بنسقط مايفيك 2400 في اسبرانزا 516

**yyy** · 25-01-2010 03:33 AM

الف مبرووك التعديل و ربنا يحفظهالكو

ياتري الموتور دا اتكلف كام بكل حاجاته باجره الميكانيكي كلو علي بعضو يعني و خد وقت اد ايه في تسقيطه ؟

وايه اخبار البنزين ؟ بيستهلك اد ايه تقريبا في ال 100 كيلو ؟

**twincam** · 25-01-2010 04:13 AM

المشاركة الأصلية كتبت بواسطة yyy

الف مبرووك التعديل و ربنا يحفظهالكو

ياتري الموتور دا اتكلف كام بكل حاجاته باجره الميكانيكي كلو علي بعضو يعني و خد وقت اد ايه في تسقيطه ؟

وايه اخبار البنزين ؟ بيستهلك اد ايه تقريبا في ال 100 كيلو ؟

الله يبارك فيك ياباشا وتسلم للمشاركة الحلوة دي
الموتور بيتباع ب9 و10 احنا جبناه ب8 والمصنعية الميكانيكا والكهربا دفعنا 1000 جنيه والرادياتير كان ب1000 تقريبا واربع مساعدين كي واي بي غاز وزيت ب 1500 جنيه تقريبا
يعني كلو ب حوالي 12 الف المدفوع
وحاجات العربية الاصليه لسة معانا الا المتور بعناه بستة ونص

بالنسبة لاستهلاك البنزين عادي جدا جدا في حالة المشي الهادي اكنك سايق موتور 1600 بالظبط
لكن لما تقرص وتدوس بتسحب بنزين طبعا بس برضو مش مبالغ فيه
يعني مثلا روحنا اسكندرية كنا منجريش وماشيين حوالي 140 160 كده
خد تلت التنك بس يعني اتبقى اكتر من نص التنك بشوية

**Nour_Peugeot** · 25-01-2010 04:49 AM

الف مبرووووووووك يا باشا علي التعديل و انا برده بعدل عربيتي دلوقتي

بيجو 405 هحط عليها موتور mi16 + turbo و نطلع نجري معا بعض ان شاء الله

**twincam** · 25-01-2010 04:55 AM

المشاركة الأصلية كتبت بواسطة nour_peugeot

الف مبرووووووووك يا باشا علي التعديل و انا برده بعدل عربيتي دلوقتي

بيجو 405 هحط عليها موتور mi16 + turbo و نطلع نجري معا بعض ان شاء الله

الله يبارك فيك ياباشا
ربنا يسهل ان شاء الله وتخلص التعديل على خير واكيد نبقى نجرب مع بعض
تشكر ياجميل

**twincam** · 25-01-2010 04:57 AM

المشاركة الأصلية كتبت بواسطة twincam

بالنسبة للارقام
من زيرو لمية في 6.8 ثواني او 6.5
قوة المتور بتبان اكتر من اول التالت يعني بعد المية
يعني التالت والرابع والخامس فعلا بيبان فيهم قوة المتور
السرعة القصوى للمتور 220
بيطلع المايفيك ال2.4 162 حصان وبيطلع 215 عزم
ملاحظات
1/المتور صوتو عالي جدا وممتع جدا وتحس انو بياكل في نفسو وتفصيلتو سريعة جدا
2/شكل المتور مش كبير يعني المايفيك ال1600 في الشكل شكلو اكبر لانو عريض من فوق عشان 2كامة لكن ال2400 مش عريض من فوق لانو كامة واحدة بس كبير من تحت
3/تجميع المتور قوي جدا تسارع عالي بيجيب من زيرو لمية في 6.5 تقريبا بالاضافة الى انو بعد المية بيدي تسارع قوي جدا مش بيقل على الاطلاق وتحس ان الاول والتاني والتالت والرابع والخامس فيه بيجمعوا زي بعض من قوة التجميع
4/ توب سبيد المايفيك ال2400 قليل شوية بالنسبة للسعة بتاعتو بس هوا معوضها كويس اوي في التجميع لانو اصلا مصمم لتسارع عالي مش توب سبيد عالي
. اسيبكو بقى مع الصور وهحاول تكون كبيرة وواضحة عشان تتفرجو باستمتاع وبوضوح

تم دمج المشاركات وتجميع الصور للتسهيل على الاعضاء

مشرف الساحه

شكرا للدمج
وياريت لو في امكانية تخلو الصور اكبر يبقى ياريت
شكرا لمشرف الساحة

**Ralliart** · 25-01-2010 09:38 AM

الف مبروك يا معلم وعقبال التيربو والهيدرز وتروح القمر
بس معملتهاش اوتوماتيك ليه ؟؟ لان الموتور ده عالمانيوال بحس ان العربيه عايزه تنط من مكانها والاوتوماتيك كان هيريحك ويريح الموتور

**Eng.Geo** · 25-01-2010 11:41 AM

مليون مبروووووك

**ahmedabdelhamid** · 25-01-2010 11:42 AM

الف مبروك وهتعمل اية فى المرور عشان الرخصة عشان نوع الماتور غير نوع العربية

**gebreel** · 25-01-2010 11:48 AM

شكرا يا باشا و تسلم على الموضوع
ربنا يباركلك فيها يا رب بس خلو بالكم بلاش جري جامد علشان الطرق بتاعتنا مش مستحملة جري كامل و خصوصا في الاول علشان تتطمنوا ان كل حاجة متظبطة و مفيش حاجة غلط حصلت بعد التسقيط الف مليون مبرك