الضمااااااااااااااااان يا جماعة

**tamer_aj** · 09-09-2009 06:02 PM

السلام عليكم,

يا جماعة فيه موضوع مهم جدا لازم نحسمه مع التوكيل و هو الضمان,

حيث أنه مكتوب في البروشور بتاع العربية و اللي بيطبعه عز العرب إن الضمان 3 سنوات أو 60000 كم علي العربية, و 5 سنوات أو 100000 كم علي الموتور و الفتيس,

و أتفجأت و أنا بعمل صيانة الألف إن لأ الضمان بس 3 سنوات أو 60000 و مافيش حاجة عليها 5 سنوات دي...!!!

و في يوم الإفطار لما سألنا المهندس أمر قالنا لأ مافيش حاجة عليها 5 سنوات أو 100000 و طبعا صعقت أنا و كل اللي كانوا حضريين الكلام, رغم أن أ/ محسن صالح مأكدلي إن الضمان 5 سنوات علي الموتور و الفتيس,

و إمبارح كان صاحبي و زميلي عمرو بيحجز الحتة البيرسونا و سأل أ/ محسن علي الموضوع ده, و كانت إجابته القاطعة (إحنا ملتزمين باللي مكتوب في البروشور بتاعنا) يعني الضمان اا 5 سنوات شغال....!!!!!

فا لازم ياجماعة نحسم الموضوع مع التوكيل, الموضوع مش هزار, ده موضوع غاية في الأهمية و أنا لازم نسير الموضوع عشان نحسمه و إلا هيضيع حقنا و حق ناس كتيير.

أرجو المشاركة بـ أرائكم و مقترحاتكم و نرجو أيضا مشاركة المهندس أمر و إفادتنا بحقيقة الأمر....!!!

و يا جماعة كل معاه بروشور يرجعلوا.....

م. تامر حافظ

**DR_EMAD** · 09-09-2009 06:16 PM

و في يوم الإفطار لما سألنا المهندس أمر قالنا لأ مافيش حاجة عليها 5 سنوات أو 100000

أنا استغربت فعلا .. لما المهندس آمر قال كده ؟؟؟

**m.3abdel3al** · 09-09-2009 08:10 PM

لازم يلتزموا علشان لو ملتزموش من حقك انك تشتكيهم لجهاز حماية المستهلك هو البورشور دا من عندهم ولا انا جايبه من بتنا مثلا

**mimo3000** · 09-09-2009 08:21 PM

هو فعلا زى محمد عبد العال مقال جهاز حمايه المستهلك هو الحل زياره صغيره ليهم وهما هيقوموا بالواجب وهيجبروا التوكيل ينفذ كلامه اللى فالبروشور

بس اللى هيأكد الموضوع شهاده الضمان اللى مع العربيه مكتوب فيها ايه دى الفيصل (انا لسه ماستلمتش الضمان بتاعى فعشان كده مش عارف ايه اللى مكتوب فيه) اللى معاه الضمان يقراه كده ويشوف بنوده ويشوف المده قد ايه ولو طلعت 100 الف مش 60 وواحد راح ومرضيوش يصلحوله العيب فالضمان يبقى نقوم كلنا نعمل شكوى جماعيه ونقدمها

**tamer_aj** · 10-09-2009 01:08 AM

المشاركة الأصلية كتبت بواسطة mimo3000

هو فعلا زى محمد عبد العال مقال جهاز حمايه المستهلك هو الحل زياره صغيره ليهم وهما هيقوموا بالواجب وهيجبروا التوكيل ينفذ كلامه اللى فالبروشور

بس اللى هيأكد الموضوع شهاده الضمان اللى مع العربيه مكتوب فيها ايه دى الفيصل (انا لسه ماستلمتش الضمان بتاعى فعشان كده مش عارف ايه اللى مكتوب فيه) اللى معاه الضمان يقراه كده ويشوف بنوده ويشوف المده قد ايه ولو طلعت 100 الف مش 60 وواحد راح ومرضيوش يصلحوله العيب فالضمان يبقى نقوم كلنا نعمل شكوى جماعيه ونقدمها

الضمان مش مكتوب فيه مدة و لا وقت, متسابة فاضية علي حسب البلد و الوكيل اللي في كل بلد,

بس لو رجعت للبروشور بتاع الجين 2 أو البيرسونا هاتلاقي مكتوبة فيه صريحة (5 سنوات أو 100000 علي الموتور و الفتيس) و كمان أ/ محسن بيأكد إحنا ملتزمين باللي إحنا كاتبينه.....!!!!!

**mimo3000** · 10-09-2009 01:20 AM

طيب هو مبدأيا عشان الموضوع يثار لازم حد يكون عدى ال 60 الف وراح التوكيل قالوله ان العربيه خرجت من الضمان عشان يبقى لينا حق اننا نتكلم

انما مجرد معلومات او كلمات من غير دليل محدش هيلتفت لاى اجراء هنخده

فلازم يكون فى حاله قدامنا قالوله ان عربيته بره الضمان وهو لسه مكملش ال 100 الف عشان نقدر نتحرك

**Eng. Rafy Samy** · 10-09-2009 01:44 AM

متابع باهتمام

**hesham_soaida** · 10-09-2009 01:57 AM

المشاركة الأصلية كتبت بواسطة tamer_aj

الضمان مش مكتوب فيه مدة و لا وقت, متسابة فاضية علي حسب البلد و الوكيل اللي في كل بلد,

بس لو رجعت للبروشور بتاع الجين 2 أو البيرسونا هاتلاقي مكتوبة فيه صريحة (5 سنوات أو 100000 علي الموتور و الفتيس) و كمان أ/ محسن بيأكد إحنا ملتزمين باللي إحنا كاتبينه.....!!!!!

طيب الواجا نفس الكلام؟؟؟؟؟؟