المشاركة الأصلية كتبت بواسطة madda7
مهو معلش اسمحولي بقى مينفعش الكلام بالشكل دا
يعني واضح جدا ان سلوك الاعلام المصري محسوب ومتوجهه
بعدين بلاش نحط الاحزاب في الموضوع واذا كان حد بيلوم حد عشان من حزب غير الوطني ولا من المحظورة فيعني مش طالبه يعني حد يدينا محاضرة في الوطنية لان يعني الحزب الوطني ومبارك جروب يعني مش انضف من اي حد عشان يبقى هم دول امل مصر عشان بقين حمضانين طلع قالهم علاء يضحك بيه على الناس ويلمع العيلة في وقت فرصة زي دا
ولا تحت بند الوطنية نقطع في كل الاحزاب التانية غير الحزب الوطني دا على اساس انهم فجأة كدا بقم ملايكة والبلد راح منها الفساد والسرقة والتهليب والمحسوبية والرشوة والاهمال ... اسمحولي يعني احنا في منتدي على النت مش قناه فضائية تضحك على الناس الغلابة يعني اغلبنا مثقف بشكل ما وعندو مصادر كتير للمعلومات غير انو عنده عقل ...
لكن معلش بردو البلد لسه فيها خير وفيها شباب عالي قوي ومسير مصر هتتقدم غصبن عن عين اي حد ولولا قلة التعليم وضعف الثقافة والمشي ورا كل زفة وعلم كنا فعلا بقينا احسن بلد في الدنيا لاننا نستاهل نكون احسن بلد فعلا
بردو عشان محدش يزايد في الوطنية وخلاص انا ضد اللي حصل في السودان وشايف انو لازم وقفة محترمة عامة تضمن حقوق المصريين برا وطبعا جوا قبل برا