حملة مقاطعة لسويسرا

**dr-mohamed** · 30-11-2009 05:07 PM

كيميائي محمد طه متقلبش علينا المواجع اكتر ما هي متقلبة

**SHNORY** · 30-11-2009 05:08 PM

95% من الشعب المصري مقاطع سويسرا فعلا
وغصب عنهم مش بمزاجهم
علشان ميقدروش يشتروا الحاجات اللي بتيجي منها
بس عموما ارخص حاجه شوفتها معموله في سويسرا كانت سجاير دانهيل جديده لسه نازله
فليكم عليا اني حقاطعها ومش حشتريها (الدانهيل بس)

**MTAK** · 30-11-2009 06:32 PM

المشاركة الأصلية كتبت بواسطة cairo2005

كيميائي محمد طه متقلبش علينا المواجع اكتر ما هي متقلبة

مش قصدى تقليب مواجع
بس على فكرة و ايه يعنى لما نقلب المواجع
مش
يا بخت من بكانى و بكى على و لا ضحكنى و ضحك الناس فيا
--------
ثانيا
اصل بصراحه زهقت "مش قادر اقول كلمة اخرى" من الكلمات الرنانة الجوفاء
حمله
مقاطعه
و عاملين فيها اللى مالهمش زى و عالطول داخلين فى الدول العليوى

طيب يا جماعه يا جدعان ماشفناش واحد يقول هنقاطع الصين لما و لازالوا بيمارسوا كل اساليب التعذيب و القهر للمسلمين عندهم
و الخيبة انى حاسس ان موضوع المقاطعه ده احنا بنتجر ليه علشان يضحك علينا
ليه
احنا عايزين نقاطع سويسرا علشان رافضين يتبنى ماذن للمساجد
سمعت من شيخ نحسبه على خير "و اعتذر لانى مش عارف اجيب المصدر" ان اساسا الماذن دى مش من اساسيات المسجد فى الاسلام
و انها مستحدذه و البعض ادخلها كبدعه
و لاحظت انا شخصيا ان معظم مساجد الجمعيه الشرعيه التى رأيتها لا يوجد بها مأذنه
----------------------------
نشد سطر كمان
------------------------------------
فى موضوع المقاطعه
قبل ما نقاطع لازم تكون اقوى من الذى تريد ان تقاطعه
و علشان الناس تفهم ما اعنيه
اقوى بمعنى انك
تستطيع الاستغناء عن ما يقدمه و تتعايش بالبديل له من عندك مهما كان اقل من الذى تريد ان تقاطعه

يعنى مانقاطعش العربيات الامريكانى و نروح نركب الاوربى
انما نقاطع العربيات الامريكانى و نركب الاسكوتر الخشب بتاع زماااااااااااااان اللى كانوا بيلعبوا بيه فى الشارع قبل ما ينجروه و يخلوه بالشكل الحالى

و ذكرت مرارا و تكرارا مثال لذلك
و هو
غاندى

و شكـــــــــــــــــــــرا
----------------
وجهــــــــــــــــــــــ ــــــــــــة نظر

**dr-mohamed** · 30-11-2009 07:05 PM

المشاركة الأصلية كتبت بواسطة mtak

مش قصدى تقليب مواجع
بس على فكرة و ايه يعنى لما نقلب المواجع
سمعت من شيخ نحسبه على خير "و اعتذر لانى مش عارف اجيب المصدر" ان اساسا الماذن دى مش من اساسيات المسجد فى الاسلام
و انها مستحدذه و البعض ادخلها كبدعه
و لاحظت انا شخصيا ان معظم مساجد الجمعيه الشرعيه التى رأيتها لا يوجد بها مأذنه
وجهــــــــــــــــــــــ ــــــــــــة نظر

كل وجهات نظرك جديرة بالاحترام يا سيادة الكيميائي
وفعلا قلبت المواجع
وفعلا المآذن ليست من الاسلام في شئ هي نوع من انواع العمارة اللى ظهر في وقت متأخر وانتشر حتي اصبح هو الاساس زيه زي كتابة ايات قرانية في المساجد خصوصا عند المنبر وزيهم زي الهلال او النجمة اللى البعض بيقول انهم هما الاسلام او رمز الاسلام بدون ان يدري انها مجرد اشكال جمالية ليس الا والا ما كانت تركيا العلمانية تضع الهلال في علمها وما كانت الهلال والنجمة الذهبية تعمله شعار ورمز ليها مش ناقص غير ان حد يطلع يقولك فرض على المسلم شراء منتجات الهلال والنجمة لانهم بيحملوا رمز الاسلام

**M.Osman** · 30-11-2009 11:10 PM

المشاركة الأصلية كتبت بواسطة Islam_galal

المشكلة في نفوسنا
أيوة إحنا
إحنا نفوسنا مش خالصة ، بنقاوح و بس
بنهبط الهمم و بنحبط القيم
لسنا علي قلب واحد و لا إثنان و لا ثلاثة حتي

كل واحد يبص لنفسه من جوه ، ضلمة قوي
و لو مش شايف الضلمة تبقي أعمي

تتكالب علينا الأمم لضعف نفوسنا و لسوء عملنا
نقاطع . . . . ماشي

ماشي بس نقاطع الأول الفساد و الطمع و المجون و الجنون و الموضة و الشذوذ و و و و
إبحث في نفسك و غير (إن الله لا يغير ما بقوم حتي يغيروا ما بأنفسهم)
و إلا فاستعد لتلقي العقاب

علامات الغضب الإلهي ظاهرة (إنها لا تعمي الأبصار و لكن تعمي القلوب التي في الصدور) فيضان و جفاف ، زلزال و وباء ، غرق و قتل
كلها أمور مستحدثة و كلنا مسؤولون

+1