صيانة ال10000 وما تم فيها فى السبع وشكر خاص

**Bishoy.Girgis** · 20-11-2009 12:54 AM

انا عملت صيانة عربيتي 10000 كيلو عربية صني 2009 بترولي يوم ماتش مصر و الجزائر 14 \ 11 و ده كان في توكيل السبع اوتوسيرفيس بالمعادي و العربية دخلت التوكيل و طلعت رسمي بعد 5 ساعات و ده للأهتمام الشديد من التوكيل بالعربية و يرجع ده لأخ جديد لي بالتوكيل و حسسني انه يعرفني من سينين و هو المهندس حاتم " احسن استقبال - احسن معاملة - احسن استلام " و تأخيري في كتابة تقريري ده عن الصيانة كان سبب ظروف خاصة اوي .
العربية حصل فيها تشيك أب علي كل الزيوت و المياه في العربية و صنفرة التيل و تبديل كوتشات العربية من الامام الي الخلف و العكس .... و ايضا تم تربيط العفشة بالكامل و تصليح تزييق في الكراسي الامامية و كل ده تم فعلا علي اكمل وجه .
سبب تأخيري بالتوكيل هو تصليح الكراسي و كمان لما العفشة اتربطت . اللي حصل ان بعد طلوع العربية لاقيت ان الدريكسيون تقيل اوي في السواقة و بعدين اخدها المهندس حاتم دخلها التوكيل تاني و فك تربيط علبة الدريكسون شوية و بعدين طلعت العربية و بعدين لاقيتها لسة تقيلة و بعدين دخلت تاني و طلعت لاقيت العربية اتظبطت و قعد جانبي المهندس حاتم و طلعنا بره التوكيل و جربنا العربية اكتر من عشر دقائق لغاية ما حسيت انه هو اللي عايز يطمئن علي العربية اكتر مني شحصيا ً
طولت عليكو .... اخيرا عايز أأكد ان توكيل السبع هو الاول و ربنا يخلي المهندس حاتم و يكتر من امثاله لأنه جدير بالاحترام ...

**asnady** · 20-11-2009 08:41 PM

السبع ممتاز دائما

**AYMANEZZE** · 22-11-2009 11:44 AM

انا امبارح 21/11 كونت هناك بعمل صيانة ال 25000 وفعلآ المهندس/ حاتم والاستاذ/ احمد ناجى وكل العاملين هناك قمة فى الاخلاق والذوق وحسن الاستقبال وتلبية كل طلبات العميل وحل جميع المشاكل فعلآ من افضل التوكيلات الموجود فى مصر