الموضوع: كارتيرة زيت = 1100 جنيه !

أخبار الاخبار، الخساير في كارتيرة الزيت وفيه خبطة بسيطة في الشاسيه وفي الشكمان وفي قاعدة الفتيس بس كلهم مش مؤثرين الحمد لله.
الكارتيرة اتغيرت وسعرها بقى 1500 جنيه. تخيلوا من 550 جنيه في 2009 دلوقتي سعرها 1500 جنيه، واتغيرت مصفاة الزيت برضة بميتين وشوية.
قالولي كمان عن قواعد الموتور إنها محتاجة تغيير. سعرها حوالي 900 جنيه. انا طبعاً مش ناوي أغيرها في التوكيل.
ملحوظة صغيرة إن سعر كارتيرة الزيت عند العالمية 850 جنيه.
كان حصل موقف مش لطيف إني لما رحت بالليل بونش الانقاذ اسيب العربية الامن رفض يدخلها وسلمني للعرب اللي قدام التوكيل عشان ادفع لهم فلوس. دول كانوا جشعين كفاية إنهم يطلبوا 100 جنيه لكل واحد منهم - كان عددهم تلاتة- عشان يسمحولي أبيت العربية على سور التوكيل.
بعد فصال اخدوا مني 50 جنيه.
لما رحت امبارح اشتكيت في الادارة وطلبت ضرورة التنبيه على الامن بقبول العربيات في حالة الحوادث بعد مواعيد العمل الرسمية. طلبوا مني أكتب الاقتراح ووعدوني بمناقشته مع الادارة.
وفي الاخر كانت لفتة لطيفة منهم إنهم عملولي خصم 5% نوع من الاعتذار عن تصرف أفراد شركة الامن الخاصة بهم.

اجمالي اللي دفعته بعد خصم الـ 5% كان 2845 جنيه لأني عملت صيانة الـ 100 ألف بالمرة وغيرت المساحة الخلفية اللي مكنتش لاقيها برة وتمنها 175 جنيه وغيروا لي لمض محروقة بـ 40 جنيه.

آخر حاجة إني كنت في اخر صيانة مهندس الاستقبال م/ مروان كلمني عن علبة الدركسيون وانها محتاجة تتغير. ولأني برة الضمان وعدني إنه يجيبلها استثناء عشان تتغير على نفقتهم بما إن رقم الشاسيه بتاعي من العربيات المضارة. زي ما حصل مع askoda كدة وطبقاً لتعدهم السابق بتغييرها حتى للي عربيته خرجت برة الضمان.
اللي عرفته إن م/ مروان ساب التوكيل وواضح إن الطلب بتاعي دخل في غياهب النسيان.
ومن كلامي مع م/ أحمد بهاء في الاستقبال، وهو من الناس المحترمة جداً قاللي إن ممكن يكون فيه صعوبة في عمل ما تعهد به م/ مروان. انا عملت طلب جديد مع الكول سنتر وهابقى أقول لكم وصلت لإيه.

المشاركة الأصلية كتبت بواسطة askoda

اللي مش معقول ان سعر قطعة الغيار يضرب في 3 في أربع سنين

بالظبط كدة
طبيعي إن السعر يزيد مقلناش حاجة بس من 550 جنيه إلى 1500 جنيه يا جدعان :)