بريليانس جالينا وخسارة عند البيع

**Romeo26222** · 24-05-2010 07:00 PM

المشاركة الأصلية كتبت بواسطة ameros

علي كلامك دا نقدر نقارن البريليانس بالاوبل فيكترا بقا يلا مهي بقت سيرك
اعتقد ان كلامك مش صحيح اما بالنسبه للاي فون فدا مجرد موبايل مش محتاجيين فيه عنصر امان وبعدين مكتوب عليهassembled in china وليس made in china واللي حضرتك متعرفوش ان الاي فون مشتملاته كلها من مصنع ابل يعني امريكي والمصنع اللي فالصيج مجرد عماله تحت اداره امريكيه ؤرلا كانت الصين نجحت فتصنيع اي فون زيه مش الزباله اللي عملاها
ارجو من الاخ المحترم وضع معلومات صحيحه وعاوز اضيف ان اصلا فالصين الماركات دي غير متواجده لديهم وكلنا عارفين
وفين اصلا الموديلات دي من السوق الاوروبي او الياباني
يا راجل بقي

1- هي فعلا شكلها بقت سيرك

2- لو مش عجباك البريليانس اية اللي جايبك في المنتدي دا من الاساس..خلاص وجهة نظرك وصلت..البريليانس والصيني كلة عربيات تعبانة ومافيهاش امان او حتي ثبات والايرباج والاية بي اس اللي فيها مش شغال..
ارتحت كدة؟؟

عايزين بقي نقفل منتدي الصيني كلة علشان مش عاجب الناس يا اخواننا علشان دي عربيات مش كويسة..حد يكلم الادارة علشان لا يليق انة يبقي في منتدي للبريليانس جنب منتدي الاوبل فيكترا

**nimo.mimo** · 24-05-2010 07:39 PM

المشاركة الأصلية كتبت بواسطة Romeo26222

1-
عايزين بقي نقفل منتدي الصيني كلة علشان مش عاجب الناس يا اخواننا علشان دي عربيات مش كويسة..حد يكلم الادارة علشان لا يليق انة يبقي في منتدي للبريليانس جنب منتدي الاوبل فيكترا

هوا مووش حضرتك حاطط FRV Cross كسيارة ثانية فى البروفيل بتاعك؟!!
و عموما أنا حاطط اللينك اللى فيه وزن العربية
و عموما العربيات الصينى اللى بتباع فى مصر دى عربيات موجودة فعلا فى الصين و تباع بكثافة و ان كان ممكن الاسم يتغير زى النيسان بلو بيرد ما اسمها صنى و الهيونداى الأكسنت اسمها فيرنا عادى
و على فكرة العربيات الصينى اللى مووش عاجبانا دى مووش عربيات تعبانة , مصر ما تقدرش تعمل واحد على مية منها , دا احنا حتى بنجمعها و نلزقها فى بعضاها و بيطلع فيها عيوب صناعة مننا تقفيلنا احنا مش من صناعاتهم هما !!! , دى محصلة 20 سنة من خبرة التصنيع اكتسبها الشعب الصينى من الكفاح الى أن اصبح قادر على عمل مصانع تنتج سيارات و تقوم بتصديرها إلى مصر لنجلس نحن على الكراسى المريحة و نقارنها باليابانى و الألمانى و الأمريكانى و نقول مووش قدهم لسه , يعنى أهم حاولوا و طلعوا عندهم رجولة و عزيمة و فحتوا فى الصخر و بدأوا ينافسوا و حايعدوا و هذا فضل الله يؤتيه من يشاء.

عموما أنا مووش بهاجم بس باطرح سؤال منطقى ازاى فرنا اللى موتورها أقوى من جسمها يلفلف عربية وزنها طن و نص حوالين نفسها 3 مرات و هى على سرعة 70 , أرجو الرد

**heshamzaky** · 24-05-2010 08:05 PM

يا جماعة صلو على النبى لية كدة الحوار بقى خناقة لا لا صلو على النبى

**odaoda** · 24-05-2010 08:18 PM

علية افضل الصلاة والسلام

**nimo.mimo** · 24-05-2010 08:34 PM

المشاركة الأصلية كتبت بواسطة heshamzaky

يا جماعة صلو على النبى لية كدة الحوار بقى خناقة لا لا صلو على النبى

اللهم صلى و سلم و بارك على سيدنا محمد و على آله و صحبه و سلم

أنا بس شكلى بتخانق بس أنا غلبان خالص , لما بخطب فى الناس ببقى فوق خالص فالناس يفتكرونى بتخانق

**Romeo26222** · 24-05-2010 08:42 PM

المشاركة الأصلية كتبت بواسطة mnmmnmmnmmnm

عموما أنا مووش بهاجم بس باطرح سؤال منطقى ازاى فرنا اللى موتورها أقوى من جسمها يلفلف عربية وزنها طن و نص حوالين نفسها 3 مرات و هى على سرعة 70 , أرجو الرد

هارجع واقول ان الحكايةمالهاش علاقه بوزن الفيرنا او وزن الجالينا..
العربية اللي اتخبطت من الجنب 70% المقص بتاعها اتلوح او بارة الدركسيون
سرعة 70 كيلو مش سرعة قليلة في حالة زي دي العربية بتفقد قدرتها علي الاتزان والسير للامام واحتمالية انها تلف حوالين نفسها كبيرة..العبرة في انها ما تتقلبش لان دا بيوضح ان مركز ثقل العربية واطي علشان كدة حتي وهي بتلف ما اتقلبتش ودا في رأيي شيء رائع بالنسبة للأمان..

هابقي اصورلك من عندي في الشغل عربيات باسات وجيتا واوكتافيا وسي 4 وكيا سيراتو وجين 2 اصحابها مجرد بس خبطوا في رصيف خبطة بسيطة علي 60 كيلو زي ما هم بيقولوا والعربية فتحت ايرباجات جانبية والبارة اتكسرت وبيضة المقص ملصت من مكانها وطبعا العربية لفت يجي لفتين تلاتة علي الماشي قبل ما العجلة تنزل تحت العربية..