بخصوص تغيير الزيت الرجاء الدخول

**ahmedbasto** · 23-11-2009 09:47 PM

الصراحة يا رجالة أنا عايز أغير زيت العربية لوحدى علشان أنا بحس بمتعة لما اعمل اى حاجة فى العربية من غير مساعدة أحد بس أنا كنت عايز أسال أعرف ازاى ان نسبة الزيت اللى انا وضعتها فى المحرك كفاية و اية المشاكل اللى ممكن تحصل لو وضعت كمية زيت زيادة

**hysagm** · 23-11-2009 10:08 PM

هو حضرتك متعرفش عربيه بتاخد اد ايه ؟؟؟؟؟؟؟؟؟ ولا ايه

**ahmedbasto** · 24-11-2009 06:57 AM

الصراحة انا أول مرة أعمل كدة فمش عارف وشكرا لردك

**gomangy** · 24-11-2009 09:51 AM

طيب هي عربيتك نوعها ايه بالضبط وكام سي سي

**ozy2026** · 24-11-2009 01:26 PM

بص تغيير الزيت سهل بس بلاش تعمله بنفسك اقولك ليه :

اولا الطبه بتاعه الزيت بتتفك بالانكيه مش بمفتاح فأكيد مش هتلاقيه عندك ومتعافرش معاها علشان متبوظهاش

ثانيا لو هتغير فلتر الزيت ممكن يبقى ماسك جامد ومتعرفش تفكه بأيدك وده بيبقوا عاملينله مفتاح كده بيفكوه بيه وأكيد برضه معندكش زيه

ثالثا علشان تعمل الحاجات دى لازم تنام تحت العربيه وهتبهدل نفسك

رابعا هتحتاج طبق كبير علشان تنزل فيه الزيت القديم

من الأخر ريح دماغك وغيره فى المغسله ب 3 جنيه

على فكره اللى انا قلتهولك ده كله حصل معايا لأنى كنت عاوز اعمل زيك برضه قبل كده

**ahmedbasto** · 24-11-2009 02:36 PM

ألف شكر على الردود وانا فعلا اتخنقت جيت افك الفلتر لقيته مبيتفكس وروحت سالت على المفتاح بتاع الفلتر لقيته ب55 جنيه قلت بناقص دة نشاط الواحد كان عايز يعمله

**magedtiti** · 25-11-2009 06:59 PM

انا كنت بفكر اغير الزيت بنفسى بس لما جربت لقيت الموضوع بهدله علشان الواحد لازم يدخل تحت العربيه والزيت حينقط على الواحد وهو بيفك الطبه وبعد كده عايز يتخلص من الزيت القديم . الافضل تغييره فى البنزينه او عند اى ميكانيكى