الموضوع: هو زيت الباور فيه أنواع ودرجات ؟؟

يا جماعة هو زيوت الباور فيه أنواع ودرجات .. ؟؟؟؟
أنا معايا سيينا 1600 .. كان عندى خرطوم الباور اللى نازل من العلبة بيرشح .. كنت فى مركز صيانة متخصص فى صيانة الفيات (مش التوكيل ولا مركز معتمد) .. شاف الترشيح وغير الأفيز بتاع الخرطوم .. والزيت كان ناقص جاب علبة زيت وزوده وقالى دى مش بيتحطلها أى زيت وإلا الطربمة تبوظ .. مش عارف 5 ولا 50 .. مش متأكد من الرقم اللى قاله .. بس هو جاب إزازة زيت كده مش نوع معروف يعنى ومكتوب عليها معبأ فى الإمارات ..
المهم بعد كده لقيت الخرطوم لسه بيرشح .. رحت غيرت خرطوم الباور فى شارع شامبليون بس مش الأصلى وقلتله على موضوع الزيت ده قالى مين قال كده .. هو زيت باور عادى .. فى عربيات ليها زيت معين العلبة بتبقى بـ 160 جنيه زى المرسيدس والبى ام .. وجاب إزازة بـ 15 جنيه ..
المهم مشيت من عنده ومشيت يومين كويس وبعدين لقيت صوت ظهر من الباور وأنا بحرك الطارة يمين أو شمال عرفت ان الطرمبة باظت ..
بصيت على علبة زيت الباور لقيت البيه حاطط الزيت فوق علامة الـ max فى العلبة ..
كمان لقيت الزيت فى العلبة بيتقلب زى المية فى الغسالة كده .. مكانتش بتعمل كده الأول .. رحت لميكانيكى سألته قالى طبعا ده عادى وده الطبيعى .. !!!!!

رجعت للراجل اللى عملهالى قعد يقولى مفهاش حاجة وامشى بيها لحد ما تبوظ خالص وبعدين تعال نغيرها .. رحت لواحد تانى سألته وقلتله حصل كذا كذا .. هل العربية دى ليها نوع زيت باور معين ولما اتحط غيره الطرمبة باظت ؟؟ قالى لأ ده عشان الزيت كان بينقص فالعلبة باظت عشان العلبة دى فيها فلتر ولما باظت بوظت الطرمبة .. وهى كانت متلصمة ولما نزل منها الزيت القديم واتحط زيت جديد بانت العيوب .. مش عارف كلام مين اللى صح ؟؟؟
المهم أنا نفسى أعرف هل فعلا زيت الباور فى درجات وأنواع وكان المفروض يتحطلها زيت معين ولا الكلام ده مش صح ؟؟
ولا الخرطوم اللى مش أصلى ممكن يكون سبب ؟؟ ولا ايه بالظبط ؟؟

المشاركة الأصلية كتبت بواسطة lada2010

بص ياباشا اللى حصل عندك انا زيت نقص جامد عندك لدرجة انة فاضى فاصبح حديد مع حديد بالتالى بوظ الطرمبة لو وضعت زيت ابو 1000 جينة الطرمبة دى ترمها وهات واحدة جديدة او استيراد ونصحية اوعى اى حاجة فيها زيت تكون لاتتابعها النتيجة هتترمى

بص يا سيدى هو الزيت مكانش بينقص جامد .. يعنى هو كان بينقص لحد نص العلبة كده وبزوده .. يعنى مش لدرجة انه يبقى مفيش زيت خالص ..
فمش عارف ان كان ده اللى تقصده بالنقص الجامد ولا لأ ..
بس عموما الحمد لله .. وان شاء الله حغير الطرمبة ..