جير التيدا المانيول

**mohammedeg** · 01-06-2009 11:45 AM

الأعضاء الأفاضل لاحظت عند القيادة علي النقلة الخامسة وعند السرعة من 80 إلي 90 كم/ساعة يظهر صوت خفيف غالبا من الفتيس (ونة) وبعد الـ 90 يختفي هذا الصوت.
مواصفات السيارة: نيسان تيدا مانيول 2008 عاملة 11000 كم تقريبا.
برجاء الإفادة.

**tata12001** · 01-06-2009 12:39 PM

بص هو بصراحة أنا معرفش ، وأغلب الأعضاء معاهم تيدا اتوماتيك بس إللي إن شاء الله حيفدك هو الباشمهندس سبعاوي.
وإلي أنا متأكد منه إن الشباب هنا عايزين يعرفو التيدا المنيوال بتجيب من ٠-١٠٠ في أد اى ؟!! أنا عرف انها حاجة غريبة! بس لو أدرت تصورها فيديو د لو حتعملهة تبئة مشكور.

**for_ever** · 09-06-2009 11:58 AM

انا عندي تيدا 2006 مانيوال و بحس بردو بنفس الونة !!!

**ashrafhumax** · 09-06-2009 02:45 PM

انا ايضا تحدث معي في صني 2007 الكوري من 60 وتختفي في 70

**pharonicking** · 09-06-2009 02:54 PM

طب وفى المارشدير

**mohammedeg** · 14-06-2009 10:52 AM

1- السادة الأفاضل انا شاكر جدا للإجابات انا دخلتها الصيانة وقالو مفيش حاجة بس انا بصراحة مش مقتنع (انا عايش حاليا في مسقط) وقالولي إنتة قلقان لية العربية في الضمان لغاية 100.000 فسكت وأمري لله.
2- أرجو من المهندس سبعاوي المشاركة برأية.

**for_ever** · 20-06-2009 05:01 PM

اعتقد الونة دي ممكن تكون ان كاوتش العجل مش مظبوط او محتاج ترصيص
ممكن كمان الجنط نفسه في مشكلة اقصد الدائرة بتاعته مش مستديرة بالشكل الصحيح نتيجة مطب جامد
انا بصراحة بحاول ما اقلقش نفسي بالموضوع ده و متعايش معاه

**mohammedeg** · 22-11-2009 12:23 PM

الأخوة الأفاضل
لما التوكيل قال إن مافيش مشكلة بعت E-mail إلي نيسان الشرق الأوسط المهم التوكيل كلمني واتقفنا يجرب العربية تاني جربناها وجربنا عربية تانية واتضح ان العيب موجود في الأثنين وقالو إن العيب مش مؤثر علي الماتور ولا الفتيس ولا الونة صوتها خفيف والمهم إنة مش هيزيد عن كدة ولا هيأثر علي حاجة في العربية وكل التيدا المانيول فيها نفس اعيب دة.
تحياتي
محمد السيد