الموضوع: رجاء اخوي بضبط النفس

المشاركة الأصلية كتبت بواسطة مصراوي جدا

استاذ كريم ،، انا شايف ان اللي حصل له فوايد كتيرة وهو انه قربنا من بعض ورجعنا نحب بعض بعد ما كنا كل واحد اصبح جزيرة منفصلة

واننا رجعنا نحب مصر ونعشق ترابها وناسها وأهلها

الاذاعية مفيدة شيحة لسه حالا كانت بتقول على الهواء في برنامج العاشرة مساءا (الممتد حتى الآن الواحدة صباحا) انها بتحيي الرجل الوحيد اللي اتخذ قرار مع احترامها لكل الوزراء المصريين اللي معملوش اي حاجه وهو الرئيس محمد حسني مبارك اللي قال كل المصريين اللي في السودان يرجعوا خلال ساعة واحدة في أي طيارة بدون اي ورق ولا باسبورات ولا حاجه (لأن منهم من ضاع باسبوره) وفعلا اصبحوا بيركبوا الطيارات زي الميكروباصات اللي يتملي يطلع وقدرت ترجع لبيتها وبنتها

تحية له.. وفي انتظار قرار رسمي لطرد السفير الجزائري عبد القادر حجار أحد المخططين الواضحين للمهذلة اللي حصلت وعضو واضح في تنفيذه واتكلم بكل صلف وصفاقة وكذب في الموضوع

طيب لية الرئيس ميتدخلش ويجيب الناس اللى محبوسة فى الجزائر انا والدى بقالة حوالى اربع ايام بينام فى الشارع
ووالدى رجل مهندس ومحترم هو وكل اللى معاة
تخيل انك نايم فى الشارع فى حتة امان مفيش خروج ولا اى حاجة ومش عارف مصيرك اية هتسافر هتقعد

المشاركة الأصلية كتبت بواسطة eng_mostafa_89

طيب لية الرئيس ميتدخلش ويجيب الناس اللى محبوسة فى الجزائر انا والدى بقالة حوالى اربع ايام بينام فى الشارع
ووالدى رجل مهندس ومحترم هو وكل اللى معاة
تخيل انك نايم فى الشارع فى حتة امان مفيش خروج ولا اى حاجة ومش عارف مصيرك اية هتسافر هتقعد

هو لسه فى هجوم عليهم ؟؟

طب ميعرفوش يوصلوا المطار و يسافروا ؟؟

ان شاء الله يرجع بالسلامة

المشاركة الأصلية كتبت بواسطة karim_monir

قلبي وقلب كل من في هذا المكان الطيب يتوجهون بالدعاء والتضرع لله من اجل فك اسر والدك هو ومن معه
ويا ريت تكلم كل برامج التوك شو عشان ماينسوش بقية المصريين في الجزائر

اولا بشكر كل اللى دعا لوالدى
وبعدين يافندم البرامج والتلفزيون مش هيعملوا حاجة المهندس ابراهيم محلب رئيس شركة المقاولين العرب كان عندهم امبارح عمل اية راح قالهم انتم عايزين اية قالولة عايزين ننزل قالهم ماشي على حسابكم قالولة موافقين قالهم ماشي اكتبوا اساميكم فى ورقة
والمفروض انة كان هيقعد كام يوم علشان يلف على المواقع كلها وخاصة ان فى موقع من المواقع سفر حوالى 15 ساعة بالاوتوبيس ويقابل الناس فى كل مكان
بس طبعا قعد يوم واحد وراح راجع مصر تانى ولا عمل اى حاجة
والناس لسة قاعدة محبوسة فى اماكنهم وخلاص مش عارف مصر خايفة على مش عارف
لا وكمان المهندس ابراهيم محلب يقولهم اية بكل برود انا شايف انكم تقعدوا هنا احسن لان لو نزلنا المواقع هتتسرق هى الحاجات الموجودة هناك
تخيلوا خايف على المعادات واللذى منة ومش خايف ليخطفوا روح واحد فيهم

والله يا جماعة فى حاجة عايز اقولها ومش متاكد منها
الطيران المصرى ممنوع من دخول الجزائر ياريت لو حد يعرف يتاكد من الموضوع دة يتاكد ويقولنا
ومعلش طولت عليكم
وشكرا مرة اخرى لكل من دعى للمصريين الموجودين هناك

المشاركة الأصلية كتبت بواسطة eng_mostafa_89

طيب لية الرئيس ميتدخلش ويجيب الناس اللى محبوسة فى الجزائر انا والدى بقالة حوالى اربع ايام بينام فى الشارع
ووالدى رجل مهندس ومحترم هو وكل اللى معاة
تخيل انك نايم فى الشارع فى حتة امان مفيش خروج ولا اى حاجة ومش عارف مصيرك اية هتسافر هتقعد

ربنا يرجعهولك بالسلامة ان شاء الله