الموضوع: الكهرباء و الصوت العالي ومصائب اخرى !

بص ياسيدى غالبا العيب ده بسبب عدم ربط اواطيش البطارية كويس يعننى مثلا على كابل البطارية الموجب حتلاقى اكثر من سلك ، طبع ذو السمك الكبير ده بتاع المارش و تقريبا سلك او اثنين خاص بوحدة التحكم الألكترونية و التجهيزات اللأخرى . انا كان عندى فيكترا حصل فيها نفس الموضوع تقريبا و كهربائى عادى هو الى اكتشف الموضوع ( من بعد ما كنت بعمل الصيانة فى التوكيل ) و ربط الكبلات صح و اختفت المشكلة و الحمد لله ان الكومبيوتر بتاع العربية مباظش ، اعمل شيك على الكابلات و ان مكانش فشيك على البطارية ذات نفسها يمكن تكون ضعفت

لاحظت مؤخرا , اني لما بعلي صوت الكاسيت ( CD player ) عند صوت اي BASS الاضاءة الخلفية بتاعت الكاسيت بتنبض خفيف كدة و اضاءة الصالون كمان بتنبض .

فتججننت ووقفت شوية و قعدت اجرب كذا حاجة ...

اكتشفت حجات مش مكيفاني خالص !

لو شغلت لمبة الانتظار والسيارة شغالة بس ممورة , بسمع صوت في الموتور او معرفش فين ماشي مع صوت اللمبة بالظبط ! اول مبقفلها بيروح الصوت .

وكمان لو نورت النور العالي .. وشغلت الانتظار .. اول ملمبة الانتظار تنور , النور العالي بيضعف

( ملحوظة : الضعف و النبض دي ضئييييييييييييل جدا .. يكاد يلاحظ ) بس مكانش موجود قبل كدة !!

حاجة تانية, انا مسقتش العربية كتير الشتاء الي فات .. بس لاحظت اصوات غيربة بتطلع اول مبطلع بيها وهي باردة .. لمدة 10-15 دقيقة كدة لحد ممشي شوي تختفي .و ال RPM في الصيف اول مبشغل بيبقى عند 800
دلوقتي بينظ ل1200 ويعد ينزل تدريجيا لحد ال 800 تاني ( في الشتاء ) .

ديه كلها حاجات طبيعيه جدا و في كل العربيات و اكيد انت ما كنتش بتاخد بالك من الاول
ام بالنسبه للأستفسار الاخير فا انتظر ردود باقي الاعضاء و ربنا يباركلك فيها

معقولة انا مش مصدق ان حضرتك تسأل الاسئلة عشان دى عادى جدا بتحصل فى اى عربية وعلى حد معلوماتى المتواضعة افيد سيادتك بالاتى :

لو شغلت لمبة الانتظار والسيارة شغالة بس ممورة , بسمع صوت في الموتور او معرفش فين ماشي مع صوت اللمبة بالظبط ! اول مبقفلها بيروح الصوت

اكيد دة صوت ماكينة الفليشر بتبقا موجود فى الصالون اسف الدركسيون

وكمان لو نورت النور العالي .. وشغلت الانتظار .. اول ملمبة الانتظار تنور , النور العالي بيضعف

اكيد هيضعف عشان النور العالى بيسحب كتير من البطارية وبيكون عامل حمل زيادة

حاجة تانية, انا مسقتش العربية كتير الشتاء الي فات .. بس لاحظت اصوات غيربة بتطلع اول مبطلع بيها وهي باردة .. لمدة 10-15 دقيقة كدة لحد ممشي شوي تختفي .و ال RPM في الصيف اول مبشغل بيبقى عند 800
دلوقتي بينظ ل1200 ويعد ينزل تدريجيا لحد ال 800 تاني ( في الشتاء ) .

متهيالى rbm طبيعى انه يبدا من 1200 او 1000 ويعدين ينزل الى 800 فى الصيف والشتاء لكنه بيتاخر شويه فى الشتاء لحد مينزل ل 800 عشان كدة انته لاحظت الفرق ده

بتقول طفيفة ؟ يا عم متقول كده من الأول ، على العموم الحمد لله ان شاء الله امور عادية