الموضوع: سؤال و محتاج جواب

المشاركة الأصلية كتبت بواسطة tananybasha

ايه هى اعراض تلف حساس المياه اللى فوق الدينامو اللى فى الفيكترا 2000 سى سى مع العلم ان العربية ما بتدخنش اسود و العيب اللى عندى اللى متأكد منه الماف
الحاجة التانية العربية و هى باردة بتنتش و انا بقول بسسب الماف بس الغريبة لما تسخن بتبقى سالكة جداً و التنتيشة بتروح انا مقتنع ان ممكن يكون حساس الماية هو اللى عامل كده او البوجيهات و لو انها جديده جى ام بس كان عندى مشاكل فى الرشاشات مهببه البوجيهات و هل تنظيف البوجيهات يرجعها بحالة جيدة و لا تعيش انت
و ينفع اركب بوجيهات زى ان جى كى أو الدنسو اليابانى و لا لازم الجى ام الأتنين شمعه و لو عندى اركب كام شمعة واحدة و لا 3 مع العلم ان مش لاقى يابانى 2 شمعة
كدة بقوا كذا سؤال و عايز ردووووود

تنانى باشا زعيم الثغر الاوبلاوى ازيك اة الاخبار وحشنى
حكايت حساس المية انا معرفش بس اسالك
بص اى بوجيهات غير الجى ام او البوش متجبش اولا فى السحب افضل ومعدل استهلاك البنزين الى حد ما كويس حكايت التنظيف دية حسب حالة البوجية نفسة يعنى لو علية زيت او هباب بسيط يتنضف وعادى مفهوش مشاكل بس لو متبهدل نصيحة بلاش هيشتغل فترة دة لو اشتغل وهيرجع تانى
انا كان لية تجربة فى الحكاية دية كانت العربية البوجيهات قطعة وكنت مسافر ولازم اعملها اعت ادور على حد سعتها يشفهالى المهم لقيت واحد بتاع جيش بيصلح عربيتة كانت الساعة 6 الصبح المهم قلتلة شفهالى ينوبك ثواب قلى البوجيهات طيب اجيب منين دلوقتى قلى طيب انا هسنفرهاء وجاب سنفرة حدادى واعد يسنفر واشتغل وبقت تمام واعد بتاع سنتين مغيرتهمش فالموضوع بصراحة ملوش معاير خالص حسب حالة البوجية نفسة وحرق البوجية وعوامل تنية المتور كويس ولا بياكل زيت حجات كدة
بس نصيحة جيب جديد وريح دماغك وبعد عن اليبانى دة خالص وحش جدا للعربيات الالمانى ولا اعلم السبب و3 شمعة هياكل بنزين ومتجيش تعيط