مجرد حادثة من ألف حادثة لكن تجلى فيها كل التخلف

**mada121977** · 01-12-2009 11:40 PM

كل البلاوى اللى على الطريق دى سببها البيه محافظ القليوبيه اللى نايم على نفسه ومش حاسس باى حاجه من اللى بتحصل على الطريق ده .. اهم شايلين الاسفلت بقالهم حوالى شهر ومعملوش اى حاجه من ساعتها وعاملين لجان الاتاوات بتاعت المرور اللى كل همهم ان الطريق يقف بالساعه والساعتين وخلى الناس تولع يعنى بيعقدوها على الناس مش بيحلوها ... الاسبوع اللى قبل العيد على طول واحد حيوان راكب عربيه كارو قطع الطريق بالعرض وانا جاى بسرعتى وورايا عربيات كتير ضربت فرامل بالعافيه وكنت هاضيع انا والعربيات اللى ورايا لولا ستر ربنا مين يحاسب الهمج دول على اخطائهم ؟؟

**M.Osama** · 02-12-2009 01:54 AM

يا جماعه هي ليه الناس بتقول كلام محصلش !!!

ليه تقولو ان الاهالي طلعو علي العربيات وأذوا الناس

القصه كلها كالتالي

اول ايام عيد الاضحي حصلت حادثه عند كفر الحصه - طوخ قليوبيه... حظي كان مخليني اني اول واحد وقفت بعد الحادثه دي علطول وركنت اشوف ايه اللي حصل

ولد وأمه واقفين في اقصي يمين الطريق مستنيين يركبو.. جه بوكس شرطه طايش بياخد غرزه من عاليمين.. قام مطير الواد وامه !! الاهالي اتكاتروا عليه وقدروا يوقفوه

البيه بعد ما وقف.. والناس اتلمت والمخبوطين لسه واقعين عالارض فانتظار الاسعاف.. قام راجع بضهره داس عليهم تاني عشان يهرب من الناس.. وفعلا هرب

الاهالي تجمهرت عشان يمسكو البوكس ده.. خصوصا ان المحافظ كان واعدهم من اكتر من 5 شهور ببناء كوبري للمشاه فالمنطقه دي وجابو حجاره كبيره وقفلوا بيها الطريق ومنعوا اي حد انه يعدي والكلام دا كان الساعه 9 مساءا تقريبا لحد 10.30 لحد اما تدخل مدير الامن وجه بنفسه عشان يحل المشكله

الحادثه التانيه دي اللي الساده بيتكلمو عنها كانت من يومين وبالتحديد رابع ايام العيد عند قرية سندنهور بنها قليوبيه.. برده نفس الحكايه والناس طلعت عشان تطالب بكوبري للمشاه.. بس المره دي مأثرش معاهم لا مدير امن ولا غيره وفضلوا قافلين الطريق

حقهم ولا مش حقهم ؟؟

ولسه من شهرين عربية ولعت عند كفر الحصه دي وكان جواها اربعه وفضلوا جوا العربيه لا مطافي جت ولا نيله لحد اما الناس طالعه من جواها متفحمه

حاجه تقرف

**ENG\AHMED** · 02-12-2009 07:32 PM

المشاركة الأصلية كتبت بواسطة Dr Ahmed Abdelghany

ماشاء الله عليك
أنا النهارده عديت على الطريق واللى قلته حصل بالضبط مع شوية تحابيش

عملوا مكان الحادثة رايح جاى مقبات حديد فى نصف الطريق الأيمن مع علامات إرشادية مضيئة (مروحة نيون بتلف) والمزيد من اللوحات الإرشادية أنها منطقة سكنية وهدئ السرعة

وماشاء الله حطوا كمان لجنة رايح جاى

كل دا تسبب فى تكدس السيارات من بنها لكفر الحصة ومن طوخ لكفر الحصة
يعنى حوالى 5-6 كيلو عربيات متكدسة
واللى كنت تمشيه فى 3 دقايق على 90 خلاص بقى ياخد نصف ساعة بالضبط لو انت محظوظ وواخد أقصى اليمين وماشى على التراب

أنا عايز إتش دبور يتكلم بأعلى صوت

مش قلتلك يادكتور !! ..
بس والله ناس فيهم الخير وكتر خيرهم حطوا علامات تحذيريىة اهو .. عداهم العيب وأزح , ولجنة كماااان !! لا دة حاجة اخر دلع
عموما كلها شوية وهتلاقى الكمين مشى وخد معاة العلامات التحذيرية والاضواء .. اصلها عهدة ولازم ترجع تانى .. الحق احفظ مكان المطب
وبعدين ياراجل مش عجبك تقف نص ساعة ولا ساعة حتى فى سبيل الناس اللى بتعدى وهى بايعة دماغها ومش فاضية للطريق مش تتئذى !!!

خلى بالك انك هتلاقى ناس من اللى اتأخروا فى المطب دة هيقرصوا ويجروا علشان يعوضوا الوقت وغالبا دة هيؤدى لحوادث تانية وبالتالى هيؤدى لمطبات تانية فخلى بالك وانزل بدرى علشان متتأخرش