الموضوع: ارجو المساعدة فى الفرامل

ايه يا جماعة محدش فاهم الموضوع ولا محدش عاوز يرد عليه

طب لو حد رد ممكن تقولى لو ينفع اركب سيرفو تاني بتاع اي عبية تانية فى ال 127 ولا صعب؟؟؟

اكيد من الماستر غيرو بواحد جديد

متشكر يا جماعة بجد على الردود الفعالة دى

المشاركة الأصلية كتبت بواسطة semsem kane

ياباشا دة الماستر العمومى غيرة وان شاء الله كلة هيبقى تمام فى حدود 200 جنية او اقل شوية بس هات ماستر نظيف وسيبك من الايطالى عشان مضروب ومن اليوغسلافى بردة

انا فعلا روحت غيرت الماستر العمومى واشتريت الايطالى ب (65 جنية ) للأسف لانى مكنتش شوفت مشاركتك ياسمسم باشا وشكرا ليك

بس

الغريب انى لماغيرت الماستر الميكانيكي مأخدش هوا من العجل الى ورا عشان كان الوقت اتأخر وانا الصراحة كنت تعبان جدا فقالى تعالى بكرة اسحبلك هوا من العجل الى ورا وهاتلى علبة زيت عشان نكمل الزيت كان فاضل حبة ناقصين فى العلبة بتاعت الزيت

انا طبعا جربتها وانا مروح , بس البدال بتاع الفرامل تقييل وناشف عاوز رجل تقيلة عشان تفرمل بس مبقتش تهرب تحت زى الاول .... والغريب كمان ان العربية بقت ناعمة بتجرى يعنى معرفش ده له عامل ولا ايه؟؟؟؟

هل ده بقى كده عيب تانى ولا بس محتاجة شد الهوا من باقى العجل ولا اغير الماستر الفرعية كمان بالمرة ولا الماستر العمومى كفايا ؟؟؟؟؟
　
انا بجد تعبت نفسي اطمن وانا سايقها دى عمرها ما عملتها معايا حاجة غريبة..
ربنا يستر بقى

المشاركة الأصلية كتبت بواسطة samirayad

تغيير جلد الماستر الرئيسى غير فعال
لأن ممكن يكون الشميز متاكل من جوه
فتغييره بماستر جديد
أفضل لك

فعلا يا استاذ سمير لما غيرت الجلد كأنى ولا غيرتها رعت تانى زى ما كانت

وشكرا على المساعدة يا استاذنا العزيز

المشاركة الأصلية كتبت بواسطة sleepyhammer

متشكر يا جماعة بجد على الردود الفعالة دى






.... والغريب كمان ان العربية بقت ناعمة بتجرى يعنى معرفش ده له عامل ولا ايه؟؟؟؟

علشان الماستر العمومي بياخد هواء من المانيفولد والقديم كان بيسرب فكان بيسحب هواء كتير فكان بيقلل الهواء المستخدم في عملية الإحتراق

هل ده بقى كده عيب تانى ولا بس محتاجة شد الهوا من باقى العجل ولا اغير الماستر الفرعية كمان بالمرة ولا الماستر العمومى كفايا ؟؟؟؟؟

لو في بستم من بساتم العجل بايظ حلاقيه بيسرب زيت لو مفيش تسريب يبقى متغيروش بس إسحب هواء كويس إنشاء الله تظبط معاك

　

طب تمام على خيرة الله اروح اخليه يفك الطانابير ونشوف لو الماستر الفرعية بسرب زيت اغيرهم لو سليمة يبقى هوا بس
وشكرا يا باشا