الموضوع: اول تجربة تجديد 405 في حياتي

السلام عليكم جميعا

اولا انا اسف عن الغياب الطويل ده بس انا كان في دماغي الف حاجه بعملها اعذروني انا متاسف و كان فيهم مشروعين واحد يخص عربيتي و مش هفصح عن تفصيل غير لما تخلص علي خير ان شاء الله

و المشروع التانيه و هي البكتب عنها الموضوع ده

و هي عربيه صديقي و جاري في نفس الوقت و بصراحه العربيه انا مستلمها منهم معدومه و نفسها تعيط ههههههههههه

المهم هي عربيه بيجو 405 برستيج موديل 1997 لونها ذهبي اوتوماتيك

نبدا بالتفصيل هنشوف الصور بتاعت العربيه الاول عشان تشوفو البهدله الفيها فعلا

[aldl]http://www14.0zz0.com/2009/11/22/17/360998693.jpg[/aldl]

[aldl]http://www12.0zz0.com/2009/11/22/17/429985316.jpg[/aldl]

[aldl]http://www12.0zz0.com/2009/11/22/17/263419274.jpg[/aldl]

[aldl]http://www12.0zz0.com/2009/11/22/17/632418420.jpg[/aldl]

[aldl]http://www12.0zz0.com/2009/11/22/17/508038497.jpg[/aldl]

[aldl]http://www12.0zz0.com/2009/11/22/17/243414418.jpg[/aldl]

[aldl]http://up.arb-up.com/upfiles/6t012346.jpg[/aldl]

[aldl]http://up.arb-up.com/upfiles/sYZ12346.jpg[/aldl]

اولا :- الميكانيكا

اول ما دورت العربيه سمعت صوت موتور غبي خشن جدا جدا جدا و فيه تخبط جامد و رغم ذلك السحب كويس جدا جدا

و العربيه بتحدف جامد اوووووي و فيها بلاوي و المفاجئئه الكبري لما وصلت ان ذراع المزان مفكوك من مكانه و التاني مكسور و مش عارف الدنيا خربيانه ازاي كده

المهم وصلت العربيه للميكانيكي و مبدائيا تغير العفشه كامله متكامله و تغيير طنابير فرامل و تيل فرامل امامي و خلفي ز تغيير زيوت و فلاتر و سيور و بوجيهات و طقم كهرباء

العفشه بقي هي
1- 2مساعدين امامي و 2 مساعدين خلفي
2- جلب مقصات
3- بيض مقص
4- 2ذراع ميزان
5- بارات دركسيون

خلصت الميكانيكا و العفشه و جيه دور السمكري

ثانيا :- السمكري

حفاظا علي ان العربيه تبقي فابريكا بره و جوه و تكون في نفس الوقت مفهاش دق و تقون بالبلدي كده وقفه علي حلها

1- باب امامي شمال لانه كان فيه خبطه قديمه
2- كبوت
3- اكسدام امامي
4- 2 رفارف
5- شبكه اماميه و 2 شنب كشاف و 2 كشاف اشارة جديد و 2 كشاف امامي استيراد
6- سدر السيارة

غيرنا الحجات دي و كان فيه بروما في العتبه الشمال اتعملت و شوية شغل في العربيه

المهم غيرنا الكرتيرات الدخليه بتاعت العربيه كلها

و استملت العربيه من السمكري بعد 6 ايام

و جيه دور بتاع الدوكو

ثالثا:- الدوكو و الدهان

سلمت العربيه لبتاع الدوكو و بدء فيها شغل كامل و في خلال 5 ايام كانت العربيه خلصانه خالص دوكو طبعا

رابعا :- تابع السمكري :-

رجعت للسمكري لانه هو البيركب كل حاجه تاني و يقفل العربيه بمعني اصح

و العربيه كنت مفككها من جوه تماما عشان المياه و كده

خلصت السمكري و رحت للكهربائي

خامسا:- الكهربائي

مبدئيا كهرباه العربيه كانت ملعوب فيها زياده عن الزوم اخدت مننا وقت طويل 3 ايام عقبال لما خلصناها

و الحجات الغيرناها كانت كالتالي

1- دينامو استيراد
2- مارش استيراد و اوتوماتيك مارش جديد
3- تغيير جميع فيش الموتور
4- تغيير سلك السرعه و مكنه السرعه
5- تغيير البطارية
6- تغيير كل زرائر الزجاج و زرار تحكم مرايات الكهرباء
7- تغيير مرايا يمين كهرباء
8- تعديل اضاءة التابلوه كلها و تعديل اضاءة الفتيس الاوتو
9- تغيير مفتاح النور و الكلكس
10- تغيير نصف التابلوه و تركيب اجزاء جديده استيراد
11- تغيير جميع زراير التابلوه كامله
12- تغيير كمبوسر التكييف وشحن التكييف
13- تغير موتور مروحه التبريد و تغير المورحه
14- تغير مكنه زجاج خلفيه شمال
15- تعديل اضاءة الصالون و الشنطه
16- ظبط السياره بالكمبيوتر و تعدبل الاخطاء الموجوده
17- تغيير المساحات الاماميه + تغيير اريال السيارة

بس كده كفايه و + تظبيت السلوك كلها و تعديل كل البهدله الكانت موجوده في العربيه الحمد لله

خلصت و رحت علي بتاع الجنوط

سادسا :- الجنوط

رحت اشرفكو الموجود في الحي السادس و غيرت الجنوط و الكاوتش 4 فرد جنوط 15

و 4 فرد كاوتش و فرده كوتش للاستبن خلصت و رحت علي السروجي

سابعا :- السروجي

كنت قولت سابقا ان احنا فكين فرش العربيه كلها عشان المياه و كده

قمنا مغيرن فرش العربيه كامل و خلناه جلد بعد ما كان قماش الفابريكا

قعدنا ثلاثه ايام عشان ركبنا فرش السقف في الاول و تاني يوم ركبنا فرش االابواب
ثالث يوم ركبنا الكراسي و الكنبه و ركبنا الارضيه و نضفنا العربيه كلها و نضفنا فرش الشنطه

و بكده انتهي دور السروجي

ثامنا :- تابع الميكانيكي

رجعت الي الميكانيكي و اكتفنر ان الموتور داخل علي بوادر طقم شنبر

فاصحب العربيه قرر اننا نغير موتور السيارة و كان الفتيس الاوتوماتيك اتحرق من قله الزيت و تفويته الداخلي ف غيرنا فتيس اوتوماتيك معا الموتور

و غيرنا علبه دركسيون باور استيراد و الدنيا بقي 100 فل و 10

غيرنا قواعد موتور و شداد الموتور و غيرنا كل جوانات الموتور غيرنا مانفولد و رشاشات و بوابه الانجكشن

و غيرنا ردياتير و غيرنا كبل كيك داون

تاسعا :- الدوكو

رحت لبتاع الدوكو مره اخري عشان يسحق و يلمع العربيه و عملها و بقي تمام التمام

عاشرا :- الزوايا و الاتزان

رحت لاشرفكو مره اخري و ملينا الهواء نيتروجين مجانا عشان انا لما اتشريت الكاوتش كانت امبوبه النيتروجين خلصت
مليت الهواء بتاع الكوتش نيتروجين و عملت زوايا و كله بقي زي الفل

الحادي عشر :- الاستريو و الاكسورات

ركبت انذار جديد كامل و سنتر خلفي عشان السنتر الفبريكا تعب و غيرت كاسيت جديد و 4 سماعات

2 بيضاوي 400 وات و 2 دائري 160 وات و السوت بقي مقبول جدا

الثاني عشر :- ظبت الابواب

رحت غسلت الكوالين بتاعت البيبان و ظبتنا البيبان و الشنطه و البيبان بقيت خفيفه و 100 100 و الشنطه زي الفل الحمد لله

و بكده نكون انتهينا من المشروع التجديد ده معلش بقي انا اختصارت جامد اووووووووووي في الموضوع لسبب عشان الموضوع اخد وقت طويل اووووووي و مبالغ جامده اووووووي برده التفاصيل كتير

سمحوني معلش علي الاختصار في الموضوع و اسيبكوم معا صور العربيه بعد ما خلصت

و العربيه كلفت الاجمالي 19 الف مبلغ كبير اووووووووي بس احنا مفيش حاجه مغيرنهاش تماما

و في انتظار اسالتكم جميعا

و الان معا الصور

[aldl]http://up.arb-up.com/upfiles/vac12851.jpg[/aldl]

[aldl]http://up.arb-up.com/upfiles/hvk12851.jpg[/aldl]

[aldl]http://up.arb-up.com/upfiles/KFv12908.jpg[/aldl]

[aldl]http://up.arb-up.com/upfiles/MYl12909.jpg[/aldl]

[aldl]http://up.arb-up.com/upfiles/pL913049.jpg[/aldl]

[aldl]http://up.arb-up.com/upfiles/Ur413049.jpg[/aldl]

[aldl]http://up.arb-up.com/upfiles/fM613049.jpg[/aldl]

[aldl]http://up.arb-up.com/upfiles/mBI13049.jpg[/aldl]

[aldl]http://up.arb-up.com/upfiles/AzF13049.jpg[/aldl]

[aldl]http://up.arb-up.com/upfiles/lUF13167.jpg[/aldl]

[aldl]http://up.arb-up.com/upfiles/syr13167.jpg[/aldl]

[aldl]http://up.arb-up.com/upfiles/4GE13167.jpg[/aldl]

[aldl]http://up.arb-up.com/upfiles/RHX13167.jpg[/aldl]

[aldl]http://up.arb-up.com/upfiles/sD113167.jpg[/aldl]

[aldl]http://up.arb-up.com/upfiles/a6X13241.jpg[/aldl]

[aldl]http://up.arb-up.com/upfiles/6qX13241.jpg[/aldl]

[aldl]http://up.arb-up.com/upfiles/iiZ13241.jpg[/aldl]

[aldl]http://up.arb-up.com/upfiles/1lh13241.jpg[/aldl]

يارب يكون الموضوع عجبكم و كلكم تستافيدو منه و اسف مره تانيه علي الاختصار الشديد ده

و لو في اي اسئلة انا تحت امركم

الاسعار انا مش هقدر اقولها كلها لانها كتير جدا

لو حد عيز سعر اي حاجه ائلني عليها و انا هجوبه و جبتها منين كمان