انا عايز حد بتاع قطع غيار امبريزا 2006 لان اليوكيل ناااار. انا لسة مغير تيل ب 485 جنية و كمان انا محتاج اغير طنابر ضروري. ممكن اي حد يساعدني؟:I_angr1[1]:
عرض للطباعة
انا عايز حد بتاع قطع غيار امبريزا 2006 لان اليوكيل ناااار. انا لسة مغير تيل ب 485 جنية و كمان انا محتاج اغير طنابر ضروري. ممكن اي حد يساعدني؟:I_angr1[1]:
على حد علمي مفيش بره التوكيل. ساعات بيكون فيه في الحرفيين... بس اكيد مش هايبعلك طنابير لوحدها. لو ليك حد في السعوديه او الخليج ممكن يسألك عليها هناك و يجيبها و هوه جاي... بس انا مش متأكد اذا كانت ارخص و لا لأ. كمان ممكن تسأل عند حماده غزي سعرهم كام لو جابهوملك ماركه ebc
انا الصوت الي كان عندي الحمدلله راح بعد خرط الطنابير,
امبارح كنت في التوكيل و كان لازم اغير تيل فقاللي هو في ريجه خفيفه قوي في الطناير و قاللي يفضل تتخرط عشان التيل يبقى راكب على نضافه فقولتلوا ماشي,
جربتها بعد كده الحمدلله الصوت المريب ده راح
بس الي استفزني قوي ان اسعار المصنعيات زادت بشكل بشع
تنضيف فلتر تكييف ---35 جنيه
تغيير لمبة شبوره ---14 جنيه و ثمن اللمبه اصلا 20 جنيه
فك و تركيب طنابي ---49 جنيه و خرطها 50 جنيه
مستغرب انا من المصنعيه الي نفس ثمن القطعه دي
دي فعلا المصنعيه عليت
انا فاكر عملت الخراطه ب 40 جنيه وتركيب لمبه الفوج 10 جنيه وكان تمنها 20 جنيه برضه
ومن ساعتها وانا بركبها بره كله ب 10 او 15 جنيه بالكتير :)
يا جماعه معلش سؤال بس,
محدش يعرف اقدر اجيب منين جنط امبريزا 2007؟
لان عندي واحد اتكسر و محتاح واحد ضروري ,
انا سألت عايد ملقتش غير واحد مكسور و ملحوم,
يا ريت لو حد عنده اي معلومات يفيدني
شكرا,,,,
اسف على التأخير,
لسه مسألتش في التوكيل على الجنط,
انا كمان عايز اجيب مساعدين امامي
انا اصلي الحمدلله عملت حادثه و دخلت في الرصيف و نزلت في الرمل و الطوب الي جنب المحور بس الحمدلله على كل شئ
المقص اليمين و قنطرة الموتور باظوا و سألت عليهم في التوكيل لقيت
القنطره بـ 2750
و المقص بـ 1100
رحت سألت عليهم لقيتهم عند عايد خلصتهم استيراد بـ 1500
بس لسه مجتاج زجاج امامي و مساعدين و جنط
لو حد يعرف اي معلوات عنهم يا ريت يفيدني
عايز اعرف سعر الزجاج و المساعدين
و مش عارف اجيب مساعدين من التوكيل ولا اجيب مونرو فرنساوي احسن؟
و ايه نوع الكاوتش الي ممكن اجيبه؟
الهانكوك او الكومهو كويسين؟
اصلي مش هقدر على بريدجستون بعد كل المصاريف دي
فايه الكاوتش الي يكون كويس و سعره حنين؟
معلش تاعبكوا,
شكرا,,,
اول حاجه الحمد لله على سلامتك. المساعدين انا هسألك عليهم ماركه بوجي الماني) بس يا رب يكونو موجودين او ممكن يجو. الازاز الأمامي الاصلي غالي جدا (بحوالي 4500) ب كنت سمعت ان فيه منه عند دكتور جريش بحوالي 900 جنيه... بس انا متأكدتش من المعلومه بنفسي. ممكن تتصل بيهم و تتأكد.
انا انهارده كلمت التوكيل قاللي الاتنين بـ1760 بالضريبه,
و مستني يرد عليا بخصوص الجنط,
هو البوجي دي احسن من الاصلي؟
انا واحد اعرفه يعرف واحد في مبيعات مونرو ابوغالي و قاللي هيسأللي عليهم في فرنسا بحيث لو موجوده يعملي طلب,
طيب يا استاذ احمد هو البوجي ده اسأل عليه فين؟
و حضرتك متعرفش حد في بورسعيد ممكن يكون عنده الجنط؟
و بالنسبه للكاوتش اجيب كوري و خلاص بدل بريدجستون؟
معلش تاعبك معايا
البوجي انا معرفش اذا كان احسن او اوحش... بس هوه ماركه الماني محترمه و بيستعمل في كل العربيات الالماني. انا هسألك و اقولك اذا كان موجود او لأ.
بالنسبه للجنط مع الأسف معرفش حد موجود عنده... بس انا عندي جنوط عربيتي الأصليه ممكن اسلفك واحد منهم لغايه ما تتصرف.
بالنسبه للكاوتش طبعا لو عرفت تجيب بريدجستون يكون احسن كتير... اسأل على الـبريدجستون my-01 هتلاقي سعره كويس. لو عايز تجيب كومهو ممكن بس تجيب موديل ECSTA ku15