الموضوع: ايه الفرق بين اللوجان والسيمبول و(يستاهل ولا مايستاهلش )

اكيد دى رينو بس برده السيمبول اكيد ثباتها اكتر ولا ايه ؟؟؟

المشاركة الأصلية كتبت بواسطة momopersona

اكيد دى رينو بس برده السيمبول اكيد ثباتها اكتر ولا ايه ؟؟؟

زى ماقولت لحضرتك السؤال صعب عشان حد يحكم فيه لازم يجرب العربيتين
وملاك اللوجان شايفين ان العربية ثابتة بشكل جيد
وملاك السيمبول شايفين انها ثابتة بشكل جيد
والعربيتين ممتازين فى فئتهم السعرية
ولو ال 13000 جنيه مش حيفرقوا كتير مع شراء السيمبول يبقى يتوكل على الله
فهى عربية ممتازة وكل ملاكها بيشكروا فيها
ولو عايز يوفر الفلوس فى عربية اقتصادية يبقى اللوجان من غير منافس
سؤال اخير صديق حضرتك كان راكب عربية نوعها ايه قبل ما يفكر يشترى السيمبول او اللوجان ؟
وربنا يباركلك فى البيرسونا الجميلة

[:QUOTE/

سؤال اخير صديق حضرتك كان راكب عربية نوعها ايه قبل ما يفكر يشترى السيمبول او اللوجان ؟
وربنا يباركلك فى البيرسونا الجميلة [/QUOTE]

هو راكب كليو 1200 سى سى موديل 2003 تقريبا ومقتنع بالرينو بطريقة مش طبيعية حاولت اقنعو والله بالبرسونا بس مافيش فايدة عايز يركب رينو برده وهو شكله هايجيب سيمبول ان شاء الله لانه بيعتبرها تطووير للكليو وشكرا على اهتمامك يا باشا

المشاركة الأصلية كتبت بواسطة ashouhdy

وانت طيب

اولا السيمبول أكتر من 50% من مكوناتها اوروبى
تقفيل أوروبى على مستوى عال جدا أنضف من اللوجان
مستوى الخامات الداخلية مختلف تماما عن اللوجان
عزل العربية مختلف عن اللوجان و صوت الموتور ايضا
كلامى عن تقفيل الموتور اتفرج ع السيمبول عاملة اذاى !
التكنولوجيا المستخدمة فى فتيس السيمبول و الموتور اعلى بمستويات عدة عن اللوجان

السيمبول حاجة تانية تماما و اعتقد ان 13الف فرق سعر فعلا يستهال انى اشترى عربية رينو (بجد) ... وثانيا المقارنة بين اللوجان و السيمبول فقط

أكيد الفرق يستاهل دة انت بيهوم بتشترى عربية تانية !! فئة اعلى تقفيل و جودة اعلى تكنولوجيا اعلى !!

دة قصدى ! و جملة فروقات البيبان بتوضح جودة التقفيل المختلفة بين اللوجان و السيمبول !

بص انا حقولك على حاجة مفيش شك ان فرق الفلوس بين العربيتين بتاخد قصادهم بعض الامكانيات
فا من الظلم اصلا ان احنا نقارن العربيتين ببعض احنا عايزين نوصل لاحتياجات المشترى عشان
نقدر نقوله راينا مش يمكن احتياجاته مش متوفرة فى اللوجان ولا فى السيمبول وعموما وجه نظرك تحترم

اللوجان نازلة لهدف هو اكتساح السوق عن طريق علامة رينو فقط اللى فى المقدمة و المساحة الداخلية الكبيرة كلة بسعر رخيص يغرى المستهلك لشرائها

نيجى بقى للنقطة الجميلة دى انا عارف انك العربية اللوجان دى انت مش بالعها ومش بتحبها (دى حاجة انا متاكد منها)
نيجى لنقطة عليها علامة رينو دى ميزة كبيرة لان العربية مطروحة من توكيل هو الافضل فى مصر
بدليل استطلاع المنتدى والشكر الدائم للتوكيل من ملاك العلامة
بالنسبة لان اللوجان سعرها رخيص دى بردو ميزة ليها يعنى عربية نازلة بتوفرلى راحة وامان ماكنتش لاقيهم فى الفئة السعرية دى من العربيات يبقى ليه ما اشتريهاش
تكون رينو بقى او مش رينو دة لا يعيبها فى شيئ اهم حاجة المضمون ايه والمضمون الحمد لله زى الفل
ولعلمك اللوجان بتتباع فى اوروبا باسم داتشيا (اللى هى ملك رينو) وعاملة انتشار جامد جدا
وبتتباع فى امريكا اللاتينية باسم نيسان ابريو يعنى مش عربية مجهولة او مفيش بلاد تانية بتستخدمها غيرنا

المشاركة الأصلية كتبت بواسطة momopersona

[:quote/


هو راكب كليو 1200 سى سى موديل 2003 تقريبا ومقتنع بالرينو بطريقة مش طبيعية حاولت اقنعو والله بالبرسونا بس مافيش فايدة عايز يركب رينو برده وهو شكله هايجيب سيمبول ان شاء الله لانه بيعتبرها تطووير للكليو وشكرا على اهتمامك يا باشا

اعتقد ان السيمبول اقرب العربيات ليه وان شاء الله حيكون مستريح معاها جدا على فكرة السيمبول اوسع من الكليو
وربنا يقدم ما فيه الخير