افيدوني افادكم الله (الحقني يا ابو احمد)

**ahmad5997** · 10-11-2009 03:23 PM

اولا السلام عليكم ورحمة الله
ثانيا وحشتوني جدا
ثالثا بقي قصة الريجاتا اللي محيراني معاها
في عيد القطر اللي فات نسيت لمبة منورة بتشتغل حتي والعربية مش شغالة
وكانت النتيجة طبعا معروفة وهي ان البطارية فضيت
وطبعا الدنيا عيد فبقيت مقضيها زق والمشكلة بقي ان لما ازوقها واقول الدينامو هيشحنها واقض مشواري وارجع الاقيها برضوا مش عايزة تدور
وفي احد المرات اللي مدورها زق وماشي في امان الله لقيت العربية مرة واحدة بطلت تسحب والعربية بتتخنق جامد مني وادوس علي اد ما ادوس العربية مش عايزة تمشي بل علي العكس كل لما ادوس احس ان السرعة بتقل سرعتها وفكرت بسرعة لأني كنت علي كوبري اكتوبر والطريق كان سالك فخفت لحسن حد يلبس في وهداني ربي الي اني اشد الشفاط اللي بسخن بيه العربية ونجحت المسألة ومشيت بيها علي ادها لحد ما روحت
المهم سافرت وسيبت العربية وقولت لما ارجع افوقلها
المهم رجعت من حوالي 5 ايام
اشحن ياعم في البطارية بتشحن وزي الفل بس هو مشوار وبعد المشوار بخ
توكلت علي الله واشتريت بطارية جديدة
ملحوظة بقي
1- البطارية الجديدة من ساعة ما ركبت ولمبة البطارية منورة في كمبيوتير الاعطال مع العلم ان البطارية كويسة وبتقوم وماشية كويس الحمد لله
2- لما امشي بالعربية فترة كبيرة وابطل العربية واجي اشغلها تاني مش بتشتغل . التابلوة ينور بس تكة المارش مش بسمعها بس لو سيبت العربية شوية واجي اشغلها بتشتغل عادي

حكاية الخنقة وعدم السحب اللي حصلتلي في العيد دي حصلت تاني امبارح علي الدائري لدرجة اني كنت مرعوب وبردو ما لقيتش غير الشفاط علي العلم الحكاية دي بتروح وتيجي ف مش عارف طقم كهربا ابلاتين وكوندينسير ولا فلتر بنزين وبيكات
نسيت اقولكو صحيح العربية ريجاتا 1500 cc موديل 85 ومغير بوجيهات (ngk ولا nkg مش فاكر ) من 200 كيلو تقريبا ومغير فلاتر هوا وبنزين من 1000 كيلو تقريبا وسير كاتينة من 6000 كيلو
انا اسف جدا علي الاطالة بس والله ده عشان انتوا واحشيني بس
احبكم في الله
والسلام عليكم ورحمة الله

**zastaffa** · 10-11-2009 03:43 PM

- لما امشي بالعربية فترة كبيرة وابطل العربية واجي اشغلها تاني مش بتشتغل . التابلوة ينور بس تكة المارش مش بسمعها بس لو سيبت العربية شوية واجي اشغلها بتشتغل عادي

ده احتمال كبير جداااااا يكون اوتوماتيك المرش عايز يتغير ولما العربيه تكون سخنه وتبطلها وايجي تدورها تقوم تعتل منك عشان الاوتوماتيك سخن بسخونه الماتور والملف بتاعه ضعف ولما يهدي والسخونه تروح يرجع يدور العربيه تاني...أما بالنسبه لموضوع انك لما تيجي تزود بنزين العربيه بتتخنق وتكون هتبطل فأعتقد انك تغير فلتر البنزين وتبص علي بك السرعه بتاع الكاربيراتير وياريت تغيره أحسن وخلي الميكانيكي يقدم الكهرباء شويه ويبص علي خلوص الابلاتين ويسنفره اويغيره هو والكوندنسر انضفلك واريحلك

**reamoz** · 10-11-2009 04:27 PM

المشاركة الأصلية كتبت بواسطة ahmad5997

اشحن ياعم في البطارية بتشحن وزي الفل بس هو مشوار وبعد المشوار بخ
توكلت علي الله واشتريت بطارية جديدة
ملحوظة بقي
1- البطارية الجديدة من ساعة ما ركبت ولمبة البطارية منورة في كمبيوتير الاعطال مع العلم ان البطارية كويسة وبتقوم وماشية كويس الحمد لله

على الكلام دة لازم تكشف على شحن الدينامو ممكن يكون زيادة أو قليل والبطارية مش بتشحن كويس والجديدة شغالة وصامدة علشان جديدة لكن لو الكتاوت بتاع الدينامو بيخرف مكن تحصل الأولانية فياريت تكشف على شحن الدينامو كويس على السلامسية ومع التزويد وتشوف الفولت ثابت ولا لأ

**ahmad5997** · 10-11-2009 07:08 PM

المشاركة الأصلية كتبت بواسطة zastaffa

ده احتمال كبير جداااااا يكون اوتوماتيك المرش عايز يتغير

المشاركة الأصلية كتبت بواسطة reamoz

على الكلام دة لازم تكشف على شحن الدينامو ممكن يكون زيادة أو قليل والبطارية مش بتشحن كويس والجديدة شغالة وصامدة علشان جديدة لكن لو الكتاوت بتاع الدينامو بيخرف مكن تحصل الأولانية فياريت تكشف على شحن الدينامو كويس على السلامسية ومع التزويد وتشوف الفولت ثابت ولا لأ

الف شكر لردودكم السريعة وبارك الله فيكم
وان شاء الله هحاول اروح للكهربائي انهاردة بس ربنا يسهل ونخرج من المعتقل ده بدري وان شاء الله اوافيكو بالجديد

**ahmad5997** · 10-11-2009 07:15 PM

المشاركة الأصلية كتبت بواسطة zastaffa

أما بالنسبه لموضوع انك لما تيجي تزود بنزين العربيه بتتخنق وتكون هتبطل فأعتقد انك تغير فلتر البنزين وتبص علي بك السرعه بتاع الكاربيراتير وياريت تغيره أحسن وخلي الميكانيكي يقدم الكهرباء شويه ويبص علي خلوص الابلاتين ويسنفره اويغيره هو والكوندنسر انضفلك واريحلك

ما شاء الله عليك انت قولت كلام كتير قوي في السطرين دول هشتري فلتر وبك سرعة وابلاتين وكوندنسر وهروح لبتاع كاربراتير وميكانكي
ربنا يباركلك يا شيخ روح

بس انا ليا استفسار مش لما بشد الشفاط اللي هو مسؤل عن تسخين العربية بيسحب من الفلتر بردو عادي . يعني لو المشكلة مشكلة فلتر كان بردو هيبان لما اشد الشفاط
وبعدين لو بك السرعة اللي اعرفة يا مسدود يا شغال انما مرة ومرة
وشكرا علي مجهودك معايا ياباشا وجزاك الله خيرا

**ahmad5997** · 10-11-2009 07:16 PM

فينك يا باش مهندس سمير (أبو أحمد) لا أسكت الله لك صوتاً

**samirayad** · 10-11-2009 07:23 PM

المشاركة الأصلية كتبت بواسطة ahmad5997

فينك يا باش مهندس سمير (أبو أحمد) لا أسكت الله لك صوتاً

لسه والله شايف الموضوع دلوقتى
وساطلع عليه كويس وأقولك وجهة نظرى حالا

**samirayad** · 10-11-2009 07:31 PM

في عيد القطر اللي فات نسيت لمبة منورة بتشتغل حتي والعربية مش شغالة

الأول دى لمبه أيه
ثانيا يجب أنك تطمن على شحن الدينامو
ثالثا : هل كشفت على البوجيهات وشوفت لونها عامل أزاى (وهل بتزود زيت للمكنه كل فتره )

**samirayad** · 10-11-2009 07:41 PM

التابلوة ينور بس تكة المارش مش بسمعها بس لو سيبت العربية شوية واجي اشغلها بتشتغل عادي

وده عيب تانى
وأحتمالاته كتير
توصيلات مارش عاوزه تتأمن كويس
عيب أوتوماتيك
عيب جلب مارش

**أبومعاذ** · 10-11-2009 08:59 PM

انا كان عندي العيب دا في الريجاتا زمان و فعلا طلعت جلب المارش
انا رايي ان صاحب الموضوع محتاج كهربائي محترم هيظبطله كل القصة دي

الموضوع: افيدوني افادكم الله (الحقني يا ابو احمد)

LinkBack

أدوات الموضوع

عرض

افيدوني افادكم الله (الحقني يا ابو احمد) - انشر الموضوع فى :

-

-

-

-

-

المواضيع المتشابهه

افيدوني افادكم الله

افيدوني افادكم الله

افيدوني افادكم الله

افيدوني افادكم الله

افيدوني افادكم الله في ال 124 و 125

الكلمات الدلالية لهذا الموضوع

المفضلات

المفضلات

ضوابط المشاركة