استفسار عن كفائة الفحص و سعر قطع الغيار الاصلية ل كريستالة99

**tamerhamdy** · 21-11-2009 09:59 PM

ارجو الافادةعن الاتي

لقد طلبت من مركز خدمة الرواس في قليوبفحص السيارة لانسر مستعملة automatic 1999 glx ، ومشكلتي أن محرك السيارة الصوت عالية نسبيا ، وكذلك لا تسحب وقد قام بفحص المحرك والعفشة ، ولقد فوجئت عندما لم يقدم لي أي تقريرحول كفاءة المحرك ، وقال لي ان المحرك على ما يرام وانه فقط يحتاج الى بعض الضبط بالاضافة لضبط التاكيها ت وتغيير فلتر الوقود الي ألاصلي 40 جنيه مصري

وكما انه قدم لي قائمة قطع الغيار التي يجب تغييرها لانها مستهلكة وهي

تيل الفرامل الأمامية 400 جنيه مصري

جنيه مصري 875 قنطرة طولية للمحرك

مسمارين ميزان 200 جنيه مصري
قاعدةللفتيس360جنيه مصري
مقص خلفي ايمن 500 جنيه مصري
المصنعية 300جنيه مصري

هل هذة الاسعار جيدة ام مبالغة
تامر

**HeMa_LanCeR** · 22-11-2009 12:48 AM

مبالغه جدا كمان

فلتر البنزين الياباني ب 15 جنيه
تيل فرامل من 40 الي 100 وعلي فكره اللي ب 100 ده ياباني
معرفش سعر القنطره بس ليه تتغير أصلا !!!
مسمار ميزان مش هيعمل 20 جنيه
قاعده الفتيس بحوالي 120 جنيه دي اللي في الشمال لكن لو اللي تحت فا الوحده ب 50
المقص تقريبا 150 مش فاكر بالظبط

**bmya** · 22-11-2009 03:45 AM

بص ياباشا الاصلي تمنه فيه
انا تجربتي كانت في التييل هات التيل الاصليييييييييييييييي
انا جربت الاتيال اللي موجوده بره ياباني(مهواش ياباني ولا نيله) وتركي اسباني كلهم زباله الزباله معرفتش كده غير لما جبت الاصلييي بس كنت بجيبه من واحد بره التوكيل كان ب 250 بس الكلام ده من سنتين قبل ما بعها فعلا لا يقارن بالحاجات المضروبه دي
قيس بقه كله علي التيل الاصلي

**islamaboelnaga** · 22-11-2009 03:25 PM

و روح مصريه احسن

**أبو_حمزة** · 23-11-2009 01:01 PM

هى دى اسعار الاصلى و الفرق بينه وبين غيره كبير فى الجودة
من الاخر لو استخدمت اى حاجة مش اصلى ها ترجع تانى تجيب الاصلى عشان العربية تظبط معاك
بالنسبة للقنطرة ممكن تجيبها استيراد باقى الحاجة لازم تكون جديدة
بس معلومة الفحص بتاع التوكيل بيبقى متشدد بمعنى ان العربية لو المقص واخد خبطة هايطلع فى التقرير فى حين ان الخبطة ممكن تكون مش مؤثرة فى شغله وكذلك القنطرة
روح اضبط زوايا امام و خلف عند حد محترم و ها يجيب لك اخر المقصات