بتشيل و تتحمل و تجرى و تحرق و تترزع فى المطبات و الحفر على سرعة 60 و 70 و 100 و تطلع سليمة و .. و... و اعتماديه مش عايزه كلام لانها تعتبر بيكانتو و البيكانتو شغاله من 2005 زى الفل
بس المشكلة فى حاجه الشنطة بتاعتها صغيره و دى المشكلة الوحيدة يعنى لما سافرت مره خدت 3 شنط هاند باج متوسطين قلت كويس الكلام ده قبل ما اركب سماعتين على الرف الخلفى
بعد ما ركبت سماعتين على الرف الخلفى معرفتش اشيل شنطة واحده من الحجم الكبير (بس الشنطة كانت كبيره اوى) و يمكن السبب ان الحمار اللى ركب السماعات عمل السلك قصير بقيت معرفش ارفع الرف من مكانه غير ان السماعتين واخدين من عمق الشنطة
لكن لو تنيت الكنبة بتاخد اى حاجه تتوقعها و انا جربت انقل فيها حاجات و شالت كتيييييير
لكن كقعدة العربية بتاخد 5 اشخاص اوزان متوسطة و يكونوا مظبوطين.. او 4 مستريحين اوى و انا جربت القعدة ورا مخصوص لقيتها لذيذه مش وحشه
الحمد لله عمرها ما بتحك فى مطب حتى لو مركب 5 و على اخرها و دى اكتر حاجه تخليك تستغرب
انا كان راكب معايا واحد انهارده ما شاء الله يفصل منى 2 او 3 و قلتله الكرسى واخدك عادى؟؟ قالى انه كويس جداااا و مريح (رغم ان كراسيها ناشفة) و كان راكب و الكرسى على التظبيطة العادية الى بيركب عليها اى حد و بيكون اللى ورا قاعد مرتاح
لو الشنطة مهمة بالنسبة لك و بتركب اشخاص كتيير يبقى شوف سيدان او هاتش بشنطة اكبر غير كده العربية ممتازه و اسمع ان فيها مكونات المانى فى العفشة و معظمها كورى.. ربنا يوفقك و كل عام و انت بخير
المفضلات