الموضوع: الفليشيا ..... موضوع شيق بالصور

المشاركة الأصلية كتبت بواسطة amir

ياريت تقوللي علي الماركه اللي قدرت تركبها من بعد السياره دي ( من غير استغراب صعب حد يختار من بعدها) و ياريت كمان الميكانيكي الشاطر بتاعك و الناس اللي كانت بتصلحلك العربيه
و شكرا

المشاركة الأصلية كتبت بواسطة amir

الاخ هونداوي اهلا بيك معانا في المنتدي و إن شاء الله نفيدك و تفيدنا و نرتقي و نكبر بالمنتدي الجميل ده كمان و كمان
انا معرفش عندك كام سنه ولا سوقت ايه قبل كده بس المثل علشان يبقي مثل لازم يكون يمشي علي مواقف كتير و ممكن جدا تكون العربيه اللي انتي سوقتها متبهدله (غالبيه شكاوي ملاكها بيكون بسبب عدم الصيانه نهائي-العربيه بتغري بالاهمال في الصيانه- او انهم بيتعاملو مع ميكانيكيه جهله يخربو اكتر مايصلحو)
ميزتها الوحيده الاستابيلتي (يعني الثبات لعشاق اللغه العربيه في المنتدي) و تسارعها زباله ؟!! ممممممممم مش هعلق علي النقطه دي كتير بس انتي لما كنت بتجري بيها جبت كام؟؟ اصل المره الوحيده اللي سوقت فيها بسرعه عاليه كانت علي طريق الاسماعيليه و كان معايا 4 افراد غيري و جبت 140 (علي قدي بقي) لكن في ناس بتقول انها بتوصل لل170 ك , لكن انا متفق معاك التسارع بتاع ال1300 كاربيراتير عادي جدا لكن الانجكشن منها التسارع بتاعو حاجه تانيه
انت شكلك بتاع جري و حركات و اسمك بيدل علي كده كمان ( النيكنيم طبعا ) و كمان مختار عربيه لا يختلف عليها اتنين في السحب و الجري و بتنزل سباقات كمان!!! يا راجل اكيد الفيليشيا مش هتعجبك و بعدين تعالي هنا انت جي في فرح العروسه بمناسبه مرور 10 سنين علي اول انتاجها بالشكل الجديد و بترمي كراسي و كنب علي الكلوب الوحيد اللي في الفرح ياراجل خليتها ضلمه و معدتش شايف العروسه و اللبس وقع
هاهاها
ارجو اني مكونش زعلتك و دايما منور بمشاركاتك معانا

و على فكرة أنا جبت بيها ١٦٠ كم /س على مصر اسكندرية

ركبت بعديها بولو و كليو و كورولا غير عشرات العربيات في كندا لمدد مختلفة لكن فيلشيا ليها مكان خاص في قلبي

أحسن مكانيكي اتعملت معاه كان إسمه سيد جولف في ميت عقبة قريب من مستشفى سوزان مبارك للاطفال سيد كان شغال في توكيل Vw و عنده كهربائي كويس برضه
و كان فيه واحد تاني إسمه ابراهيم أخر فيصل ناحية الرماية قريب من فندق ميرديان .....الاتنين كانوا بيفهموا فيها قوي

^^^^
العفو يا دكتور.... كلك ذوق.... و إن شاء الله تركب سوبيرب :)

صور جميلة وجزاك الله خيرا

لبس البوصة تبقى عروسة
ماش الحال
لما تكون سعر العربية دى فى الثلاثينات وفيها القوة والمتانة والاصالة تبقى ممتازة
الاصالة اقصد بيها انها مبتعملش حركات ندالة وقطع غيارها بتعيش اطول من غيرها بكتيير
دا غيير انها متينة وبها عامل مهم جدا الا وهو الثبات والامان
اذكر ان مرة واحد سواق تاكسى كنت واقف لقيتة جاء وسلم عليا وقالى العربية دى انا بحترمها اوى
وقالى سر حبه ليها انه فى مرة كان راكبها وكانت اول ما نزلت فى التسعينات وكان سايقها تاكسى وعمل حادث بيه اجام من الجنب وظن انه هيموت خلاص وبعد الحادثة طلع سليم واستغرب انه محصلوش حاجة من قوه التصادم دا اللى فى الباب بتاع السائق المهم راح للسمكرى فلاقى ان العربية فى بابها قضبان من الصلب للحماية داخل الابواب وعرف ساعتها انه لو كانت عربية تانية كان زمانة فيه اصابات بالغة