الموضوع: ايه الفرق بين اللوجان والسيمبول و(يستاهل ولا مايستاهلش )

الحمد لله أنه صاحبك وصل لقرار لان ده موضوع صعب وأنا تعبت عقبال ما أخدت قرار الشراء لكن كان ليا الملاحظات ديه
اللوجان شكلها من وجهة نظرى احلى وديه اذواق
اللوجان عاليه وديه ميزة كبيرة لكن ده مش بيأثر على الثبات والناس الى جابت ال 170 وبتقول ثابته تشهد ( انا لسه بالين وماعدتش ال 100)
حكاية الخامات ديه ما تستهلش ابدا 13000 جنيه فرق لان خامات اللوجان حلوه جدا مش كسر يعنى
اللوجان بتتصدر لاوربا فرنسا واسبانيا والمانيا وموجوده من 2004 واثبتت كفاءه وانتشار وديه ميزة مش موجوده فى السيمبول
التقفيل المغربى تقفيل حلو جدا وأنا مكنتش متوقع كده
وبعدين حكاية رومانى ديه أنا مش عارفلها اساس وكل الى بيقولها بيستند لايه عشان هى بتتصنع فى مصنع فى رمانيا .طيب ما فيه 4 مصانع تانيه لرينو بيصنعوا العربية
فرق ال 7 حصان مش ملحوظ قوى وعموما مش ال 7 حصان هما الى هايخلوا يكسب السبق وبعدين لو عاوز سباقات يبقى الفرنا تكسب فى الفئة ديه
انا شايف الى يدفع الفرق ده يبقى مش هايأخذ مقابله مميزات تستاهل