيشارك براي باكون مستفيد من كل ماتكتب فيه وباعتذر على تاخر مشاركاتي وده بسبب الشغل.
المهم من فترة مش كبيرة كنت بلاحظ سقوط زيت من العربية عندي وخاصة لما تكون دايرة واوقفها
الحمد لله ربنا اكرمني وكان عندي وقت يوم السبت اللي فات وفي نيتي اني اروح علشان سقوط الزيت هوا مكانه تقريبا معروف عند كتير من الشباب اللي بيروحو طنطا زراعي بالظبط قبل مطلع كوبري المحله الكبرى على اليمين ماشاء الله عليه عنده تقريبا كل انصص واربع العربيات الاوبل الجديد والقديم منها دا غير قطع الغيار الاصليه اللي بيجيبها من موزعين مختصين او من التوكيل لما تكون الحاجه اللي برة مش متوافقه مع شغلة زى صاجة وجوان الكارتيرة دي بيجيبها من التوكيل لانها افضل غير السوقي لانها بعد فترة بتجيب زيت تاني.
روحتله وقولته انا عايز اشوف الزيت ده بيسقط منين نزل الفني اللي عنده وكان اسمه عصفور بس بصراحه ماشاء الله عليه اديه تتلف في حرير متمكن من الاوبل كويس جدا دا على حد تجربتي معاه نزل ولقلى بعد فك الماكنه الاتي:

1. اويل سيل كرنك خلفي دايب جدا ومش نافع وده السبب الرئيسي في نزول الزيت
2. اويل سيل كرنك امامي
3. طرمبة الميه بتجيب ميه من الجنب
4. بلية سير شداد الكاتينه خشبه جدا
5. بلية شداد الدينمو كذلك خشنه
6. وش سير التقسيمة كان مكسور غيرته(الفيبر البلاستيك)
7. الدينمو كان فيه بليه خشنة وبالتالي غيرته افضل بواحد استعمال
8. طرمبة الباور كانت ضعيفة شوية غيرتها
9. غيرت سير الدينمو الاصلي ب 128 جنيه مش عارف ازاي

واخيرا لما خلصت ده وركب الماكنه كان الماف عندي بيهيس شافه قاللي انا عندي استعمال كويس جدا قولتله غير ولما جه يجرب الجديد لقيت انه مخنوق جدا ونسبة الهوا اكتر من البنزين الداخل وبعد كذا محاولة تغيير لقى ان طرمبة البنزين ضعيفه جدا مش مغذياه كويس فغيرت واحده ماكانتش بنفس الكفاءة المطلوبه لقيت عنده واحده جابهالى عصفور بتاعت الاوبل v6 6سليندر شكلها حتى ضخم وجوا علبه بلاستيك بعد ما غير توصيلات دي للي عندي وركب بدور لقيت ان خرطوم البنزين من ضغط الطرمبه فك واتقطع غيرته بواحد تاني جديد وجبته طويل شويه علشان يدخل في المجراة بتاعته مظبوط المهم بعد التغيير دورت لقيت العربيه اختلفت خالص والحمد لله على ما اعتقد دي كده تعتبر صيانة ال 50000 كلم والحمد لله اتكلفت عليا كل ده مع تغيير فلتر البنزيز وفلتر الهوا وطقم بوجيهات جديده الحمد لله اتكلف معايا 3250 جنيه.
باعتذر على الاطاله بس حبيت احكيلكو تجربتي مع الوبل 1995 والتى الحمد لله على كل مابتوريني الويل احيانا من كتر مصاريفها الا انا مش لاقيلها منافس حتى الان يرضي غروري.
[/justify]