الموضوع: نوبرتي مبتعديش 140, و حاجتين تانيين.

أنا لقيت قصة جديدة لسة طالعة وهيا إن العربية وانا واقف بيطلع دخان أبيض من الشكمان, وكمان بطلع مية (معرفش إزاي المية دي)
المهم ده سبب كفيل إني اوديها التوكيل عشان على اد سواق كان معايا كده بتحرق زيت مع البنزين.
'7ar2 نايء على كلامه
فـأنا حواديها إن شاء الله في أقرب فرصة.

كنت عايز رد على اسئلة 2,3,4 ياريت.
للاعادة:
2:
ينفع اركب cruise control أو مثبت سرعة وانا فتيسي مش اوتوماتيك؟
3:
عضت الفتيس دي ممكن تكون من إنه اتمشى بيه بتاع شهرين من غير زيت فتيس خالص؟
وهل لو كده محتاج اغير الفتيس كله ولا ممكن يتزيت وخلاص؟
4:
طول ماال عربية تمام وثابتة أنا مش محتاج اربط العفشة ده كلام سليم ولا اوديها تتربط كل كذا ألف وخلاص؟

edit:
ماعتقدش إن موضوع العضة ده من حوار الزيت عشان معدل حدوثها قليل قوي..معظم الوقت الفتيس زي الفل أو على اقل تقدير فـهو شغال, بس fel-0.5% اللي بيقفيش فيهم فـهو فعلا مبيتحركش.

المية من الشكمان الصبح بدرى علامة طيبة ان المكنة حرقها مضبوط... هل الدخنة عبارة عن بخار طالع فى مسافة 30 الى 40 سم خلف ديل الشكمان و بيختفى ولا دخنة تقيلة؟؟؟

لا هو دخان خفيف ميبيض. واللهِ ربنا يطمنك على حوار المية ده.

ينفع و الزميل حسام حسن ركبة فى لانوس مانيوال

تمام اوي, حدور على موضوعه لو كان عمله thread.
لو ماكانش ياريت بس حد يقولي إذا كان مكلف ولا لأ.

مش شرط... الموضوع عايز تجربة بس معتقدش

merci ليك.

لازم تراجع على التربيط كل 5000... مش حتحس بالتاثير السلبى للعفشة السايبة الا لما حاجة تتفك و انت ماشى لا قدر الله... العافشة بتفك بالتدريج فا سهل اوى متحسش باى تاثير ليها

آه كده قلق
طب الحمدلله إنك اولتلي عشان اوديها تتربط..هو بتوع البنزينة اللي بعمل عندهم ظبط زوايا يقدروا يعملها ولا محتاجة عافشجي؟

وعلى العموم أحب اشكرك ل مساعدتك يا أستاذ ممدوح.