السلام عليكم ورحمة الله وبركاته
حصلت لي مشكلة غريبة من امبارح.
الدينامو باظ مني من يومين والبطارية نامت طبعا. رحت كشفت عليها لقيت مافيش مياه خالص ، راح الراجل مزودها مياه واشتغلت تمام الحمدلله.
وأنا رايح أشتري دينامو جديد لقيت العربية بتقعد تقطع مني لما بدوس بنزين جامد شوية.
رحت الميكانكي غيرت زيت وظبطت تاكيهات واشتريت الدينامو وركبته والحمدلله كل شئ تمام ،بس لسة التقطيع ده موجود + فيه صوت خشونة مع ال RPM المنخفض.
روحت البيت ورشيت اسبراي التنظيف بتاع الكاربيراتير والحمدلله ظبط معايا. بس ظهر مشكلة تانية ، والعربية باردة لما أمشي بيها شوية (بسخن دقيقة وامشي) ، لما بسيب رجلي من على البنزين العربية ترجرج وتبطل. العربية بتفضل تعمل كده لحد ماتوصل لدرجة حرارة السخونة الطبيعية.

بالنسبة للصوت الخشن:
رحت للكهربائي علشان يكشف على البطارية والدينامو وقلتله على موضوع الخشونة اللي بحسها بيقوللي مافيش صوت خشن في الدينامو

ايه حل التبطيل ده ؟ وايه حل الخشونة اللي بحسها دي مع ال RPM المنخفض؟