الموضوع: عن تجربه- افضل طريقه لتقليل استهلاك البنزين فى اللوجان

المشاركة الأصلية كتبت بواسطة egyzizo

شكراً على المعلومات ، وان شاء الله عندى مشوار اسكندرية بعد العيد وهأحاول أعدى عليهم ..
أنا استهلاك البنزين معايا من آخر تصفير لعداد الرحلات كالتالى :
503 كيلومتر
33.3 لتر بنزين
6.5 لتر / 100 كيلو
متوسط سرعة 38.7 كيلومتر/ساعة

يعنى لو حسبناها بالبلدى بتاعنا هيبقى : حوالى 300 كيلو فى الصفيحة
وطبعاً ده متوسط الاستهلاك فى المسافة كلها (الـ 500 كيلو) ..
وممكن نقسمهم إلى 350 كيلو سفر ، و150 كيلو خنقة جوه البلد تقريباً.

اسكندريه هتنور
مركز الصيانه مش داخل اسكندريه, هو تقريبا على بعد 15-20 كيلو من اسكندريه جنب شركه بيبسي

ماشاء الله معدل الاستلاك كويس جدا و انا تقريبا نفس المعدل

انا روحت عملت صيانة الالف دي
ومش ختموا في الكتيب لا هما في ورقة ادوهالي كده مكتوب عليها شهادة جودة
ومعمول تشيك علي كل حاجة في العربية
بس كده

ياجماعة من فضلكم لو حد يقدر يفيدنى فى اللى عرضتوا عليكم فى المشاركة بتاعتى فى اول الموضوع يبقى مشكور وجزاه الله كل خير
http://www.nilemotors.net/Nile/10802...post3872149395

المشاركة الأصلية كتبت بواسطة hobby10

طيب انا ظروفى زى حضرتك كده تقريبا برضه (انا من اسكندرية) بس انا بقى الصبح بمشى على البحر اغلب الطريق والسكة بتبقى ظريفة بعمل من غير تكييف حوالى 7-7.3 لكن وانا مروحة لو ماشية ابو قير (زحمة يعنى) وبرضه من غير تكييف بعمل 10.2-10 ... مع العلم ان السكة ممكن تكون اوقات تانية اوحش من كده وطبعا وقتها الاستهلاك حيزيد اكتر ............... بصراحة الموضوع ده مضايقنى جدا ومش عارفة اعمل ايه


انا فعلا فى السفر وكان بالتكيف كمان عملت المعدل ده ووقتها كنت عاملة 3000 كيلو ... المفاجأة بقى ان على 4000 كده نفس المشوار ومن غير تكيف عملت حوالى 6.5 ... مش عارفة ليه بقى ( اكن معدل الاستهلاك بيزيد ) وده اللى بناءا عليه كشفوا على البوجيهات

(قى صيانة ال 5000 لما قولتلهم على القصة دى كشفوا على البوجيهات ولاقوا واحد مسود خالص !!!!! وقاللى انه غيره المفروض بقى كان الموضوع يتظبط بعدها لكن لا جديد ... الله اعلم بقى غيره بقى ولا لأ او ايه سبب الاستهلاك ده ..... انا بقى كمان اللى نفسى افهمه ايه اللى يخلى البوجيه يبقى اسود كده على ال 5000 مع انه المفروض يتغير على ال 20000 :u_thin1[1]: ) ..................... ارجو الافادة ... وشكرا

شكرا على الرد
أنا برضه مضايق جدا من موضوع إستهلاك البنزين ده ..
أنا باروح من الإسماعيلية للقاهرة ( يعني 120 ك ) و برجع ( كمان 120 ك ) مع شوية لف جوه القاهرة ( 10 ك تقريبا ) يعني المجموع في الآخر تقريبا ( 250 ك) و باخد بالظبط صفيحه ( 20 لتر) و إتأكدت من الكلام ده كذا مرة و بحسبة بسيطه يبقى معدل إستهلاكي
8 لتر/100 ك ... و ده حرااااااااااااااااااااااا ااااام
مع العلم إني بحط 92 و ماشي على سرعة 100-140 .. و ببقى أنا و المدام و المقروضة الصغيرة بس .
و بعدين أنا رحت التوكيل فعلا عملت صيانة الألف بس ماقلتلهمش على موضوع إستهلاك البنزين ده .. ربنا يستر و ما يطلعش بوجيه .
ياريت يا جماعة لو حد يقلنا إيه الغلط و فين ؟؟؟؟؟؟؟؟؟؟