السلامه عليكم يا رجال
1)العربية مبتجيبش أكتر من 140 والتكييف مقفول وهي مش اوتوماتيك وأنا ماكانش عندي مانع بصراحة عشان أنا مش بتاع سرعة بس بعد ماسألت كام واحد صاحبي قاللي لا 140 ده ماياكلش دي المفروض تجيب 180 إن ماكانش أكتر.
هل ده يدل على إن العربية فيها حاجة غلط؟ مع العلم إنها زي الفل لغاية 140ish بس بعد كده مابتجبش.
في جميع الأحوال أنا بستخدم العربية ك مواصلة مش باشد مع حد أو حاجة فـحتى لو هي فيها مشكلة مش حاصلها إنما هو حب المعرفة.
2) زي ما قلت أنا مش من هواة الجري فـأنا باخد المحور على 90ish لزوم اتقاء المخالفات, فـعايز أعرف بعد اذنكم..أنا عشان اركب مثبت سرعة, لازم اكون اوتوماتيك صح؟
أصْلي محبش اكون ملتزم بالقانون وأم لابس مخالفة عالمحور على 92 مثلا ربنا يكفينا شر المخالفة اللي هناك..
تقولي ليه متمشيش على 80 مثلا اقولك عشان الواحد بيفقد تركيزه مع العداد في الطرق الملل دي فأنا بأبقى ماشي على 80 دقيقة بعدها ابص عالسرعة الاقيني 95 مثلا :)
3) الفتيس يجيله ساعات ويبقى حيتخلع في ايدي, وأنا دايس دبرياج عالآخر وبأبقى بتخنق معاه عشان انقل, حد عنده فكرة ليه؟ بتحصل معظم الوقت مع الأول و التاني.
.الزيت أنا غيرته من بتاع 6 شهور بس النقطة إني أعتقد مشيت بيه يمكن 4 شهر وهو ناقص..بعد ماخدتها.
4) مش سؤال بس هو تسأل يطرح نفسه :>...أنا اريت إن العفشة في النوبرة عايزة تتغير كل فترة صغيرة..ده كلام صح فعلا؟ أصل العربية بالها معايا بتاع 11 شهر ومغيرتش فيهم العفشة ولا مرة بس العربية اصيلة الحمدلله وزي الفل مفيهاش غير الكام مشكلة اللي فوق دول.

بعتذر لو في كلام غلط أو غلطت املائية أصْلي باكتب English و Maren بيترجم.:)