الموضوع: مشكلة فى السلانسيه بتاع الموتور مش عارف احلها

مساء الخير عليكم جميعاً انا تعبت روحت لبتاع الكاربيراتير حاول يظبط موضوع السلانسيه و بعدين قاللى العربية واخدة هواء قولتلو يعنى ايه قاللى جوان الفرن بينفس محتاج يتغير و دى شغلة الميكانيكى و طبعاً علشان الميكانيكى يفك الفرن يعنى فيها نص اليوم ضايع المهم مش حطول عليكم روحت للميكانيكى و فك الفرن لقى فعلاً الجوان مقسوم قطعتين و دة اللى بيسبب التنفيس المهم غيره وصوت العربية هدى شوية و قاللى ارجع تانى لبتاع الكاربيراتير علشان يظبط العربية ، رجعت لبتاع الكاربيراتير قعد يظبط في العربية بقى rpm على 5 و طلعت جربت العربية زى الفل .
فى اليوم التالى صباحاً لاقيت الrpm مظبوط على 5 و المفروض اول لما اشغل العربية الصبح يبقى الrpm على 12 لحد لما العربية تسخن بيقوم نازل على 5 او 6 على حسب ضبط العربية المهم جربت بيها اليوم دة لاقيتها على الطوالى بتسحب كويس و ال rpm مش مظبوط مرة يبقى على 7 و مرة يبقى على 5 واو بمعنى اصح بين 4 و 5 فالعربية بتبرجل لكن مش بتبطل طبعاً البرجلة دى و انا واقف فى اي اشارة مرور لكن لو الطريق مفتوح مفيش اى مشاكل المهم طلبت الميكانيكى على التليفون و بلغته ملاحظاتى قاللى نعلى الrpm على 6 مش عارف انا كدة ماشى صح و لا ايه بصراحة انا زهقت من فئة الميكانيكية من فضلكم ساعدونى.

اولاً متشكر لاهتمامك لكن انا فكيت الكاربيراتير و نظفته مرتين خلال 10 ايام عند اثنين مختلفين و العيب هوة هوة ، طب عندك فكرة عن اسعار الكاربيراتير جديد بكام و استيراد بكام لسيارة دوجان 1997 (موتور التمبرا).

مساء الخير اصدقائى الأعزاء اخيراً العربية بدأت تتظبط على السلانسيه بعد ما الميكانيكى غير جوان الفرن و ظبط الrpm على 6 بقت العربية اكثر نعومة و ثبات اثناء التشغيل لكن فى حاجة صغيرة عايز اسأل عليها اثناء بداية التشغيل صباحاً كان الأول ال rpm يبقى على 12 لحد لما العربية تسخن و ينزل على 5 او 6 طبعاً اثناء فترة التسخين دى العربية بتكون مبرجلة شوية لحد لما تسخن بس و عداد ال rpm ينزل و يهدى صوت العربية دلوقتى كل اللى قولته بيحصل بس اصبح عداد ال rpm ما بين 7 و 9 متأرجح بينهم الى ان تسخن العربية على درجة حرارة 65 الى 70 درجة مئوية فينزل عداد ال rpm على 6 و تتظبط العربية و دة بيأخذ فى الشتاء حوالى 5 دقائق سوألى هل فرق قرائة عداد ال rpm الأول 12 و اصبح الأن من 7 الى 9 يعنى ان فى شىء مش مظبوط ولا ايه برجاء المساعدة.

علشان العربية تظبت rpm لازم يكوت بين 8-9 ذى كتالوج العربية مابيقول فى السالانسية انا معايا شاهين 98 والكالوج بتاعها

متأكد اصل لو تم ضبط ال RPM على 8 او 9 اولاً صوت العربية حيبقى عالى جداً و حتستهلك بنزين كتير و اظن ان شاهين موديل 1998 بتبقى 1400CC هل حيبقى فى اختلاف ما بينها و ما بين الدوجان 1600CC موديل 1997 (موتور التمبرا الأبيض) برجاء الإفادة و لو امكن إرسال الكتالوج على البريد الإليكترونى الأتى (anwar.ahmed2007@gmail.com)

طبعا متاكد من الكتالوج ان السالنسية بين 8-9 انا عندى عامله على 7 علشان صوت الموتور وانت مش ح تخسر حاجة اعمله على 9 ثم جرب يومين ثم نزله 8 ثم 7 واكيد ح يزبط على رقم مناسب من حيث سحب العربية وصوت الموتور وعدم الرجة بالنسبة للكتالوج للاسف معنديش اسكنر واخوك مش خابور فى رفع الملفات وبكتب بلبركة