عيوب هيونداي كوبيه 2005 بكل صراحة

**adel1414** · 27-11-2009 06:35 AM

ربنا يباركلك فيها ويكفيك شرها...سؤالى لحضرتك هل هى فيها معدلات امان زى ايرباج واى بى اس؟

**coupe2005** · 27-11-2009 09:35 AM

المشاركة الأصلية كتبت بواسطة eng.mina

عربية تحفة ربنا يباركلك فيها انا ليا واحد صاحبي معاه العربية دي ونفس اللون السيلفر وفعلا لما بركب معاه بحس بنفس المعاناة اللي انت بتقول عليها دي كل الناس بتبصلك وكأنك راكب فيراري
بس انا كان ليا ملاحظة عليها لما سقتها وهي ان قعدتها مش مريحة وتحس انك قاعد علي الرض ومش كاشف الطريق كويس وده حسيته اكتر واحنا نازلين الجراج بتاع سيتي ستارز بتبقي عايز تشب علشان تشوف الدوران بتاع الرصيف وتاني حاجة الزجاج الخلفي ضيق وصغير وبيتعبك وانت راجع بضهرك او بتركن وحتي صاحب العربية بيشتكي من الملاحظتين دول بس متهيألي ممكن التغلب عليهم بالتعود وتركيب باركنج سينسور محترم
ربنا يباركلك فيها مرة تانية وكل سنة وانت طيب

عزيزي
القعدة قعدة ريسينج و انا طولي 185 ولا اواجه اي مشكلة تذكر في الطلوع او النزول و الباقي ده كله عيوب سواق مش عربية
و انا بالمناسبة مركب باركينج سينسور هايل من شركة "كوبرا" و هو أكثر من رائع سواء في الركن او في تحذيرك من أي عائق خلفي حتى لو على الأرض علبة سجاير
و هو ممتااااااااااز جدا و بيغنيك عن النظر من الزجاج الخلفي اصلا

كرسي السواق ريكارو و قابل لدعم القطنية بدرجات متعددة حسب الحاجة و كمان ممكن تعللي الكرسي و توطيه.....و انا عمري ما تعبت من القعدة فيها لدرجة اني باخدها من هنا لأسكندرية خبط لزق و بنزل زي الفل مش حاسس بأي تعب خالص

**coupe2005** · 27-11-2009 09:39 AM

المشاركة الأصلية كتبت بواسطة moshooo

اخبارها ايه مع المطباط خصوصا انها وطيه حبتين؟؟؟؟؟؟؟؟؟

تخيل ما حكتش في اي مطب لحد دلوقتي؟؟ و السبب إن العفشة بتاعتها ناشفة موت فالعربية مش بتلب مع طلوع المطب و نزوله زي العربيات التانية بالرغم من انها واطية جدا و فيها كساحات و عتب نازلة بيهم من المصنع كده

تحفة فنية بجد تستحق الإحترام

**creative** · 27-11-2009 02:26 PM

طيب ياكوبيه تفتكر العربية دى تنفع لحد متزوج جديد يعنى ممكن حد يقدر يركب ورا معاه ولا ماينفعش خالص

**coupe2005** · 27-11-2009 04:57 PM

المشاركة الأصلية كتبت بواسطة creative

طيب ياكوبيه تفتكر العربية دى تنفع لحد متزوج جديد يعنى ممكن حد يقدر يركب ورا معاه ولا ماينفعش خالص

تنفع لحد متجوز..... لأ الا لو معاك عربية تانية معاها
و ممكن حد يركب ورا او اتنين كمان لو السواق قصير

**brshama** · 02-12-2009 04:51 AM

طب اية الفرق بين 2005 والزيرو

**brshama** · 02-12-2009 04:52 AM

لانى عايز اشترى واحدة ومش عارف اجبها مستعملة 2005او 2006 ولا زيرو وانت يا كوبيه اية رايك

**Ralliart** · 02-12-2009 08:33 AM

معلش دي ضريبةالشهرة والنجوميه
كمان كل اللي راكب فيات من الجديد زي الجراند بونتو والبرافو بيحسو نفس الاحساس تلاقي الناس عاجبها المنظر ومتنحين تتنيحه رهيبه وتسمع الجمله التقليديه (ايه دا فيات اتقدمت أوي) على اساس انها شركه صيني!!!

**creative** · 02-12-2009 01:26 PM

مش عارف انت هاتكون ادرى منى بموضوع القعدة بالنسبة لو حد عاوز يركب معايا... لان طولى تقريبا 183 سم ومعايا هاتكون مراتى وساعات بتركب معايا امى او امها عند الزيارات العائلية فهل هاتكون مناسبة ام لا؟؟؟