ومين قال ان الاعلام المصري مش موجه
مش الاعلام المصري بس كل الاعلام في الدنيا موجه
يعني هي قناة الحظيرة مش موجهة ؟
ولا قناة العبرية مش موجهة ؟
كل الصحف والمحطات التليفزيونيية بتكون موجهة لخدمة اهداف معينة سواء اهداف اشخاص او جماعات او دول
ومين قال ان الحزب الوطني ملايكة ؟؟؟
زيهم زي اي حزب حاكم في اي دولة عربية حزب مسيطر ومستبد ولو مش مصدق شوف الاحزاب الحاكمة في تونس والجزائر والمغرب وغيرها من الدول العربية
انا مش حزب وطني والحمد لله لكن في نفس الوقت مش اوحش من غيره روح عيش في دولة من اللى قلت لك عليها او غيرها من الدول العربية وشوف كم الديمقراطية الموجود فيها
يا راجل على الاقل انت تقدر تتكلم في السياسة في مصر لكن فيه دول عربية تانية السياسة فيها رجس من عمل الشيطان واي مواطن بيتكلم ضد نظام الحكم بيروح ورا الشمس
اما كلامك عن الرئيس مبارك والسيد علاء مبارك فمرفوض تماما
ننتقد نظام الحكم في الداخل اه
لكن نسمح لحد في الخارج يقرب منهم لا ومليون لا
عارف ليه؟
لانهم رمز لبلدي واللى بيشتم علاء مبارك في الشروق وغيرها من الجرايد الزبالة مش بيشتمه علشان هو مواطن مصري لا علشان هو ابن الرئيس وانا لا اسمح لمخلوق ان يهين ابن رئيس بلدي لمجرد الهجم على بلدي
وبعدين ماله علاء مبارك ؟؟؟؟؟؟؟؟؟
هات فضيحة واحدة الصقت بيه ؟
الراجل قال اللي اي مواطن مصري بيحب بلده كان ممكن يقوله ولو واحد مننا قال كلامه قلنا هنصقف له يعني من اي حد مقبولة انما من علاء مبارك يبقي بقين حمضانين ؟
متهيالي عيب
ومحدش بيزايد على وطنية حد هنا لان الكل هنا وطنيين لكن طريقة كل واحد في لاتعبير عن رايه بتختلف انما ده لا يعني التخوين ابدا ومش معني ان انا وانت نختلف مع بعض في لاراي يبقي واحد فينا وطني والتاني خاين وعميل احنا اكبر من الكلام ده بس فيه بعض الاعضاء بيتكلم عكس الشعور العام لاغراض مختلفة منها حب الظهور او حرق دم الناس او لانه بينتمي للمحظورة ومع احترامي لكل اخواننا اللى بينتموا اليها المحظورة طول تاريخها لا يهمها مصر ولا مصلحة مصر وانما يهمها مصلحتها وبس وشوف بيعملوا ايهفي لانقابات ونوادي اعضاء هيئة لاتدريس والجامعات وانت تعرف ايه الاهم عندهم
في النهاية تقبل احترامي وتحياتى
المفضلات