من فضلكم
هل يوجد اثار ضاره عند تغيير مقاس كاوتش 13-155-70
الى 13-175-70
لسيارة اونو
شكرا
عرض للطباعة
من فضلكم
هل يوجد اثار ضاره عند تغيير مقاس كاوتش 13-155-70
الى 13-175-70
لسيارة اونو
شكرا
أينعم .. المقاس الأفضل 175- 65
أو 175 - 60
و بعد التركيب عداد السرعة هيفرق حاجة بسيطة .. هيبقي قاري أبطأ من سرعتك الحقيقية
يعني لو العداد قاري 100 هتبقي إنت ماشي 102 تقريباَ
ده في حالة ال 175-65
في حالة ال 175- 60 هيبقي العداد أسرع من سرعتك الحقيقية برضه بحدود إتنين كيلو
لازم تقلل التخنة شوية عشان القراء بتاعت العداد
وعشان العجل ميبقاش تقيل على العفشة
يعنى ممكن تركب 13 - 175 - 50
دة مش هيفرق معك فى اى حاجة عن الى راكب فيها
لا يا باشا 175-50 ده يفرق كتير أوي !
هيسبب مشاكل في الفرامل ده غير إنه هيغير ال diameter الخاص بالفردة بنسبة 7.7% ! و الإختلاف المسموح به 3% عشان ميحصلش مشاكل و أحياناَ ناس بتنصح ب 2% بس كمان
ممكن تحسب النسب هنا
Tire Size Calculator - tire & wheel plus sizing
المقاس 175/70 هايعللى العربيه 2.8 سم والعداد وانت ماشى على 100 هايبقى قارى 95
مقاس 175/65 هايكون أفضل لانه هايعللى العربيه 1 سم فقط والعداد وانت ماشى 100 هايبقى قارى 98
مقاس 175/50 دا غلط جدا لانه هايوطى العربيه أكتر من 4 سم ودى كارثه
طيب انا مركب 14/185/70 اية اعرض حاجة فى الكاوتش ممكن اركبها من غير تاثير
يعنى اركب 185/60 r14
ولا اركب 185/65 r14
ولا اركب 195/60 r14
يعني 14/185/70 ده مقاس العربية الأصلي ولا إنت مركبه و عايز تعرض أكتر ؟
لو كدة يا ريت تكتب المقاس الأصلي
بس عامة إنت هتركب 195 لأن 185-60 أو 65 هتفرق في إرتفاع الكاوتش مش عرضه
أفضل مقاس هيبقي 195-65
كل ده في حالة لو المقاس اللي إنت كاتبه ده المقاس الستاندرد للعربية
ممكن تركب 185 - 65 ده أقل أثر
بص يا باشا من الاخر أنا عندى i10 موديل 2009 وعامل الموضوع ده بالظبط المقاس الاصلى 155/70 و غيرته ل 175/70 يعنى زيادة فى عرض الاطار و ارتفاعه زاد 1.4 سم
مشيت على الكاوتش الاصلى 155/70 اكتر من 6000 كم
و غيرت الكاوتش ل 175/70 و دلوقتى عامل حوالى 9100 كم
المميزات:
ثبات افضل بكتييييير
نعومة افضل بكتيييييييييييييييييييييي يييييييييييير عن الاول و هتحس انك مرتاح اكتر لانك زودت ارتفاع جدار الاطار side wall وبالتالى الجزء المطاطى ده بقى بيعمل اخماد للصدمات الجامده من المطبات و الحفر و قضبات المترو ....
تاخد ملفات على 100 و ممكن ملفات جامده على 70-80 بدون مشاكل
العيوب:
عزم العربية قل شويه علشان الزيادة فى الارتفاع 1.4 سم دى قللت قوة الجر من العجلة
قوة الفرامل قلت شويه بس فى الفرامل الجامده العربية بتكلبش فى الارض
ممكن نتيجة تعلية العربية انها تعوم بس ده فى الغرز الجامده اوى و لو انت هادى يبقى العملية فى صالحك
بص انا قبل ما أغير الراجل قعد يقولى هيحك و هيعمل و خليته يركب بردوا و كمان فى مقاس تانى افضل لو تحب 185/60 R13 ده هيديك عرض اكتر و مش هيعلى العربية اوى و الراجل اعترض عليه بردوا و قالى هيحك و قعد يقنعنى ب 165 انا قلت حرام ده ميبقاش تغيير.. فقلت اجيب ال 175 و اريح دماغى
يبقى انت احسنلك تخليك فى ال 175 علشان تتجنب انه يحك فى الرفارف او المساعد
انا حسيت مره واحده بس ان العربية حكت فى الكاوتش كنا 3 فى العربية و نازل الملف اللى من الدائرى بتاع السويس للاسماعلية و اسفلت المنزل ده كله مموج فكانت العربية بتتنطط و كنت على سرعة ما بين 80-60 و حسيت بحكه من الكاوتش اللى ورا.. بس انا بركب 5 اشخاص فى العربية و محكتش قبل كده خالص لا فى الرفرف و لا مطبات
و نوع الكاوتش اللى اشتريته هو Good Year Ducaro GA
صناعة تايلاندى و نقشته حلوه
DUCARO GA
ثمن الفردة حوالى 240 او 250 جنيه من عند البطل الرومانى فى جسر السويس و أنا عملت استبدال مع القديم
فى كاوتش تانى اسمه Nexen سمعت انه ممتاز و ده صناعة كورى و فى عنده كمان Silver Stone بس سمعت انه تعبان فى صناعة اندونيسى و حاجات تانيه بس كل دول كانت نقشتهم عاديه و معجبتنيش خالص لكن الجوود يير جميل و كمان دخل فيه مسمار حوالى 1 سم فضل فى العجلة حوالى اسبوع لحد ما عرفت اوصل له و شيلته والحمد لله الكاوتش فضل سليم و الكلام ده من اكتر من شهر
دى صور الكاوتش
و هتلاقى صور مقارن فيها ال 175 بتاعى مع عربية فيها ال 155 بتاعها
على فكره الكاوتش انا اكلت بيه بلاعه مربعه على سرعة 70
و على الطريق السريع حفره على 100 و اكتر من موقف العربية اتهبدت فيه فى حفر و خلافه و الحمد لله الكاوتش سليم معملش بلالين و الكلام ده
اهم حاجه تتأكد من انتاج الكاوتش لان ساعة التركيب الواد كان بيستهبل و بعد ما اتفقت على الموديل ده و لقيته انتاج 2009 الواد نزل موديل غيره و قالى ده بقى احسن بكتيير (مع ان منظره مقرف) و قبل ما يركب رحت واخد فرده منهم لقيتها انتاج 2007!!!!!!!!!
فأهم حاجه تتأكد ان الموديل اللى هتشتريه يكون انتاج جديد علشان يكون لسه بخيره و محتفظ بخواصه
الف شكر ليكم كلكم
و شكر خاص للأخ الفاضل monmonmonلأهتمامه وذكره تجربته التي هي نفس المقاسات المطلوبه
شكرا
طيب انا المقاس الاصلى عندى 15-60-195
اكبر عرض ممكن اركبه اية
انا اقصد مركز دائرة الاطار و الجنط لهم مركز واحد بيدوروا حوله فبالتالى بيبقى مظبوط تماما لانك مركب الاطار فوق الجنط و لهم مركز واحد بالتالى لا يوجد اى مجال لوجود خطأ فى القياس
لكن الاكس المسؤل عن نقل الحركة فى الدفع الامامى بيكون على حسب نوعه و وضعه لان فى كوبلن
لو دفع خلفى الاكس بيخرج من الكارونه على العجل و بيكون مستقيم و فى المركز تماما
سواء دفع امامى او خلفى الاكس مش مشكلة.. المقصود المركز اللى هتقيس منه نصف القطر و هو مركز الطنبورة.. انا حاسس انى مش هقدر اوصلك :U_thin1[1]:
الحقيقه انا توهت شويه :)
انت قصدك مركز الدائره اللى هو الطنبوره اللى بيركب فيها الجنط والكاوتش
صح ؟
طيب بص انا هاحاول افهمك انا اقصد ايه
http://img689.imageshack.us/img689/5148/31994919.jpg
بص الرسمه دى فيها 3 عربيات باوضاع مختلفه
مركز الدائره باللون النبيتى
واللون الازرق أقرب ارتفاع للارض
العربيه 1 مركز الدايره على نفس الخط مع اقرب ارتفاع للعربيه بالظبط
طيب لو مركز الدايره اعلى شويه زى العربيه 2
او اوطى شويه زى العربيه 3
تتحسب برضه بنفس طريقتك ؟
بيتهيألى ليها حسبه تانيه ولا ايه
ايووووووووووه انا بتكلم على الحالة رقم واحد اللى فيها المركز الدائرة مع جسم العربية
لكن الحالة 2 و 3 العربية طبيعتها كده يعنى السوست مرفوعة او حد مخفضها او العربية stock كده.. لكن يعتبروا زيها لو افترضنا ان الخط الازرق فى 2 و 3 ثابت مكانه لما تغير الكاوتش بردوا يا اما هترفع العربية او هتقربها من الارض حسب المقاس الجديد لان اهم حاجه مركز العجلة من عند الطنبورة بغض النظر عن جسم العربية فين بس طبعا دا بافتراض ان المقارنة فى ال 3 حالات و العربية فاضيه
بص الجنط ثابت قول مقاس 13 و انا عندى 155/70 فى الحالة دى ال side wall للكاوتش هى 10.8 سم
لكن مع الكاوتش 175/70 ال side wall اصبحت 12.2 سم يعنى الفرق بين المقاسين 1.4 سم فى ال side wall بالتالى العربية هتترفع ال 1.4 سم
سواء كانت فى اى حالة من ال 3.. لان الزيادة حصلت فى ال side wall او من مركز الطنبورة لحد تلامس الاطار مع الارض.. ايه رأيك :U_thin1[1]:
تمااااااام جدا ياباشا
انا جربت المثال بتاعك فى ال 3 اوضاع بالرسومات والارقام
ولقيت ان فعلا ارتفاع العربيه هايرتفع 1.4 سم فى كل الحالات
شكرا جزيلا :)
وعلى فكره كمان اكتشفت ان صعب اوى او مستحيل يبقى مركز الدايره أوطى من خط ارتفاع العربيه زى المثال 3
لان فى الحاله دى ارتفاع العربيه لازم يبقى أكتر من نص قطر الجنط والكاوتش
اللى هو فى المثال بتاعنا هايبقى 27.35 سم فى الكاوتش 155/70
و 28.75 سم فى الكاوتش 175/70
وطبعا مفيش عربيه فى الدنيا جنوطها 13 وارتفاعها 30 سم مثلا :)
انا بشكر الاخ صاحب المشاركه دي علي اللنك اللي حاططه هنا لان انا فعلا استفدت منه فكان اقل حاجه اني اشكره
انا معايا عربيه تيدا 2009 الاطارات185/65/15
واخويا معاه جنوط مقاس 205/55/16 ودول فردتين بس
وفردتين تانيين 205/45/16
ومكنش مستعملهم فانا اخدت منه الجنوط وركبتها وركبت الاتنين الصغيرين قدام اللي هما 205/45/16
المهم دخلت علي اللنك ولقيت انهم ميمشوش مع عربيتي وانهم ممكن ياثروا علي اداء الفرامل انا قلت اجرب برضه وطلعت علي الطريق ومع اول ضربة فرامل شديده نوعا ما لقيت لمبات الاي بي اس وفرامل اليد منوره رحت راكن علي جمب واستنيت شويه برضه منورين طفيت العربيه وشغلتها انطفت الانوار وكنت قرات في الكتالوج بتاع العربيه ان اي لمبه تنور يبقي فيه مشكله بصراحه الموقع ممتاز وشكرا لصاحب المشاركه مره تانيه ومع ان الثبات رهيب بس انا مضطر ارجع كاوتشات الاصلي
ya gama3a ana 3ndy fe el 3rbya 195/60/r 15
we 3ayz ageb kawtsh a3rd showaya
eh a7san ma2as a2dar agboh??