السلام عليكم ورحمة الله وبركاته.............
منذ نزول هذا الفتيس المثير للجدل للأسواق والناس يتسألون كيف يتم صيانة هذا الفتيس وتكنولوجيته معقدة و هذا الكلام الضخم الذي يجعل من معه السيارة عندما يقرأ اي كلام عن الفتيس ومشاكله يكتئب وتصيبه الحيرة حتي يقول لنفسه(وتفيد بأيه يا ندم).
ومن خلال معايشتي للسيارة طوال 48000 ك حتي الأن احببت ان انقل تجاربي في صيانة هذا الفتيس حتي تعم الفائدة لجميع الأعضاء وجميع ملاك السيارة مع العلم اني لا افقه شيئا في ميكانيكا السيارات ولكن هذه تجارب فقط وقد اخطأ في تقديم معلومة ولذلك فأنا ارحب بمشاركات الأعضاء خاصة المهندس سبعاوي(اسأل الله ان يشفي ابنته.........قولوا امين...امين) والمهندس سمير عياد والمهندس محمد ممدوح.
بالنسبة لتصميم الفتيس :بسؤال مهندس ميكانيكا و كنترول سيارات يعمل في مركز تويوتا العبور قال لي ان تصميمه مثل المانيوال تماما ولكن الأختلاف الوحيد هو تبديل ماستر الدبرياج بكلتش اكتيويتور وهذ الكلتش يعمل بدلا من دواسة الدبرياج عن طريق اشارات كهربائية.
طوال 48000ك تم قطعهم في 17 شهر تم عمل صيانتين للفتيس.
الأولي كانت عند 18000ك تقريبا عند نزول تعديل جديد للسوفت وير والثانية منذ ايام وكانت بسبب شكوتي بوجود رجرجة خفيفة بعد اخذ السيارة للغيار وهذ المشكلة تظهر علي السرعات البطيئة.
قمت بمتابعة الصيانة وحدث الأتي:
نقلا من موضوعي ما الفرق بين الكلتش الأكتيويتور والماستر الخلفي.
الفني دخل بجهاز في ايده عامل زي الجهاز اللى بيبقي مع كشاف النور اللى بيدخل عليه القرأة بتاعت العدادات ودخل قعد في العربية حوالى ربع ساعة وبعد كده خرج ورفع العربية وربط حاجة في الفتيس من تحت (وده تقريبا الكلتش الأكتيويتور) وبعد كده نزل العربية ودخل قعد في العربية تاني حوالى 10 دقائق.....بعد كده خلص (الموضوع كله خد اقل من نصف ساعة)و مهندس طلع يجرب العربية ......بعد كده بعت للمهندس علشان اللى يفهمني اللى حصل بالظبط....فقال لي انه بيحدث تأكل في الأسطوانة كل فترة والفتيس المانيوال العادي بيبقي فيه ماستر امامي وماستر خلفي لكن الmmt مافيهوش ماستر خلفي لكن فيه كلتش اكتيويتور بيبقي بدال الماستر الخلفي والحاجة اللى اتربطط دي(تقريبا يقصد الكلتش الأكتيويتور) بيبقي فيه مسافة بين حاجتين(مش عارف ايه هم مفهمتش منه اوي بس قالى ان فيهم قضيب) هي اللى بتعمل الرجرجة دي والتربيط ده بيخلي بينهم المسافة زيرو.


هذه الصيانة تم عملها علي حساب الضمان وعند سؤالى للمهندس عن تكلفة هذه الصيانة خارج الضمان قال لى ستكون غير مكلفة علي الأطلاق ولكنها لم تحدد حتي الأن لأن هذه السيارات لم تخرج من الضمان الى الأن.
انتظر تعليقاتكم واستفسارتكم.