الموضوع: ايه سبب عدم انتشار البيرسونا؟

انا هرد على حضرتك واحده واحده
لكن بما اني امتلك جين2 وطبعا هيا هيا البيرسونا مع فرق الشنطه
واختلافات اخرى في الشكل فقط
مبدأيا انا شايف ان البيرسونا انتشرت بشكل كويس جدا جدا جدا جداا
ويمكن هتلاقيها اكتر من الجين2 في خلال سنه مثلا
السبب طبعا العاده المصريه الجميله اللي مبتحبش الهاتش باك بشكل عام وانا ملاحظ ان العاده دي بدأت تختفي (الجين2 ليفت باك مش هاتش باك)
طبعا قطع غيار البيرسونا هيا نفسها الجين2
زي ما قلت في الاول الفرق الشنطه وبعض الاختلافات في الشكل
زي الكراسي وواماكن السماعات الخلفيه مثلا
اما عيوب التقفيل فتقدر تقول انها اختفت بنسبة 90%
علشان التوكيل دلوقتي مهتم بالموضوع ده وبيعملو تشيك كامل على العربيه قبل ما تستلمها
وبتستلم عربيتك كل حاجه فيها سليمه ان شاء الله
الفتيس مفيهوش عضه ولا حاجه بالعكس سلس جداا
لكن تقدر تقول صعب انك تحرك الفتيس من غير ما تدوس دبرياج
مش هييجي معاك بسهوله واظن ان دا في مصلحة المستخدم
علشان الفتيس لا قدر الله ميحصلوش حاجه
التزييق اللي في الكنبه المفروض انو بيكون من مكان القفل بتاع الكنبه ودي بتتحل في التوكيل لو ظهرت اصلا
وعلى فكره مش كل العربيه بتظهر فيها
يعني وانت ماشي بالراحه في شوارع مكسره ممكن تسمعوا
والموضوع دا عندي وبسمعوا وبيتحل في التوكيل
لكن مش مشكله كبيره تخليك تكره العربيه مثلا
اما بخصوص المالتي فانكسن اللي بيعلق مظهرش عندي
لكن ظهر في موديلات جين 2007 او 2008 على سبيل المثال (معرفش اذا كان في حد معاه 2009 او 2010 ظهر معاه الموضوع ده ولا لا )
والمشكله دي حلها بسيط جداا
والسبب ان طبيعي العربيه بيدخلها تراب ف التراب بيدخل على المالتي فانكشن وببمجرد ما التراب يتشال من عليه عن طريق بلاور مثلا بيشتغل تاني
خد بالك انا بتكلم عن الجين2 اللي هيا نفسها البيرسونا
ومسمعتش عن شخص من مالكي البيرسونا اشتكى من اي حاجه
كلمه اخيره
العربيه ما شاء الله عليها حلوه جدااااا في كل حاجه
ومش هتدايق منها خالص بالعكس
وفي انتظار مالكي البيرسونا يفيدوك بأجوبتهم
معلش طولت عليك
ربنا يهديك للعربيه المناسبه اللي تكون فيها مرتاح نفسيا
واخيرا بقولك اطمن العربيه هتعجبك
(بخصوص سعر اعادة البيع حاول متفكرش فيه كتير لانك مش هتفكر تبيعها غير ببعد فتره كبيره ولو فكرت اظن ان البيرسونا سوقها هيكون ماشي اوي لانها مميزه عن الجين2 بشنطتها ودي اول حاجه بيدور عليها المصريين من قبل ما يدورو على العربيه (مش كل المصريين طبعا) )
شكرا اتمنى اكون افدتك

أنا بردو ذيك قلقان وحاجز جين2 2010 .. بس موضوع الانتشار ده مش هو اللي هايحدد أنا هاشتري ايه . و الدليل ان اكتر عربية انتشارا في 2008 و 2009 كانت شيفروليه أفيو .. مع انك لو سألت حد من صحابها هايقولك انها عربية تعبانة و مقرفة !! و بصراحة أنا شايف ان الشعب المصري بيحب يشتري الحاجة المنتشرة (بنفكر في تمن البيع من قبل حتي مانشتري!!!)
توكل علي الله و فكر في الموضوع من زاوية مختلفة. و ربنا يوفقك للي فيه الخير.

ياجماعه انتوا بتقارنوا عربيه لسه نازله 2009
بالهيونداى والصنى والانسر اللى ليهم زمن
العربيه علشان لسه جديده فالكل لسه مستنى غيره يجربها
لكن انا بحكم تجربتى مع البيرسونا والجين تو ماشاء الله عليهم
افضل عربيتين فى فئه ال 100 الف
وطبعا الواجااا معاهم علشان ماتزعلش
اخى شوفى العيوب اللى فى الصنى بالذات والانسر وبعدين تعالى تانى للبروتون .

انا بحسها غاليه و فاضيه

المشاركة الأصلية كتبت بواسطة NoRmAl

انا بحسها غاليه و فاضيه

معلش ياعمرو اصلو ميعرفش
سامحووووووووووووه

البرسونا جامدة جدا ما شاء الله و سبب عدم انتشارها زى ما الناس قالت أولا إنها لسه نازلة 2009 زى ما انت عارف فطبعا عمرها ما هتقارن بعربيات بقالها 30 سنة فى السوق المصرى.
ثانيا أغلب أفراد الشعب بيشترى العربية بس عشان خاطر سعر إعادة البيع كأنه جايب العربية النهارده عشان يبيعها بكرة عربية جديدة زى البرسونا طبعا لسه مالهاش سعر فى إعادة البيع و لكن أنا متأكد إن ده مش هيستمر كتير و افتكر الدايو أول ما نزلت.
ثالثا بالنسبة للعيوب اللى حضرتك بتتكلم عليها هى موجودة فعلا و بنسبة كبيرة كمان يعنى مش هخدعك و أقولك قلما بتلاقيها بس كلها عيوب تافهة جدا و بتختفى فى أول صيانة على الأكتر.
و مثال صغير قلته قبل كده و هكرره تانى لأن ده وقته ( انت لو اشتريت بنطلون أديدس سبورت من التوكيل هتجيبه بحوالى 270 جنيه و لو جبت نفس البنطلون من stock store هتجيبه ب 70 جنيه تقريبا و يمكن تلاقى فيه ديفو زى السوستة بايظة مثلا، هتروح تصلحها ب 5 جنيه مثلا و تلاقى نفسك معاك نفس البنطلون اللى ب 270 جنيه و دفعت فيه بس 75 جنيه يبقى مين اللى كسبان) أسف لتكرار كلام قلته قبل كده فى مشاركة سابقة بس أنا شايف إنه أحسن مثال قلته يوضح وجهة نظرى فى عيوب العربية دى

المشاركة الأصلية كتبت بواسطة NoRmAl

انا بحسها غاليه و فاضيه

مبدايا بس انتا بتتكلم عالبرسونا ولا عربية تانية!!!