الموضوع: حادث أخر مروع علي الدائري

طريق القاهره أسكندريه الزراعى
يوم الخميس حادث مروع 6.05 م بوكس شرطه +ثلاثه أرباع نقل +نقل بمقطوره مصاب +عسكرى قتيل أمام قياده مرور السريع.... طنطا
يوم الأثنين وفاه سيده تعبر الطريق صدمها ميكروباص الساعه 8.35 صباحا أمام معديه دفره....... طنطا

ربنا يسترها علينا جميعا
المصيبه ان الطريق ده فى اخطاء كثيره

المشاركة الأصلية كتبت بواسطة حماده عزو

يوم الأثنين وفاه سيده تعبر الطريق صدمها ميكروباص الساعه 8.35 صباحا أمام معديه دفره....... طنطا

واحدة بتعدي طريق سريع وسط العربيات، دي مسؤولة عن نفسها
كنت ماشي على طريق مصر/إسكندرية الزراعي و باعدي عربية 4/3 نقل من الشمال و فجأة ألاقي واحدة ست بتعدي الشارع عدت من العربية الـ4/3 نقل و بقت أمامي تماماً، لو ما كانش ربنا ستر و عرفت ألم العربية كان حصلت حادثة محترمة.

المشاركة الأصلية كتبت بواسطة merosss

الدائرى دة اساسا بقة خطر جدا جدا المفرووض ينضم الى اخطر طرق فى العالم ذى الطريق بتاع بولفيا الى على جبل دة بس مش عشان الظروف الطبيعية دة بقة هيبقى عشان العامل البشرى عدم الالتزام بالقانون انا من يومين كنت على الاتوستراد وطالع الدائرى فى اتجاة الجيزة ولاقى عند الطلعة عربية 132 ملاكى القليوبية بيرجع لورا ومش كدة وبس وعايز ينزل الطلعة عكس بضهرة حد يقولى بقة عمرة شاف غباء واستهتار بالشكل دة

ده عايز الحرق، أنا في مرة سرحت و عديت نزلة من الدائري مشيت بتاع 10كم زيادة على ما لفيت و رجعت لها. المفروض اللي يغلط يتحمل غلطه هي مش هيصة

الدائري دا بقى رُعب
ربنا يستر على الجميع

الطريق الدائري ده انا سميته طريق الموت بصراحة يا جماعة بس عاوز اقول حاجة

هو مش اللي بيجري علي الدائري ده برضه احنا (يعني انا وانت وهو وهي وناس اكيد كتير في منتدانا المحترم ده) ولا كلنا هنا في المنتدي بنشجب ونندد وندين فقط كل المستهترين بارواح الناس وبيعملوا او يتسببوا في حوادث علي الدائري

انا بادعوا فعلا كل الاعضاء المسجلين في منتدانا ده بعدم السرعة والالتزام قدر الامكان بالسرعة المقررة (علي الدائري مثلا السرعة 90 وانا شايف انها كافية جدا علي طريق زي ده كله نقل وكثافة مرورية عالية)
كمان يا جماعة الناس ما بتسيبش مسافة كافية بينها وبين اللي قدامها وده الخطر بعينه لان اي هفوة صغيرة او فرملة بتلبسك علي طول وبلاش يا جماعة نقول احنا حريفة سواقة او بنسوق من زمان وقلبنا جامد مش نايتي لان اكيد كل اللي بنشوفهم علي الطريق عاملين حوادث برضه حريفة سواقة و و و

من اللي الواحد بيشوفة بقيت اقول فعلا السواقة والسرعة مالهمشي كبير

ربنا يستر طريقنا جميعا

لا حول ولا قوة الا بالله
ربنا يستر طريقنا جميعا