ازاي اعرف ان العيب من الاسكترا ؟

**Mostafa_Aiad** · 23-11-2009 07:35 PM

السلام عليكم ورحمة الله وبركاته :
انا معايا لانوس 2007 وبشتكي من عيب جامد اوي مش لاقيلو حل, العربي فيها عومة جامدة و بتحدف يمين مهما اظبط زوايا لدرجة اني مش بحب اسوقها واجري بيها وكمان الدريكسيون تقيل شوية , وغيرت الاتي:
مساعدين امامي
بيضات مقص و دركسيون
بطاحات وكبيات
والباقي العفشة كلة سليم, برده مفيش فايده بس فى واحد بتاع زوايا بيقولى الاسكترا اكيد بايظة وسالت عليها جديده لاقيتها غالية ب 1750 جنية فكنت عاوز اعرف ازاي اتاكد انها بايظة قبل ما اشتريها؟

مستني خبراء المنتدي الجامدين.......

**lordnour** · 23-11-2009 08:06 PM

اكشف عنها عند العفشجى

**Mostafa_Aiad** · 23-11-2009 08:13 PM

ماهو قالى بايظه بس انا عاوز أتأكد علشان ماجيبهاش عالفاضى

**lordnour** · 23-11-2009 08:14 PM

روح لعفشجى تانى

**Karim_Mohy** · 23-11-2009 08:15 PM

شوف عفشجي تاني ووريله العربية ؟

**Mostafa_Aiad** · 23-11-2009 08:20 PM

لا انا كنت عاوز اعرف علامات تلف الاسكترا او ازاي انا اتاكد بنفسي.

**HATEMHANY** · 23-11-2009 11:38 PM

الاسكاتره لما تبوظ تلاقى العربيه بتعوم فى الاتجاهين
بتحس بالمطبات فى الدريكسيون

انما الحدفه يمين يبقى فى اجزاء العفشه الخاصه بالانتزان
فيه عندك كاوتش استابيليزر اكشف عليه اولا ثم غيره لو حبيت علشان تطمأن

**Mostafa_Aiad** · 23-11-2009 11:43 PM

كاوتش الااستابيليزر كويس وانا كشفت عليه واظن ان ده ملوش دعوه بتقل الدريكسيون.

**Mostafa_Aiad** · 24-11-2009 10:47 AM

منتظر الرد من خبراء المنتدى

**reamoz** · 24-11-2009 01:42 PM

الإسكاترا لو فيها بوش بتحس في الدريكيسون بالمطبات وخصوصا لو ماشي علي طريق زي المدق بسرعة منخفضة بتحس زي مايكون الدركيسون هيتخلع وبردة بيكون في بوش في الدركسيون يعني لو هزيت الدركسيون يمين وشمال سنة بسيطة جداً وغنت واقف بتلاقي إن العجل ثابت مش بيتحرك بس في الحالة دي الدركسيون مش بيكون تقيل
ممكن في حالة إن لما يكون الإسكاترا كانت مبوشة وإتعملها رجلاش دة اللي بيخلي البوش يقل والدركسيون يتقل بس بردة مش دة مالوش علاقة بالحدف في إتجاه واحد
موضوع الحدف يمين بس دة ممكن يكون مثلا العجلة اليمين مأخرة أو مفتوحة من تحت ودة بتاع الزوايا ممكن يتأكدلك منه وبردة المفروض بتاع الزوايا بيشوف البوش بتاع الإسكاترا قبل مايظبط لأن لو فيها بوش عمرها ما هتتظبط
من الأخر شوف بتاع زوايا كويس وهو ممكن يشوفلك المشكلة من إيه
لو هو كويس فعلا وماعرفش
يبقى الإحتمال الأخير في رأيي إنه يكون في بلف مش مزبوط بيسرب زيت للدراع اليمين من الإسكاترا كأنك يعني محود سنة يمين