أنا شوفت الأبيزا 94 المعروضة عليا بس عندى استفسارات

**fezo** · 01-12-2009 07:04 PM

فى واحد جنب البيت عارض ابيزا 94 للبيع (أجنس)
وانا كنت منبهر قبل ما اروح لان هى من برة كويسة و صاجها كويس
فرحت اشوفها من شوية (بالليل)
و قلت يارب تكون موتورها حلو وباقى الحاجات
ف ماكنتش موجودة و قالى شوية و جاية
فجت العربية بش انا لما شفتها اتخضيت
كان صوتها و هى داخلة عالى
فقلتله عاوز اشوفها
فتح الكابوت ماكونتش شايف حاجة قوى بس حسيت ان فى حاجة ناقصة فى الجزء الأمامى يمين من الموتور مش عارف هى كدة ولا فى فعلا حاجة ناقصة؟؟؟؟
(ممكن يكون مكان سربنتينة التكييف انا مش عارف)
و كان متوسخ و منيل بنيلة
قلت أدور الموتور أنا هى دارت علي طول بس صوتها عالى برده فى زى صوت تكتكة خفيف
هو بيقول انها لسة باردة و لما تسخن هتهدى وانا عارف ده (كان الrpmعلى 2)
بس فى صوت تكتكة مش عاجبنى
و كان فى صوت تانى من ورا قلتله ايه دا بقى قالى الكلبس اللى ماسك الشكمان عاوز يتربط كويس
و أعد يزود بنزين و يقولى أهى كويسة بس كان صوتها عالى
الفيتيس بقى حاسس ان السوستة بتاعته مش ماسكة كويس
و انا لأول مرة أعرف أن الأبيزا المارشدير في الفيتيس لأودام و السوستة مش مجليانى أعرف هى رايحة أول ولا تالت ولا خامس ولا مرشدير
قلتله صوتها العالى دا مش عاجبنى قالى هى كويسة بس لو عايز تجيب ميكانيكى يشوفهالك

ياريت حد يفيدنى فى كل ده و ممكن الحاجات دى تتحل؟
و اية طريقة حلها واحدة ورا واحدة كدة؟

هو بيقول سعرها 28 ألف ياتري دا كويس ولا ايه (مع امكانية تنزيل السعر شوية)
فيها زجاج كهربى أمامى و 1300 سي سي و اجيبها ولا لأ
بس أنا مش عاوز أسمعلها صوت خالص ياترى المشاكل دي تتحل؟
بس ياريت تفيدونى بسرعة
اى حد عنده حاجة يقولها

**fezo** · 01-12-2009 07:13 PM

نسيت أسأل على حاجة بس
ياريت لو حد عنده صور العربيه يوريهالنا من اخارج و الداخل و الموتور بالذات لو سمحتم

**fezo** · 02-12-2009 03:50 PM

طيب الأبيزا دى ولا هيونداى اكسل او اكسنت
و لو عندكو اقتراح لاي حاجة فى نفس السعر و تكون كويسة
اهم حاجة عندي فى العربية اللي هاجيبها تكون حالتها كويسة اوي و شكلها شبابى ( زى ما تقولو روشة)
و كمان اعرف ابيعها بسهولة

انصحونى بقى عشان انا محتااااااااااااار اوى

ياريت أي حد يرد بقى

**M.Hassan47** · 02-12-2009 06:42 PM

انا كنت هاقولك حل المشاكل بس السعر اللى هو بيتكلم فيه بعييييد جدا عن مواصفاتها لأنى انا بايع عربيتى 98 بخمسة وعشرين هى اه كانت متهانة شوية بس موتورها كان قوى جدا و 1400 سىسى
وموضوع التكتكة عشان هى لسه بارده دا حقيقى ولسه بس الفتيس انت مش واخد عليه وطبعا مارشدير الإبيزا سوستة تحت وادام
ولو بتتكلم عن عربية شبابى فاطبعا الإبيزا لكن عيبها فى بيعها بس تقيلة شوية فى البيع وبتخسر اما بتتباع وطبعا من وجهة نظرى هى افضل من الإكسيل ...

**ahmedangel** · 05-12-2009 02:41 PM

المشاركة الأصلية كتبت بواسطة romeo21

انا كنت هاقولك حل المشاكل بس السعر اللى هو بيتكلم فيه بعييييد جدا عن مواصفاتها لأنى انا بايع عربيتى 98 بخمسة وعشرين هى اه كانت متهانة شوية بس موتورها كان قوى جدا و 1400 سىسى
وموضوع التكتكة عشان هى لسه بارده دا حقيقى ولسه بس الفتيس انت مش واخد عليه وطبعا مارشدير الإبيزا سوستة تحت وادام
ولو بتتكلم عن عربية شبابى فاطبعا الإبيزا لكن عيبها فى بيعها بس تقيلة شوية فى البيع وبتخسر اما بتتباع وطبعا من وجهة نظرى هى افضل من الإكسيل ...

لو سمحت انا عايز اعرف الابيزا الى فالصورة الصفرة دية بعتها بخمسة وعشرين ؟ ازاى؟ دا انا دايخ على 94 ملقتش الا ربيتين وموش عايزين ينزلو عن سبعة وعشرين يا ريت حضرتك ترد عليا ولو فية ادامك ابيزا 94 يا ريت تقولى ومطلوب فيها كام لانى بجد تعبت من الف والسوال عن العربية

**M.Hassan47** · 05-12-2009 06:33 PM

بعتها فى السوق والأسعار اللى كانت ماشية كانت الحالة الممتازة باتنين وتلاتين وممكن تنزل لتلاتين وعلى فكرة فى 94 اغلى من الــ98 بس دى حالة قليلة دور فى 98 احسن وافضل لأنها انجكشن وانزل السوق هتلاقى كتير اوى وفى الرنج اللى بقولك عليه ده ماتتخضش من الأسعار اللى بيقولها اول ماتخش عليه
وكمان لو ادامك على سبعة وعشرين وحالتهم ممتازة يبقى توكل على الله