الموضوع: استفسارعن بروتون بيرسونا

المشاركة الأصلية كتبت بواسطة amecath

طبعا التعليق ده كان من الاستاذ احمد والراجل ده ذوق وابن حلال

معلش يا استاذ احمد ادينى فرصة ارد عليه

بالنسبة لموضوع علبة الدركسيون --- فعلاً فى صوت بيتسمع من عند علبة الدركسيون لو انتا ماشى فى شارع فيه تكسير او عند النيو ترن وانتا بتلف لو برده فى تكسير والشارع غير مستوى وده لان فى بوش كفى علبة الدركسيون مفيد فى السرعات العالية ولا يوثر باى حال من الاحوال على اداء واتزان السيارة مجرد صوت فقط والموقف ده ظهر كمان فى عربية يابانى الى هيا دياهيتسو سيرون وتم ابلاغ الشركة فى اليابان وقالت ان الكستومر كومبلين يعنى شكوى العملاء مجتش من اى دولة غير مصر وتم تغيير انظمة علبة الدركسيون فى موديلات 2010 للسيريون وتلافى ذلك الصوت مرة تانية بقول الصوت علشان محدش يقلق والموضوع ده فى كل العربيات البروتون حتى الى صحابهم محسوش بيها لانها مش بتبان بسهولة وموجودة فى الواجا وموجودة فى الجين2 والبرسونا وانا معايا عربيتين واحدة عاملة 15000 وواحدة عاملة 30000 ومفيش ماشاء الله اى ضرر من الصوت ده خالص على اداء وثبات واتزان العربية الحمد لله
اما بخصوص ماكينات الكهرباء فغيرناها مرة واحدة للباب اليمين ومن سعتها تمام التمام يعنى ده موتور رفع مش اكثر ومدام التوكيل بيغيره وبيكون كويس فى ادائه يبقى مفيش مشكلة ولو لو المشكلة كبيرة كان كل الناس اشتكت من موتور رفع الزجاج مش كدة ولا ايه
اما بخصوص موضوع الحدفة يمن او شمال ده متوقف على الطريق
يعنى بمعنى دقيق هتلى شارع فى مصر يكون فيها الرصف متساوى بالميزان مش هتلاقى الا فى اماكن قليلة جدا ومتسفلتة جديد لان بطبيعة حال المشى على الطرق والحرارة فالعوامل دى بتشكل انحراف فى اسفالت الشارع وبيهبط من الناحية اليمنى والناحية اليسرى للطريق
فلو جربت يمين تلاقيها بتحدف يمين ولوجربت شمال تلاقيها بتحدف شمال والحدفة دى بسيطة جدا
مش مشكلة خالص يعنى
اما عيوب التقفيل الى حضرتك بتقول ملهاش حل مين قال ملهاش حل لو ملهاش حل مكنتش اتصلحت فى الصيانة الدورية بس ممكن تكون حضرتك قصدك ملهاش حل عند الماليزيين وده محتاج منهم دقة فى التقفيل واستخدام خامات عالية الجودة علشان يبقى مشكلها تكاد تكون معدومة
اسف على التطويل ولكن طلب منى الشرح والتوضيح من المهندس عمرو
وجزاكم الله خيراً - واطمنه يا جماعة العربيتين معايا ماشاء الله

الكبير كبير!!

جزاك الله كل خير يا وحش البيرسوناوين

وربنا يبارك لحضرتك فى بيرسونتك

لا يا باشا الصوت دا في عربيات محدودة جدا...

علبة الدركسيون فالجين ساعات بيبقي فيها عيب تخبيط كدا مع الملفات في الحتت المكسرة... و بتتغير فالتوكيل....

و في صوت تزييق ظهر عند البعض و دا من الطارو نفسها و مالهاش اي تاثير و يمكن حلها