بنسقط مايفيك 2400 في اسبرانزا 516

**Nour_Peugeot** · 29-01-2010 06:07 AM

في ايه يا رجاله الراجل جالكم الصور و قال انه لسه مخلصش تعديل في العربيه في ثانيه قده هتحكموا عليه

انا ليا طلب واحد بس ان محدش يحكم علي عربيه غير لما تخلص خالص

و ساعتها نقول العربيه دي اتعملت صح ولا معكوكه و لو معكوكه نساعد الراجل انها تبقي احسن مش نبقي ضدده ولا ايه

و انا مستنيك تخلص ال العربيه خالص عشان هنجري معا بعض نجرب

**Sameh** · 29-01-2010 09:29 AM

أنا حاسس إن الهجوم مش موضوعى خالص بعد ما الراجل رفع الصور - يبقا دلوقتى نسمع بقا ونشوف آخر أخباره إيه ، واللى يعرف يروح ويشوف بنفسه يتفضل يعرض خدماته بدون هجوم وتجريح عمال على بطال والصورة ظهرت خلاص وانتها الشك

**Sameh** · 29-01-2010 09:34 AM

على فكرة انا لسة شايف ربع امامى إيفو 10 الجديدة بالموتور كامل فى الحرفيين من 10 ايام ، وكامل وحالته ممتازة ماعلهوش شوية تراب ولا زيت حتى واتفاجأت إن حجمه مش ضخم أوى بدليل إنه فى حوض عربية لانسر ، يعنى عايز أقول إن الموتور متاح فى السوق مش إختراع وحجمه مناسب ينزل فى حوض عربية لانسر واللى مايعرفش إن معظم أساسيتها متقاربة جداً لأساسيات السبيرانزا حتى إن سبب وجودى فى الحرفيين وقتها أصلاً إنى كنت بجيب قطع غيار علبة دركسيون لانسر عشان الإسبيرانزا بتاعت والدى ، ما علينا اللى عايز أقوله إن خلاص كفاية نغمة الشك ونبدأ نتكلم بموضوعية عشان نستفاد من تجارب بعض

**MMamdouh** · 29-01-2010 04:02 PM

فيه ايه يا رجالة... المثل بيقول "قالوا الجمل طلع النخلة... ادى الجمل و ادى النخلة"

الراجل حتى الان جاب صور العربية فقط و صاحب العربية فى الاسكندرية زى ما بيقول... يبقى حتى الان منقدرش نقول انه بيالف او بيفتى لانة جاب اللى يقدر علية من الادلة اللى تاكد كلامة

لما صاحبة يجيى مصر نبقى نقولة يجيبة فى مقابلة المنتدى اللى جاية نشوف العربية بعنينا او حتى يعملنا فيدوهات لكام جرية بالعربية عشان نشوف الشغل اللى اتعمل و الفرق فى الاداء

لكن اننا نهاجم و خلاص لمجرد ان الموضوع اتعمل فى عربية صينى مثلا او لان الموتور مش بتاع العربية دى فا دة كلام مش منطقى... و اعتقد لو مثلا الموضوع كان عن تسقيط المكنة دى فى لانسر مكنش حد قال كدة او لو انا اللى كنت بعمل الموضوع دة مكنش حد قال كدة فا ياريت بلاش نتسرع فى الحكم

اذا كان الراجل صادق حيوفى بوعدة و يجيب العربية مصر نشوفها... او يجيب صور اوضح من العينات اللى فوق دى (انا نظرى ضعيف اصلا و مش ناقص استجماتزم يا عم... كبر الصور شوية) او جاب فيدوهات لجريات مع عربيات تانية يبقى دليل قاطع على الشغل اللى اتعمل... انما لو عمل زى بعض الناس اللى قعدت ترغى كتير و مجبتش دليل واحد على اللى بتقولة يبقى ساعتها مش نهاجمة و بس دا احنا ناكلة اكل... بس لحد اللحظة دى انا مش شايف الراجل مقصر فى حاجة عشان نهاجمة

MMamdouh

**twincam** · 29-01-2010 04:19 PM

انا قفلت الكلام في الموضوع خلاص

سلامو عليكو

**gouda** · 29-01-2010 04:46 PM

المشاركة الأصلية كتبت بواسطة twincam

طبعا نتا اكيد واخد بالك من صيغة كلامك دي
ورغم ان انا مش مجبر ابدا اني ارد عليك وخصوصا باسلوب التشكيك ده
بس انا هاوضح للسادة الاعضاء موضوع العضو اللي نتا بتقول ان انا باستخف بالاعضاء بيه ده
اولا:العضو ده انا جايبو من منتدى سيارات تاني لنايل موتورز عشان الموضوع ده
يعني هوا اصلا جاي نايل عشان الموضوع ده مش اكتر وعليه مباشرة وعمل اكونت في المنتدى عشان يقدر يشوف الصور والتقرير
ثانيا:انا مش محتاج اني احور على حد ولا اشتغل حد والمفروض تاخد بالك من حاجة زي كده وتفكر الف مرة قبل ماتقول كلام زي ده يشكك في كلامي ويبوخ الموضوع بالمنظر ده.
كان ممكن تقول ان نتا في اسكندرية وعايز كممان تجرب مع نور وتيجي معاه وتكتب معاه التقرير وتتاكد بس بالطريقة لكن نتا ياباشا بصراحة سديت نفسي عن اي حاجة بالكلام ده

.

وحياه ربنا ياباشا انا مكانش قصدى حاجه عشان تزعل وتقفل الموضوع
انا قايلك قبل كده ان احنا اتأكدنا بالصور
وان انت مش ملزم انك تخلى حد يجربها وده كرم منك
بس العضو اللى انت اختارته محدش هنا يعرفه فبالتالى رشحتلك عضو فى
اسكندريه كلنا بنصق فيه
انا اتخنقت بس لما قولت ان انت مكلمه قبل كده وحاجات كده
والراجل مشترك فى المنتدى اول امبارح
وربنا يعلم ان انا كان قصدى انصحك مش اضرك

**solom_eslam_2008** · 30-01-2010 09:33 PM

مشاء الله انتا تمام انا شغال في توكيل اسبرانزا في المنصورة ومبسوط جداااااااا بالموضوع التعديل دة وانا كان نفسي اعمل تعديل زي ده بس للاسف عندنا في التوكيل مش بيسمح بالموضوع ده بس ضروري ضروري موضوع الفرامل لان فرامل الاسبرانزا مش حلوة زي ما انتا متخيل وبعدن بعد فترة هتلاقي الفرامل دي بتقفش لان من السخونية الجامدة الي هتتعرضلها الطنابير خامات الطنابير اساسا مش كويسة وبالذات الطنابير الخلفية وكان بيجي مشاكل كتير بصراحة بسبب الفرامل واني هيا بتقفش وحاجات كدة فا مينفعش تعديل زي دة بدون فرامل صح الصح

**Sameh** · 30-01-2010 11:52 PM

إن شاء الله دى تكون أزمة صغيرة ويرجع النقاش (المفيد) بين صاحب الموضوع وبين الأعضاء

**Nour_Peugeot** · 31-01-2010 02:04 AM

ياريت النقاش يكمل عشان الكل يستفيد بعد اذن صاحب الموضوع و الجميع طبعا

الموضوع: بنسقط مايفيك 2400 في اسبرانزا 516

LinkBack

أدوات الموضوع

عرض

-

-

-

المواضيع المتشابهه

حبر للطبعة hp 2400

الى كل من مسقط مايفيك في لانسر

ضروري يا شباب ايه الفرق بين 1600 و مايفيك

لانسر بومة ... ونفسي احط مايفيك .. محتاج ارائكم وخبرتكم قبل ما ينضحك عليا

لانسر مايفيك

الكلمات الدلالية لهذا الموضوع

المفضلات

المفضلات

ضوابط المشاركة