الموضوع: مجرد حادثة من ألف حادثة لكن تجلى فيها كل التخلف

المشاركة الأصلية كتبت بواسطة أحمد كمال

يا نهار اسود ....... و هو المار ذنبه ايه؟

ايه الهمجية الزبالة دي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟

الطريق ده يا بشمهندس بيحصل عليه مهازل ملهاش حدود

يعنى على سبيل المثال حاليا الطريق المفروض هيتعاد رصفه , يقوم المهندس الناصح اللى ماسك المشروع مكسر الطريق لمسافه حوالى من 3 ل 5 كم علشان يشتغل فيهم وبقالهم حاليا قرابه الشهر متكسرين بشكل بشع وتلاقى العربيات كلها ماشيه قدامك بتتزحلق من اخاديد الاسفلت اللى تسبب فيها عمليات الاصلاح وياريت اساسا خلصو منهم متر واحد

خد عندك كمان الميكروباصات اللى بتمشى على الطريق ده ومبيستخدموش نور نهائى , والله العظيم قبل العيد عدى من جنبى ميكروباص ومشوفتوش غير لما جه جنب الباب اليمين عندى طبعا كنت هدخل فيه لولا ستر ربنا لأنى مكنتش شايفه نهائى وانا باخد يمينى وكمان تبقى ماشى تلاقى فجأه حد قدامك وطافى كل النور على الشمال وماشى 40 مثلا

ده غير بقا انك تبقى ماشى على الشمال طول الطريق وفجأه تلاقى ناس طالعه تجرى من بين الحواجز و متشوفهومش غير وهما قدامك ومنهم كمان اللى بيعدى بموتسيكل ويقوم فجأه ضارب الموتسيكل كله على الحاره الشمال رمى جثه يعنى علشان انت تخاف وتوسعله يعدى وانت اساسا جاى ماشى 90

وفى الاخر لما حد منهم يتخبط يكسرو ويحرقو ويعطلو مصالح الناس بالساعات , وليهم حق طالما الحكومه سيباهم

لا حول ولا قوة الا بالله
دا انا النهارده اتخنقت من السواقه في القاهره
الناس مبقتش تفهم ولا بتقدر
بقى في نوع من الغباء من السواقين
والجهل في البعض الاخر
وعدم الاهتمام من الناس ولا عارفين حق طريق ولا حاجه
القانون لازم بتنفذ في البلد دي
البلد دي عاوزه نظام
كفايه جهل الواحد زهق من شهر ونص سواقه
ربنا يكون في عون اللي بيسوقوا بقالهم سنين

المشاركة الأصلية كتبت بواسطة musiccairo

لا حول ولا قوة الا بالله
دا انا النهارده اتخنقت من السواقه في القاهره
الناس مبقتش تفهم ولا بتقدر
بقى في نوع من الغباء من السواقين
والجهل في البعض الاخر
وعدم الاهتمام من الناس ولا عارفين حق طريق ولا حاجه
القانون لازم بتنفذ في البلد دي
البلد دي عاوزه نظام
كفايه جهل الواحد زهق من شهر ونص سواقه
ربنا يكون في عون اللي بيسوقوا بقالهم سنين

بصراحه السواقه مدي عن مدي بتبقي اصعب
انا بقالي خمس سنين وبييجي عليا فترات بركن العربيه من الزهق

المشاركة الأصلية كتبت بواسطة pro_samir

الناس زي متكون بتدور علي اى حاجة تفش فيها غلها وقرفها من الحياة

هي الناس تفش غلها في اللي زيها، انما اصحاب الكراسي في مجمل التاريخ المصري اما أنصاف آله او أله، ماينفعش تفش معاهم.

رحم الله أمل دنقل كان يقول في قصيدة (من اوراق ابو نواس)

لا تسألني إن كان القرآن
مخلوقاً .. أو أزلي.
بل سلني إن كان السلطان
لصاً .. أو نصف نبي !!

- رابط لمطالعة القصيدة بالكامل

مولد و صاحبه غايب