خدعة ابو غالي الجديدة !!!! -لراغبي شراء الافيو-

**yasmoha** · 13-12-2007 01:04 PM

نفشى اعرف حد استلم من ابو غالى أفيو ولا لسه؟
وايه تفاصيل الإستلام؟

**yasmoha** · 16-12-2007 01:02 PM

بعد ما وعدت من المبيعات فى أبو غالى ان العربيات خلاص جايه الأسبع اللى فات انتظرت وكل يوم اتصل يقولى بكره أو بعده وفى الأخر قالى فى عربيات بضاعة حاضرة اشتريناها من برة لسد رغبات العملاء المستعجلين وهتزيد عليك 3 ألاف جنية عن سعر الحجز ولو عايز تستنى الحجز قدامك 3 أسابيع لما يجى دورك.
للعلم انا حاجز من أول اكتوبر والمفروض حسب كلامهم استلم آخر نوفمبر أو أول ديسمبر.

**yasmoha** · 24-12-2007 04:12 PM

ايه ياجماعة فيه حد اتقاله نفس الكلام ده ولا لأ؟
وايه رأيكم؟
ياريت كل اللى حجز أفيو من أبو غالى يقولنا نتائج تجربته أول بأول.

**hogobingo** · 24-12-2007 05:41 PM

ربنا يطمنك ... اتاريهم بيقولولى ان فى ناس حاجزه من شهر أكتوبر ولسه ماأستلمتش .. اتريك انت بقه اللى بيقولوا عليهم ده أنا كنت فاكرهم بيصبرونى .. انا بقى حاجز من اوخر شهر نوفمبر ومش عجبنى الكلام ده انا بفكر أسحب فلوسى خلاص ونويت أعمل كده فعلا وإتكلمت مع الناس هناك وهما هيرجعولى الفلوس خلاص
ده اذا كان انت فى اول أكتوبر وماسلموكش حاجه امال انا اللى اخر واحد فى اللسته هيعملوا فيه ايه

بس بالرغم من كده أحب أقولك ان الناس محترمه جدا يعنى بالرغم من انى عايز الغى الحجز الا انهم هما ومنصور محترمين جدا وأنا بصراحه مش هستنى كل ده انا هاخد فلوسى وأفكر فى أى حاجه جاهزه

انا امبارح رحت غتكلمت معاهم على التأخير ده وإتكلمت مع أكبر واحد فيهم وانهم ازاى ميعرفوش لحد دلوقت امتى هستلمها وقعدوا يقولولى طيب أختار عربيه غيرها قلتلهم طيب ما انا لو كنت عايز غيرها ما كنت عملت كده من الأول انا أخترت العربيه دى لأنى عايز دى مش غيرها

المهم وفقوا على رد المبلغ بدون كلام كتير وهما برضوا محترمين .. هما قالولى ما دام العربيه غير متوفره يمكننى استرداد قيمه الحجز بالكامل