غالبا يا سيكا يقصد انها حقن الكترونى يعنى , و دى الطريقى الحديثة فى كل الموتورات الجديدة لتوصيل البنزين داخل السيلندر بتاع الموتور , و بتبقى عبارة عن صمام بيتم التحكم فية الكترونيا بواسطة كوبيوتر المحرك و بيقوم ببخ الوقود داخل غرفة الاحتراق , طبعا دة بيضمن دقة اكبر فى توزيع الوقود و احتراقة بالكامل داخل السيلندر , و كل سيلندر بيكون لة اتنين او اربع صمامات من دى حسب تطور المحرك , وطبعا الكوميوتر اللى بيتحكم فىالصمامات دى بيكون لة العامل الاكبر فى دقة و انتظام التحكم فى الصمامات دى,و كل كوبيوتر و شطارة بقى .
كمان بيكون فى مجاسات حساسة داخل المحرك مرتبطة بالنظام دة عشان تقيس اتوماتكيا الاحتراق دة و تقوم بتعديل نفسها بنفسها عشان تخرج اكبر قدرة ممكنة من المحرك مع استهلاك مناسب للوقود , طبعا المحركات مستمرة فى التطور و الحقن الاكترونى هو اهم محاور التطوير دة لانة بيرفع كفائة المحرك و بيدى اكبر قدرة ممكنة من نفس الحجم ال cc و هو دة اللى الشركات بتتنافسة فى دلوقتى
طبعا الميكانيكية التقليديين مش حيقدرو يعملو حاجة مع موتور زى دة , لان الكوبيوتر مش من اختصاصهم غير ان ضبط موتور بالمنظر دة محتاج اجهزة و قياسات مش حتتوفر غير فى التوكيل .
المفضلات