انا ماركبتش الsx4 خالص بس ركبت السيفيك وعجبتني بصورة رهيبة فيها موتور جبار بس العيب اللي لاحظته فيها انها واطية جدا يعني تبقي عامل حسابك انك مش هتسلم من المطبات غير كدة عجبتني جدا وسالت صاحبها علي التوكيل قالي جيد جدا بس قطع الغيار غالية
اما بالنسبة لل sx4 فالناس في المنتي بتشكر فيها بس انا مقعدتش فيها وماشفتهاش اصلا وهي واقفة ومن هنا يبقي لازم تاخد جولة في قسم السوزوكي
وبرده في حاجة ان في فرق في السعر واضح لازم تاخد بالك منه
انا لو بتخيرني مابنهم هاختار سيفيك لحبي الشديد ليها وهحاول اغمي عيني عن ارتفاعها لان بالنسبالي من اكتر عيوب العربية انها تحك في المطبات
لازم تشوف الاتنين وتركبهم ولو عرفت تجربهم يبقي افضل وشوف انهي انسبلك عشان لما تجيب حاجة لما تزهق منها ماتقولش يا ريتني كنت جبت التانية
المفضلات