بنسقط مايفيك 2400 في اسبرانزا 516

**twincam** · 23-11-2009 05:11 PM

المشاركة الأصلية كتبت بواسطة ahmed hassan

يعني الموتور كان في عربيه 4x4 فالفتيس مصمم انه يكلع عزم عالي على سرعات بطيئه... لكن مش مطلوب منه سرعه عاليه و لا تسارع عالي

كلامك منطقي طبعا
بس بناء على كلامك برضو
العزم الرهيب اللي معمول عشان يجر عربية تقيلة على سرعة قليلة هوا نفسو اللي هيديلك التسارع
ليه بقى؟
لانو عامل حسابو انو يشد تقل معين فلقى التقل اقل فهيشدو اسرع وبكده تاخد التسارع
زي مثلا لو نتا لقيت شنطة مقفولة كنت فاكر ان فيها حديد وعايز تشيلها وتحطها على ترابيزة مثلا
وتالشنطة دي فيها سفنج
بس نتا ونتا جاي تشيل اديت قوه جامدة فهتلاقي الشنطة بتتنخع بسرعة
فاهمني؟
ده بالاضافة الاى ان المتور ده متسقط في عربيات كتير ومجننها بمعنى الكلمة
الفكرة كلها في انو يتسقط صح

**twincam** · 23-11-2009 05:13 PM

المشاركة الأصلية كتبت بواسطة Eng.Geo

في حاجة اسمها gross hp وحاجة تانية اسمها net hp
الثابت هو ال gross وده خرج الموتور فقط بدون جسم سيارة اما ال net فهو متغير وده بيتقاس مع العربية نفسها
يعني لو معاك موتور 1600cc و قدرته 100hp وحطيته علي فيرنا هيديك مع العربية مثلا 90hp طاب لو حطيته علي نقل تقيل ..لوري مثلا هيدي 30hp
ال gross hp للموتور ده هو 100 والnet hp يختلف من عربية للتانية وهو 90 للفيرنا و 30 للوري
الارقام اللي كاتبها مش حقيقية انما كتوضيح بمثال فقط

طبعا كلام سليم

**twincam** · 23-11-2009 05:16 PM

انا في حاجة كانت محيراني لو اي حد فيكو يعرفها يقولي عليها
ازاي المايفيك ال1600 الاتنين كامة بيدي 172 حصان
والمايفيك ال2400 الكامة الواحدة بيدي 165 حصان
لو فرضنا ان ال1600 ده كامة واحدة فهيبقى مثلا اكنو 2000 سي سي كامة واحدة مايفيك
ازاي بيدي هورس باور اعلى من ال2400
؟؟؟؟؟؟؟؟
قولولي رايكو وهاقولكو انا استنتجت ايه بس بعد معرف رايكو الاول

**bedo13** · 23-11-2009 07:05 PM

متابع باهتمام

**Ahmed Hassan** · 23-11-2009 11:23 PM

المشاركة الأصلية كتبت بواسطة twincam

انا في حاجة كانت محيراني لو اي حد فيكو يعرفها يقولي عليها
ازاي المايفيك ال1600 الاتنين كامة بيدي 172 حصان
والمايفيك ال2400 الكامة الواحدة بيدي 165 حصان
لو فرضنا ان ال1600 ده كامة واحدة فهيبقى مثلا اكنو 2000 سي سي كامة واحدة مايفيك
ازاي بيدي هورس باور اعلى من ال2400
؟؟؟؟؟؟؟؟
قولولي رايكو وهاقولكو انا استنتجت ايه بس بعد معرف رايكو الاول

هتلاقي المايفك الاتنين كامه الار بي ام بتاعه عالي و بيطلع القوه دي على آخر الار بي ام بتاعه
الموتور الكامه الواحده هتلاقيه عدد لفاته القصوى اقل بس بيطلع القوه بتاعته على لفات منخفضه... ده غير انك هتلاقي عزم خرافي مش هتلاقيه ابدا في الموتور التاني

**Eng_AmrAllam** · 24-11-2009 12:03 AM

المشاركة الأصلية كتبت بواسطة eng.geo

انا هاقولك علي حاجة انا سمعتها من سواق تاكسي ولازم اقولهالك
انا قلتله ماجبتش ليه الاسبيرانزا وجبت اللانوس ؟علي اساس انه سواق وفاهم
قاللي انه خلي واحد من زمايله يرفعها عند ميكانيكي ويشوفوها من تحت ومن كل حته عشان يتعرفوا عليها
والنتيجة
الشاسيه متربط باربع مسامير!!!!!!!!!!!!!!!!!!!!!!!!
خد بالك من الحكاية ده واتاكد عشان لو كده يبقي بلاش اصلا تخرج الموتور اللي موجود
الكلام ده علي مسئولية سواق التاكسي وانا قلت اقولك عشان تبقي عامل حسابك

علي فكرة يا باشا السواق دة مش عايز صيني وخلاص
ومعلش بيقول اي كلام
انا كنت راكب مع واحد بتاع تاكسي وكان معاه شيفولية لانوس
وكان عمال يشتم في العربية
وقولتله الانوس وحشة ولا اية قالي دي زفت
وقالي كان نفسي اجيب افيو بس الفلوس مقضتش
قولتله لا لا الانوس احسن بكتير من الافيو دة الي معاه افيو عايز يبعها
وقولتله مجبش اسبرانزا لية
قالي العربية كبيرة قوي وواسعه ومليانة اوبشن انا مش عايز الحاجات دي
بس اصحابي اللي جايبنها بيقولولي متينة وبتستحمل المطبات بتاع مصر
ولو ياباشا كلامك صحيح مكنتش انتشرت تاكس كدة

**Eng_AmrAllam** · 24-11-2009 12:07 AM

twincam
يا باشا اقل كلمة ممكن اقولهالك انك تمااااااااااااااااام وجاااااااااااااااامد
وربنا يوفقق في التظبيط دة
بس احنا عايزين تقرير دقيق بكل اللي هتعمله وعملته
التكلفه من اولها لاخرها كام
وبعت المتور القديم بكام وجبت الجديد بكام
والتظبيطات والجنوط وياريت ياريت لو حطيت صورر
عشان انا معايا العربية دي وبجد هي تحفة
ونفسي اظبط فيها
وربنا يوفقق ن شاء الله

**عصام غنايم** · 24-11-2009 02:07 AM

كل الكلام ده جميل وذى الفل بس انا اعرف ان مينفعش انك تركب موتور ماركه على عربيه ماركه تانيه ده ممنوع فى المرور يعنى مش هيرضو يرخصو العربيه كده
ولا ايه ؟

انا والله بتمنالك الخير والتوفيق لانى بعشق التعديلات بس خايف على تعبك فى الاخر يصطدم بقانون المروربتعنا

منتظر ردك للاهميه

**twincam** · 24-11-2009 02:33 AM

المشاركة الأصلية كتبت بواسطة mero_love

علي فكرة يا باشا السواق دة مش عايز صيني وخلاص
ومعلش بيقول اي كلام
انا كنت راكب مع واحد بتاع تاكسي وكان معاه شيفولية لانوس
وكان عمال يشتم في العربية
وقولتله الانوس وحشة ولا اية قالي دي زفت
وقالي كان نفسي اجيب افيو بس الفلوس مقضتش
قولتله لا لا الانوس احسن بكتير من الافيو دة الي معاه افيو عايز يبعها
وقولتله مجبش اسبرانزا لية
قالي العربية كبيرة قوي وواسعه ومليانة اوبشن انا مش عايز الحاجات دي
بس اصحابي اللي جايبنها بيقولولي متينة وبتستحمل المطبات بتاع مصر
ولو ياباشا كلامك صحيح مكنتش انتشرت تاكس كدة

معاك في كل اللي نتا قلتو
ده ثقافتو مش بالتجربة
ده ثقافتو ان الصيني صيني حتى لو اتشقلب مش اكتر