سؤال محتاج رأي

**bassemali** · 25-11-2007 03:51 PM

مساء الخير ياشباب المنتدى الرائع الحقيقه أنا عندي مشكله وجعه دماغي من مده ألا وهي مشكلة تكييف للسوزوكي ماروتي عايز أعرف هل موديل 2008 بينزل بتكييف ولا بيركب لها تكييف يعني مش بتاعها الأصلي وهل ده هيكون له تأثير على العمر الأفتراضي للموتور ولا لأ وكام ممكن يكون سعر المكيفه تقريبا وهل هي مختلفه في الشكل عن ال 2007
سامحوني لأسألتي الكثيره بس الحقيقه المعارض في السوق كلمهم يلخبطك زياده كله عايز يبيع وخلاص ملقتش فيهم واحد بس عنده ضمير يقدر يفيدني
جزاكم الله خيرا

**ibrahimsaad** · 25-11-2007 10:39 PM

اخى العزيز الماروتى بيركب ليها تكييف حسب طلبك ولكن بما انها 800 سى سى فان التكييف سيكون مرهق على الموتور وعموما ينصح المتخصصون بتركيب التكييف على السيارات الاكثر من 1100 سى سى

لكن ان اردت تركيبه فيجب ان يكون تكييف صغير مناسب للسياره وعدم تشغيله بكثره فقط للضروره

والله اعلم

**Ahmed Anwer** · 26-11-2007 02:39 AM

الأخ العزيز ،،

معلومة غابرة سمعتها من واحد صاحبي عنده فيورا مش ماروتي كمان ،،

الكهربائي قاله إن في تكييفات دلوقتي نازلة ينفع تشتغل علي عربية إنشاءالله 600 cc

و الماروتي صالونها صغير ،، فبتهيألي إن أي تكييف هيأثر قيها بسرعة ،،

أسأل كهربائية و بتوع تكييفات علي المعلومة اللي سمعتها دي ،،

و الله أعلم ،،

**eng_mkhalaf** · 26-11-2007 09:22 AM

أنا شايف دة حرام - تكييف على موتور تكنولوجيا قديمة و 800 سىسى لية البهدلة دية :roll: :roll:

**bassemali** · 27-11-2007 07:20 PM

متشكر أوي ياشباب على أهتمامكم بس أنا كنت عايز أعرف التكييف بتاعها ده يعمل كام تقريبا وهل بيركب في التوكيل ولا بره يعني ممكن أشتريها مكيفه ولا أشتريها وركبلها تكييف بره ويبقى جزاكم الله خير لأن الموضوع ده محيرني فعلا