الموضوع: ممكن اقتراحتكم . هنقضى اجازة العيد فين

أول يومين لحمة و عزايم
و أروح أهضم في راس سدر بقى

شكرا يوسف بية على الاهتمام وعلى النصيحة .. وجارى الاتصال والاستسفسار ....
فى حد يجماعة عندة اقتراحات او ناوى يروح مكان كويس يستجم فية

فى حد من اهالى الفيوم ممكن يفدنا اية احسن قرية هناك ممكن نقعد يومين تلاتة هناك .. شكرا

مع الوضع فى الاعتبار ان فيه موجة باردة داخلة علينا من بكره وقد تكون مصحوبة بأمطار ..

المشاركة الأصلية كتبت بواسطة y2y1500

كل سنة وأنت طيب يا أبو سيف
وعيد أضحى مبارك عليك وعلينا جميعا

أنا عن نفسى هاقضيه فى البيت زى كل عيد وكل سنة ع النت ووسط اهتماماتى الشخصية يعنى مع نفسى ومع العيلة الصغرى والكبرى على نطاق ضيق
وأهى فرصة الواحد يستجم فى البيت أجازة ويستريح من الشغل بتاع كل يوم

بس أرشحلك القرية الأوليمبية بالاسماعيلية
مكان جميل وقريب تقضى فيه أجازة يومين أو تلاتة
وأسعاره معقولة مش هاتصرف كتير انت والعيلة ومكانها تحفة على قناة السويس و5 دقايق تبقى فى وسط البلد
عاوز سينما تدخل - عاوز تأكل سمك بأنواعه عندك طريق البلاجات بطوله - عاوز أى حاجة تعملها شغالة
القرية فيها حمام سباحة وملاعب كرة واسكواش وغيرها وكافيتريا
إذا حابب حضرتك تستفسر على أى شىء أو تحجز مسبقا (لو كان فيه أماكن فاضية اساسا) ده تليفون القرية: 0643361136

اه يابن اللذينه يا يوسف
انا لازم اعرف منك حوارات الاسماعيليه كلها
شكلك خبير فيها
قولى الفيروز حلو ولا لأ

انا كلمت القرية الاوليمبيه و قالى 170 للفردين شامل الفطار

و فى اقتراح العين السخنه
بس هو غالى شويتين

فعلا الاسماعيليه جميله وهاديه
احتمال كبير اروحها
كل عام وانتم بخير