موتور لانسر كريستاله بفتيسه يعمل كام؟

**cuppo** · 02-12-2009 04:11 AM

المشاركة الأصلية كتبت بواسطة hema_lancer

اللي هيتغير موتور وفتيس وضفيره الكهرباء الجزء الامامي
انا من رأيي ال 1600 لتوافر قطع غياره وقله استهلاكخ للبنزين مقارنه بال 1500

علي حسب الموتور محتاج ايه يعني هو بايظ فيه ايه
وطبعا علشان العمره تكون كويسه تتوقف علي عاملين مهمين جدا
الميكانيكي و الخراط هما دول اللي يقدرو يخلو العمره ممتازه او بايظه
بس انت قولي موتوره ماله

موتوره بيطله دخنه بيضه و الزيت بينقص
و ناس بتقول لو عمل عمره مش هترجع تجري ولا تجمع ابدا زي الاول
انت ايه رايك
لو علي الميكانكي و الخراط هما فوق الممتازين
و بتتكلف كام ؟
و كمان اعرفلي سعر كمبروسر التكيف علشان عربيتي انا

**HeMa_LanCeR** · 03-12-2009 01:06 AM

المشاركة الأصلية كتبت بواسطة cuppo

موتوره بيطله دخنه بيضه و الزيت بينقص
و ناس بتقول لو عمل عمره مش هترجع تجري ولا تجمع ابدا زي الاول
انت ايه رايك
لو علي الميكانكي و الخراط هما فوق الممتازين
و بتتكلف كام ؟
و كمان اعرفلي سعر كمبروسر التكيف علشان عربيتي انا

طيب دي بسيطه
هو كده محتاج طقم شمبر
عموما ماتقلقش بس عموما طبعا السحب مش هيكون زي الاول بس مش بدرجه كبيره يعني
والكمبروسر هسألك عليه

**cuppo** · 03-12-2009 02:47 PM

انها شنمبر مش عمره؟
معلش رخمت عليك
و انت ايه رايك في الفرينا لو الواحد يجيبها علي انها موديل حديث و بنفس السعر؟
مستين ردك
معلش طولت عليك قوي

**HeMa_LanCeR** · 03-12-2009 07:45 PM

المشاركة الأصلية كتبت بواسطة cuppo

انها شنمبر مش عمره؟
معلش رخمت عليك
و انت ايه رايك في الفرينا لو الواحد يجيبها علي انها موديل حديث و بنفس السعر؟
مستين ردك
معلش طولت عليك قوي

طقم الشنبر ده حاجه بسيطه
لكن لو عمره انت ممكن تحتاج بساتم وسبايك وحاجات كتير
بالنسبه للفيرنا
انا لا احترم اي شيء في هذه العربيه غير الموتور
لكن كا عربيه
ولا ثبات ولا فرامل ولا خامات ولا اي حاجه تتقارن بالانسر

**dr-mohamed** · 04-12-2009 04:19 AM

كدة بردو يا لانسر تنسي ترد عليا
يا راجل راجع مشاركتي ورد والا هخطفك في مقابلة بكرة لو شفتك فيها

**cuppo** · 04-12-2009 01:21 PM

طيب يا هيما بتعرف انه شنمبر ازاي مش عمره كامله ؟
و يا ريت تقولي تتكلف كام

**ConDoR** · 05-12-2009 01:08 PM

بس انا اتعرض عليا ادفع 2000 جنيه فرق في موتور 1500 2 كامه استيراد بكل حاجته انا شايف ان كتير اوي اوي 4500 طالما حتغير الموتور وتدفع الفرق مش حيعدي 2500 جنيه ان شاء الله وفيه ناس كتير اوي في طنطا بتعمل الحوار دا وبيسلمك المكنه على الدواره

**ConDoR** · 05-12-2009 01:11 PM

المشاركة الأصلية كتبت بواسطة cairo2005

اذا حضر الماء بطل التيمم وهيما موجود يبقي محدش يتكلم
هيما
انا عندي كريستالة 99 اوتوماتيك بس 1300 لو حبيت اغيرها ل1600 هتكلف اد ايه تقريبا وايه اللى هيتغير ؟
وايه رايك ال1600 احسن ولا ال1500 اتنين كامة؟

1500 بجد موتور متوحش وشرس جدا بس في الطلعه بتاعته اشد من ال 1600 وعزمه اعلى بس كقطع غيار وبيع العربيه خليك في ال 1600 مش حيعيب العربيه لانها بتنزل موتور 1600 وبجد حتحس بفرق تاني خالص عن ال 1300 في السحب

الفرق بيكون حوالي 2500 جنيه كحد اقصى او لو عاوز الموتور وتخلي موتورك ممكن تجيب موتور كامل بحوالي 4000 جنيه بكل مسمار فيه

**ConDoR** · 05-12-2009 01:14 PM

المشاركة الأصلية كتبت بواسطة cuppo

اصل يا هيما المشكله في السيوله
هو معاه 2.5 بس
فو لو عرف ان ال 1500 و 1600 حوالي 4.5
حيعمر الموتور
انا عايو اعرف لو عمر الموتور حيبقي حلو ؟
ولا ايه ؟

2500 ممكن تغير الموتور بواحد 1600 او 1500 2 كامه بفتيسه والكنترول يونت وتستلمه شغال كمان وغالبا يا كابو محدش عمل عمره وشكر فيها لان الموتور لما بيتفك عمره ما يرجع مصنع وفكك من كلام الصنيعيه ولو الصنايعي شاطر كدا خليه ينقيله موتور نضيف بدال ما يعملك عمره وخصوصا انت عارف ان اتوماتيك + 1300 يعني حتكره العربيه بجد ويسلام مع التكييف مش حتركبها تاني

-

الموضوع: موتور لانسر كريستاله بفتيسه يعمل كام؟

LinkBack

أدوات الموضوع

عرض

-

-

-

المواضيع المتشابهه

موتور جولف 2 بفتيسه بالضفيرة كاربيتر 1600 يعمل كام

الحمدلله سقطت موتور 1500 كامه واحده في كريستاله

تسقيط موتور في كريستاله ... اي استفسار

مطلوب عربيه فيرنا أو لانسر كريستاله او لانسر مكواه او كرولا الملكه بحاله سليمه

حد جرب موتور 2000 تربو في كريستاله ؟

الكلمات الدلالية لهذا الموضوع

المفضلات

المفضلات

ضوابط المشاركة