حاجات مدايقانى فى اللوجان

**menocomp** · 24-11-2009 11:23 AM

مساء الفل على اعضاء المنتدى الجميل.
أنا معايا لوجان 2010 جبتها من اسبوعين تقريبا وعاملة حوالى 90 كيلو.
ليا بس شوية ملاحظات مرتبين حسب الأهمية.

1-دواسة البنزين. بحس باهتزاز غريب فيها خصوصا عند نهاية كل غيار مع العلم انى بغير على 3 RPM ودة الرقم اللى قالولى علية فى التوكيل....يعنى العربية بتكون سرعتها مثلا 35 وعلى الغيار التانى ولسة 2 أو 2.5 RPM وبحس باهتزاز فى الدواسة.. بيزيد الاهتزاز دة وبيوصل لاخرة على سرعة 40 و 3 RPM وهكذا فى باقى الغيارات.

2-الفيتيس. فى هزة بسيطة بس دية مش مشكلة معايا. المشكلة فى العضة اللى فية الغيارات خصوصا الأول.. بالذات لو انا نازل من التانى او التالت على الاول بالرغم انى بكون دايس على الدبرياج للاخر.

3-الكمبيوتر بيقول 14.4 لتر لكل 100 كيلو. ودة رقم كبير قوى؟؟؟

4-الفرامل.أنا شايفها عادية جدا مش قوية زى ماكنت فاكر. يمكن علشان انا لسة فى التليين.

ياريت لو حد من الاعضاء عندة اجابات على الملاحظات دية يقولى عليها.
شكرا

**bishoy02010** · 24-11-2009 02:31 PM

المشاركة الأصلية كتبت بواسطة menocomp

مساء الفل على اعضاء المنتدى الجميل.
أنا معايا لوجان 2010 جبتها من اسبوعين تقريبا وعاملة حوالى 90 كيلو.
ليا بس شوية ملاحظات مرتبين حسب الأهمية.

1-دواسة البنزين. بحس باهتزاز غريب فيها خصوصا عند نهاية كل غيار مع العلم انى بغير على 3 rpm ودة الرقم اللى قالولى علية فى التوكيل....يعنى العربية بتكون سرعتها مثلا 35 وعلى الغيار التانى ولسة 2 أو 2.5 rpm وبحس باهتزاز فى الدواسة.. بيزيد الاهتزاز دة وبيوصل لاخرة على سرعة 40 و 3 rpm وهكذا فى باقى الغيارات.

2-الفيتيس. فى هزة بسيطة بس دية مش مشكلة معايا. المشكلة فى العضة اللى فية الغيارات خصوصا الأول.. بالذات لو انا نازل من التانى او التالت على الاول بالرغم انى بكون دايس على الدبرياج للاخر.

3-الكمبيوتر بيقول 14.4 لتر لكل 100 كيلو.

ودة رقم كبير قوى؟؟؟

4-الفرامل.أنا شايفها عادية جدا مش قوية زى ماكنت فاكر. يمكن علشان انا لسة فى التليين.

ياريت لو حد من الاعضاء عندة اجابات على الملاحظات دية يقولى عليها.
شكرا

أولا مبروك على العربية

1- الهزة اللى فى الدواسة ده الطبيعى بتاعها بس انا حاسس انها عادية يعنى :)
2- غريب الموضوع ده
3- اعمل ريسيت للكمبيوتر وهتلاقيه اتظبط معاك :)
4- مقدرش احدد إلا لو شوفت عربية حضرتك بس فى العموم الفرامل كويسة :)

**zkralla** · 24-11-2009 03:01 PM

1- موضوع اهتزاز الفتيس أنا مش حاسس بيه خالص
2 - موضوع استهلاك البنزين ده ممكن يكون مش مشكلة فى الكمبيوتر ويكون ده استهلاك حقيقى ويقل بعد التليين وبعد ما تأخذ على غيارات العربية وتظبتها لأنه ممكن فى الاول تكون حضرتك بتتأخر فى الغيار عشان فى البداية بيبقى الواحد لسه مش واخد على العربية
3 - الفرامل كويسة الى حد كبير هو حضرتك بتقارنها بفرامل أيه ( اقصد حضرتك كنت راكب ايه قبل اللوجان ) أنا من وجهه نظرى لو قارنتها باليارس مثلا تحس أن فرامل اليارس اقوى نوعا ما
4 - برضه موضوع هزة البنزين ديه يمكن تورح بعد التليين لان الاخوة الى عملوا اكتر من 5000 كيلو بيقولوا أن العربية اختلفت معاهم خالص والصوت وطى واستهلاك البنزين قل والعربية

**menocomp** · 24-11-2009 03:52 PM

شكرا يارجالة..أتمنى ان الحاجات دية تروح بعد التليين.

**neemmohamed** · 24-11-2009 04:02 PM

بعد التليين الكلام ده ها يتغير

**cementman** · 24-11-2009 04:26 PM

لا تحاول وضع الفتيس على الغيار الأول الا والسيارة متوقفة أو تسير بسرعة بطيئة جدا الموضوع ليس له علاقة بالدبرياج
ولو حاولت والسيارة تسير بسرعة عالية فلن يقبل الفتيس بذلك ولو حكمت رأيك وضغطت زيادة فسوف تحطمه-----وشكرا

**wisambasha** · 24-11-2009 04:53 PM

ربنا يباركلك فيها ويا ريت نسمع منك اخبارها بعد التليين

**alfa_we** · 24-11-2009 06:16 PM

الف مبروك على العربية
هزة دواسة البنزين هاترتاح ان شاء الله بعد التليين
من الطبيعى اك تحس بعضة فى الغيار الاول خاصة انك بتنقل للاول والعربية بتتحرك يعنى استخدم الغيار الاول وانت طالع بالعربية مثلا او بطئ خالص