ممكن حد يعمل مقارنه موضوعيه بين الفيات لينيا و الكيا سيراتو الجديده .
عرض للطباعة
ممكن حد يعمل مقارنه موضوعيه بين الفيات لينيا و الكيا سيراتو الجديده .
بس ات بتقارن عربية بعربية تانية خااااالص
الفيات لينا احسن بكتير
1-علشان ثباتها بالتاكيد اعلى من السيراتو
2-تسارعها اعلى من السيراتو
3-تقفيلها اعلى من السيراتو
4-شكلها جامد جدا
5-خاماتاها اعلى بكتير من السيراتو
6- الف وربعومية سى سى يعنى هتدقع ترخيص اقل
7-استهلاك بنزين اقل من السيراتو
اشكرك على الاجابه بس انا بقارن يعنى على اساس السعر قريب
شكرا يا باشا و الصوره اللى انت حاطتها تحفه فعلا ما شاء الله شكلها الخارجى فعلا احسن من السيراتو و فى الاول و الاخر الشكل ده ازواء عشان اللى جيبين سيراتو ما يزعلوش
المقارنه دى موجوده فى المقارنات وسوف تجد كل شىء بالتفصيل
شكرا يا زعيم و ها شوفها ان شاء الله
طبعا لينيا بنت ناس من عيلة عريقة ع الاصل دور وتوكل علي الله
نسيتو الأمان ...
لينيا 5 نجوم أمان
فرامل Abs + Ebd
6 Air bags
بصراحه السيراتو دي موجة مصريه و هتنتهي
صدقني اللي عمل فيها كدة هو احنا لما نخلي سعرها يوصل لكدة يبقي في حاجة مش مظبوطة
لما تلاقي ناس داخله تقارنها بالسيفيك و الكورولا و تجادل انها ممكن تبقي احسن يعني هي ممكن تقارن باللينا علي اساس الفئة السعريه و بسسسسسسسسسسسس مفيش وجة مقارنه تاني
السيراتو انت شاري عربيه و مدي التوكيل حوالي 20000 الف جنيه هديه من جيبك هي النترا بشكل جديد مش اكتر
دة رايي بمنتهي البساطه
صدقني اللينيا و هي واقفه في الشارع بسم الله ماشاء الله عربيه بجدددددد مش عربيه لعبه استايل بمعني الكلمه
و مع ذلك في ناس برضة بتقول السيراتو الاوبشنز بتاعتها اكتر مش عارف ازاي
و سعر البيع احسن برضة مش عارف ازاي و هي لسه جديدة يعني في سوق متقلب زي السوق المصري مفيش حاجة مضمونه
علي فكرة انا مش معايا لينيا و لا فيات انا عربيتي سيريون بس فعلا لو نزل منها اتوماتيك هنوي التغيير علطول لانها الوحيدة اللي مليا عيني في حدود قدراتي لاني مش ناوي ازود عن 120000 جنيه
هوه فعلا عيب اللينيا الوحيد في وجهة نظري عدم توفر فتيس اوتوماتيك وفي بلدنا والزحمة الخانقة الاوتوماتيك يسوى ملايين غير كدة اللينيا عربية مالهاش حل
الله ينور عليكو يا رجالة فيات
و فعلا العربية امكانياتها كده ولا في الأحلام والله و تتقارن بفءات اعلي من السيراتو كمان
اللينيا لاتقارن الا باوربى زيها
الينيا فئة السيمبول ... مش فئة الميجان ....
اللينيا فئة الياريس و الكورودبا ...
إللى فى فئة الميجان و السيفيك هى البرافو أو الكوروما ... و غالبا هينزل كروما سيدان فى أوروبا ..
اللينيا مش رخيصة
و دى الكروما السيدان
http://i62.photobucket.com/albums/h1...CromaSedan.jpg
و دى الستيشن منها
http://static.blogo.it/autoblog/fiat...ma_2008_01.jpg
مش عارف بس أنا معاي اللينيا وخالي معاه الميجان فرق الصالون بينهم بسيط في صالح الميجان لكن مش للدرجة الي يتقال عليها فئة تانيه ممكن تكون فقة أقل لكن متوصلش للياريس أنا الياريس وزمان الإكو كنت بركبها قاعد مقرفص مش عارف أعد فيها أيام الثانوية العامة مع إني مش طويل
والناس مصرة إنها فئة الياريس عشان تقارب الأسعارلكن الكلام ده مينفعش لإن الياريس التوكيل مغليها قوي واللينيا توكيلها عامل عرض
اية علاقة البرافو بالسيراتو
لا معلش ماهي الجيتا جولف بشنطة
و بعدين انت علشان بتقيس بالسي سي حاسب ان الميجان اعلي من اللينيا و دة مش حقيقي لأن الباسات الجديدة 1400 سي سي برضة و كذلك الجيتا اية الفرق يعني؟
معلش مع احترامي انا ركبت السيراتو و ركبت اللينيا، و من الزيرو افتح الأتنين، اللينيا تضرب السيراتو علي قفاها بجد ، دة السيراتو تقفيل ماتور و صالون يحسسك ان راكب عربية صيني بجد
مشكلة اللينيا ان مفيش فيها الدلع زي السن روف و السينسورز و المرايات اللي بتقلب لوحدها، يعني كلها شوية كماليات مش اساسية فعليا
بالنسبة ليا الأتوماتيك مش مشكلة لأني مش بحبة أصلا و في عرفي السواقة هي المانيوال
و علشان كدة و بصراحة لو معايا فلوس الأتنين أخلص في اللينيا بدون نقاش او تفكير
و بينا و بين بعض سنة بالظبط و نتفرج علي السيراتو و هيا مرمية في السوق بـ 80 و 70 و مش لاقية حد يشتريها هي و أختها الألنترا تاكسي مصر الأول قريبا
معلومة جديدة كمان علشان الناس بس بتقارن
موتور اللينيا الـ 1400 سي سي عامل 120 حصان 88 كيلو وات عند 5000 أر بي إم
اما موتور السيراتو الـ 1600 سي سي عامل 124 حصان 91 كيلو وات عند 6300 ار بي إم
يبقي أيهما أقوي و أيهما اضعف ؟ ولا داعي للحديث عن فارق الماتور الإيطالي عن الماتور الكوري
لسة في حد بيقول سيراتو ؟
يا عم إنت سخنت على الناس ليه كل واحد مقتنع برأيه وللأسف بعض الناس بتتكلم وهما مساقوش العربية ولا حتى ركبوها
وأنا كنت مقتنع بالسيراتو قبل ما أركب اللينيا في المعرض بصراحة نستني السيراتو من أول نظرة
وكان معايا واحد صاحبي كان ناوي على السيراتو برضة وإتوهم باللينيا ويوم الوقفة خرجنا مع بعض قالي هات أجرب العربية مرضيش ينزل منها وقالي دي أول عربيه أركبها ومبقاش عاوز أنزل منها ساقها من الساعة ٧ روح البيت الساعة٢.٣٠ باليل هو الي سايق من مصر الجديدة للحسين لشارع الطيران لمدينة نصر للطيران تاني لأرض الجولف للطيران لمصر الجديدة وكان بيعيط وهو بيسبلي مفتاح العربية (الواد ده أصلا مجنون عربيات ودريفتات وصاحب عمرو مجيفر)
العربية وحشة قوي يا يوكو و الناس يا عيني قاعدة تلبس فيها فلوس للصبح
العربية اول ما نزلت هاي لاين كانت عاملة 105 قفزت مرة واحدة 125 لأن الناس جريت عليها
منكرش ان السيراتو شكلها حلو و بساطة التصميم جزء من جمال شكلها، لكن فعلا العربية وحشة علي مستوي الجودة و التقفيل، انا فعلا لما ركبتها من جوة و اتفرجت عليها كويس لقيتها علي مستوي السبيرانزا متقفزش خالص لمستوي المقارنة بالأوربي
هو كل واحد عقلة مريحة في الأخر بس محدش يقولي انها فئة أعلي لأنة مش حقيقي
إستحالة تكون فئه أعلى وهي مشكلت السيراتو ٣ حاجات الخامات والإيروديناميكس والجنط١٧ يقطم الوسط إنما غير كده هي أنضف من الصيني بكتير وأحسن الكوري لو كانت فضلت بسعرها الرسمي (بدون أوفربريس) لكن بالسعر ده وبعد تخفيض اللينيا يبقى اللينيا برقبتها ولو وصل الموضوع لحد ال١٣٠ ألف يبقى الكورولا برقبتها
انا مش بتكلم على الحجم بشكل عام ...
أنا بتكلم من حيث المواد المستخدمة - الصالون الداخلى المستخدم - الشاسيه ...
اللينيا تعتبر السيدان من الجراند بونتو و مبنية على نفس الشاسيه . زى الفرق بالضبط بين الكوردوبا و الإبيزا ...
فاللينيا تعتبر فئة الياريس و الأكسنت و السيتى و الريو و السيمبول و البولو سيدان ....
فتعتبر طبعا العربية غالية ... شايف الفرق؟؟؟؟
البرافو فئة السيفيك .. لأن السيفيك فى أوروبا بتنزل هاتش و بتتقارن بالبرافو و الفوكس و الجولف ..
طبعا اللينيا أفضل من السيراتو بمراحل ...
مع طبعا لو نزل موديل من الكروما سيدان هتبقى مشكلة و هتنزل فى كاتوجرى أعلى بكتيير ..
بس لسه مش عارفين هينزل كروما سيدان ولا لأ